తిలక్ వర్మకు డొమాస్టిక్.. వన్డే అరంగేట్రంలో చేదు అనుభవం
sports | Suryaa Desk | Published : Tue, Aug 05, 2025, 09:44 PM
టీమిండియా యువ క్రికెటర్ తిలక్ వర్మ ఇంగ్లండ్ డొమాస్టిక్ వన్డే కప్లో తన తొలి మ్యాచ్లో నిరాశకు గురయ్యాడు. హాంప్షైర్ జట్టుకు ప్రాతినిధ్యం వహిస్తున్న తిలక్ వర్మ మంగళవారం గ్లామోర్గాన్తో జరిగిన మ్యాచ్లో బరిలోకి దిగాడు. అయితే అరంగేట్రం మ్యాచ్లోనే అతను డకౌట్గా వెనుదిరగడం అభిమానులను నిరాశపరిచింది.
వేల్స్ క్రికెట్ గ్రౌండ్ వేదికగా జరిగిన ఈ మ్యాచ్లో తిలక్ మూడో స్థానంలో బ్యాటింగ్కు వచ్చాడు. కానీ కేవలం మూడు బంతులు ఆడిన తిలక్ ఖాతా తెరవకుండానే ఔటయ్యాడు. గ్లామోర్గాన్ పేసర్ నెడ్ లియోనార్డ్ వేసిన బౌలింగ్లో తిలక్ ఇచ్చిన క్యాచ్ను అస ట్రైబ్ అందుకొని అతని ఇన్నింగ్స్ను తుడిచేసాడు.
ఇదే తిలక్ వర్మకు మొదటి వన్డే మ్యాచ్ కావడంతో పెద్దగా ఒత్తిడికి గురైనట్టే కనిపించింది. టీమిండియా తరపున ఇప్పటికే అంతర్జాతీయ క్రికెట్లో తన ప్రతిభను చాటిన తిలక్, ఇంగ్లండ్ లీగ్లోనూ మంచి ప్రదర్శన చేస్తాడని అందరూ ఆశించారు. కానీ అరంగేట్ర మ్యాచ్లో ఇలా డకౌట్ కావడం అతనికి పెద్ద ఎదురుదెబ్బే.
అయితే తిలక్ గతంలో కౌంటీ చాంపియన్షిప్లో తన బ్యాటింగ్తో ఆకట్టుకున్న విషయం తెలిసిందే. అక్కడ అతను కొన్ని మెమరబుల్ ఇన్నింగ్స్లు ఆడాడు. అందుకే ఈ వన్డే టోర్నమెంట్లో తొలుత విఫలమైనా, వచ్చే మ్యాచుల్లో తిరిగి ఫామ్లోకి వస్తాడన్న ఆశాభావం అభిమానుల మధ్య ఉంది.
|
|