పాకిస్థాన్ ఆర్మీ జనరల్ మునీర్ కవ్వింపు చర్యలు,,,, తీవ్రంగా స్పందించిన భారత్

సైనిక చీఫ్ వ్యాఖ్యలు పాకిస్థాన్‌లోని అణ్వాయుధాలు ప్రయివేటు సంస్థల చేతుల్లోకి వెళ్లే ప్రమాదం ఉందని సూచిస్తున్నాయని మండిపడ్డాయి. ‘‘పాకిస్థాన్‌లో ప్రజాస్వామ్యం లేదు.. దానిని నియంత్రించేది వారి సైన్యమే’ అని పేర్కొన్నాయి. అమెరికా పర్యటనకు వెళ్లిన పాక్ ఆర్మీ చీఫ్ మునీర్.. ఫ్లోరిడాలో జరిగిన ఓ కార్యక్రమంలో పాల్గొన్నారు. ఈ సందర్భంగా అణుయుద్ధం గురించి బహిరంగంగానే బెదిరింపులకు దిగారు. భవిష్యత్తులో భారత్‌తో యుద్ధం జరిగి తమ దేశం ఉనికికి ముప్పు ఎదురైతే ‘సగం ప్రపంచాన్ని’ నాశనం చేస్తామని హెచ్చరించాడు. అమెరికా భూభాగం నుంచి మూడో పక్షంపై అణు బెదిరింపులకు దిగడం ఇదే మొదటిసారి.

అంతేకాదు, పాకిస్థాన్‌కు వచ్చే ప్రవాహాన్ని అడ్డుకునేలా సిందూ నదీ మార్గంలో భారత్ ఏదైనా నిర్మాణం చేపడితే ధ్వంసం చేస్తామని బెదిరింపులకు పాల్పడ్డాడు. తమ దేశానికి క్షిపణుల కొరత లేదని వ్యాఖ్యానించారు. పహల్గామ్ ఉగ్రవాద దాడి తర్వాత సింధు జలాల ఒప్పందాన్ని నిలిపివేస్తూ భారత్ తీసుకున్న నిర్ణయం 25 కోట్ల మంది ప్రజలను ఆకలిలోకి నెట్టేసే ప్రమాదం ఉందని ఆయన పేర్కొన్నారు. ‘భారత్ డ్యామ్ పూర్తిచేసే వరకూ వేచిచూసి.. 10 క్షిపణులతో దాన్ని కూల్చేస్తాం... సిందూ నది భారతీయుల కుటుంబ ఆస్తికాదు.. మాకు క్షిపణుల కొరత లేదు.. అంతా దేవుడే రక్షించాలి’ అని భారత్‌పై కవ్వింపులకు పాల్పడ్డాడు. అంతేకాదు, పాకిస్థాన్ డంపింగ్ ట్రక్కు అని.. భారత్ మెర్సిడేంజ్‌తో పోల్చారు.

‘మెర్సిడేంజ్ బెంజ్ మాదిరి వేగంగా, సమర్థవంతంగా, సున్నితంగా భారత్ ప్రయాణిస్తుంది. ఆర్థికంగా, సైనికపరంగా పటిష్టంగా, వ్యవస్థీకృతంగా అభివృద్ధి చెందుతోంది.. మా దేశం ఒక డంప్ ట్రక్కులాగా పని చేస్తుంది.. అది సున్నితంగా ఉండకపోవచ్చు కానీ క్లిష్టమైన పనులను సమర్థవంతంగా పూర్తి చేస్తుంది.. ఇలాంటి ఓ ట్రక్కు వచ్చి మెర్సిడేంజ్‌ను ఢీకొంటే నష్టం ఎవరికి ఎక్కువగా జరుగుతుందో ఊహించుకోవాలి’ అని అసిమ్ మునీర్ కారుకూతలు కూశారు.