ఇన్వెస్టర్లకు పండగే.. ఈవారం ఏకంగా 10 ఐపీఓలు.. 12 లిస్టింగులు

పబ్లిక్ ఇష్యూ సందడి ఈ వారం సైతం కొనసాగనుంది. ఎందుకంటే ఏకంగా 10 కొత్త ఇనీషియల్ పబ్లిక్ ఆఫరింగ్స్ ( ఐపీఓ)లు వస్తుండగా అందులో రెండు మెయిన్ బోర్డు ఐపీలు, 8 ఎస్ఎంఈ సెగ్మెంట్ ఐపీఓలు ఉన్నాయి. ఈ వారమే ఆయా పబ్లిక్ ఇష్యూల సబ్‌స్క్రిప్షన్ మొదలవనుంది. కొత్త పబ్లిక్ ఇష్యూలతో పాటుగా ఈ వారం మార్కెట్లో ఏకంగా 12 కంపెనీల షేర్లు లిస్టింగ్ అవుతున్నాయి. అందులో ప్రధానంగా ఇన్వెస్టర్ల దృష్టిని ఆకర్షించిన NSDLఐపీఓ, లక్ష్మీ ఇండియా ఫైనాన్స్ కంపెనీల ఐపీఓలు ఉన్నాయి. ఈ క్రమంలో ఏ ఏ కంపెనీల ఐపీఓలు వస్తున్నాయి, ఏఏ కంపెనీలు లిస్టింగ్ అవుతున్నాయో తెలుసుకుందాం.

హైవే ఇన్‌ఫ్రా ఐపీఓ

హైవే ఇన్‌ఫ్రాస్ట్రక్చర్ ఐపీఓ సబ్‌స్క్రిప్షన్ ఆగస్టు 5వ తేదీన మొదలవుతుంది. ఆగస్టు 7 వరకు కొనసాగుతుంది. షేర్ల ధర రూ.65 నుంచి రూ.70గా నిర్ణయించారు.

జేఎస్‌డబ్ల్యూ సిమెంట్ ఐపీఓ

ఈ ఐపీఓ సబ్‌స్క్రిప్షన్ ఆగస్టు 7వ తేదీన మొదలై ఆగస్టు 11వ తేదీతో ముగుస్తుంది. ప్రైస్ బ్యాంక్ త్వరలోనే ప్రకటించనున్నారు.

ఎస్సెక్స్ మెరైన ఐపీఓ

ఇది ఒక ఎస్ఎంఈ ఐపీఓ. సబ్‌స్క్రిప్షన్ ఆగస్టు 4వ తేదీన ప్రారంభమై ఆగస్టు 6వ తేదీతో ముగుస్తుంది. ప్రైస్ బ్యాండ్ రూ.54గా నిర్ణయించారు.

బీఎల్‌టీ లాజిస్టిక్స్ ఐపీఓ

ఈ ఎస్ఎంఈ ఐపీఓ సబ్‌స్రిప్షన్ ఆగస్టు 4న మొదలై 6వ తేదీన ముగుస్తుంది. ఈ ఐపీఓ ప్రైస్ బ్యాండ్ రూ.71 నుంచి రూ.75గా నిర్ణయించారు.

జ్యోతి గ్లోబల్ ప్లాస్ట్ ఐపీఓ

ఈ ఎస్ఎంఈ ఐపీఓ సబ్‌స్క్రిప్షన్ సైతం సోమవారం 4వ తేదీన మొదలై గురువారం 6వ తేదీతో క్లోజ్ అవుతుంది. ఇందులో ఒక్కో షేరు ధర రూ.62-66 గా నిర్ణయించారు.

పార్థ ఎలక్ట్రికల్స్ ఐపీఓ

ఈ ఐపీఓ సబ్‌స్క్రిప్షన్ సైతం ఆగస్టు 4నే మొదలై 6వ తేదీతో క్లోజ్ అవుతుంది. ఇందులో ప్రైస్ బ్యాండ్ రూ.160-170 మధ్య నిర్ణయించారు.

భడోరా ఇండస్ట్రీస్ ఐపీఓ

ఈ ఎస్ఎంఈ ఐపీఓ సబ్‌స్క్రిప్షన్ 4వ తేదీన మొదలై 6వ తేదీతో ముగుస్తుంది. ఇందులో ధరల శ్రేణి రూ.97-103 మధ్య ఉంది.

సవాలియా ఫుడ్స్ ప్రొడక్ట్స్ ఐపీఓ

ఈ ఎస్ఎంఈ ఐపీఓ బిడ్లు దాఖలు ఆగస్టు 7న మొదలై ఆగస్టు 11 వరకు కొనసాగుతుంది. ఇందులో ప్రైస్ బ్యాండ్ రూ.114 నుంచి రూ.120గా నిర్ణయించారు.

ఏఎన్‌బీ మెటల్ క్యాస్ట్ ఐపీఓ

ఈ కంపెనీ పబ్లిక్ ఇష్యూ సబ్‌స్క్రిప్షన్ ఆగస్టు 8 నుంచి ఆగస్టు 12 వరకు కొనసాగుతుంది. ఇంకా ప్రైస్ బ్యాండ్ వివరాలు వెల్లడించలేదు.

12 కంపెనీల లిస్టింగ్స్ ఇవే

ఆగస్టు 4వ తేదీన ఉమియా మొబైల్, రెపోనోను మార్కెట్లలో లిస్ట్ అవుతున్నాయి. ఆ తర్వాత ఆగస్టు 5వ తేదీన ఆదిత్య ఇన్‌ఫోటెక్, లక్ష్మీ ఇండియా ఫైనాన్స్, కైటెక్స్ ఫాబ్రిక్స్ ఐపీఓలు లిస్టింగ్ అవుతున్నాయి. ఇక ఆగస్టు 6వ తేదీన ఎన్ఎస్‌డీఎల్, శ్రీ లోటస్ డెవల్మెంట్, ఎంఅండ్‌బీ ఇంజినీరింగ్, టక్యోన్ నెట్‌వర్క్స్, మెహుల్ కలర్స్, బీడీ ఇండస్ట్రీస్ సంస్థల స్టాక్స్ లిస్టవుతాయి. ఆ తర్వాత ఆగస్టు 7వ తేదీన రెనోల్ పాలికెమ్, క్యాష్ యూవర్ డ్రైవ్ మార్కెటింగ్ షేర్లు లిస్టవుతుండగా, ఆగస్టు 8వ తేదీన ఫైస్బ్స్ ఏవియేషన్ ఐపీఓ లిస్టవుతోంది.