ఏడాదికి ఒక్కసారే రీఛార్జ్.. జీయో సూపర్ ప్లాన్స్

ప్రస్తుత రోజుల్లో మొబైల్ అనేది జీవితంలో ఒక భాగమైపోయింది. ఒక్క క్షణం ఫోన్ లేకపోతే ఏదో కోల్పోయినట్లు అనుపించే స్థాయికి వచ్చేశాం. అలాంటి ఫోన్ రీఛార్జ్ లేకుండా ఆగిపోతే చేసే పని కూడా మనసున పట్టదు. అప్పుడ చేసైనా రీఛార్జ్ చేసుకుంటుంటాం. పోస్ట్ పెయిడ్ వినియోగదారులకు రీఛార్జ్ గోల ఉండదు కానీ ప్రీపెయిడ్ కస్టమర్లకు అయితే ముందుగానే నిర్దేశిన గడువు తేదీ ముగిసే లోపు మరో ప్లాన్‌తో రీఛార్జ్ చేసుకోవాల్సి ఉంటుంది. లేదంటే ఫోన్ కాల్స్ ఆగిపోతాయి. కనీసం ఇన్‌కమింగ్ సైతం ఉండదు. చాలా మంది నెల రోజులు, మూడు, ఆరు నెలల వ్యవధి ఉండే రీఛార్జ్ ప్లాన్లకు ప్రాధాన్యం ఇస్తారు.

అయితే, నెలకు, మూడు నెలలకు రీఛార్జ్ చేయడం చికాకు తెప్పించడమే కాదు, అదనంగా చెల్లించాల్సి వస్తుంది. తెలియకుండానే మనం ఎక్కువ డబ్బులు పెట్టాల్సి వస్తుంది. అలా అదనపు భారం చెల్లించకుండా ఉండాలంటే దీర్ఘకాల వ్యాలిడిటీ ప్లాన్స్ ఎంచుకోవడం మంచింది. ఏడాది వ్యాలిడిటీ గల ప్లాన్స్ బెస్ట్ ఆప్షన్ అని చెప్పవచ్చు. ఒక్కసారి రీఛార్జ్ చేసుకుంటే ఏడాది పొడవున ఎలాంటి ఆందోళన లేకుండా మొబైల్ వినియోగించుకోవచ్చు. ఈ క్రమంలో ప్రముఖ టెలికాం సంస్థ రిలయన్స్ జియో అందిస్తున్న ఏడాది రీఛార్జ్ ప్లాన్స్ , 300 రోజులకు పైబడి వ్యాలిడిటీ రీఛార్జుల గురించి ఇప్పుడు తెలుసుకుందాం.

జియో ఏడాది రీఛార్జ్ ప్లాన్స్..

దేశీయ దిగ్గజ టెలికాం సంస్థ రిలయన్స్ జియో 365 రోజుల వ్యాలిడిటీతో అద్భుతమైన రీఛార్జ్ ప్లాన్ తీసుకొచ్చింది. ఈ ప్యాక్ ధర రూ.3999గా ఉంటుంది. ఏడాది పాటు రోజుకు 2.5 జీబీ డేటాతో పాటు అన్‌లిమిటెడ్ కాల్స్ ఉంటాయి. ఆపై 90 రోజుల జియో హాట్ స్టార్ సబ్‌స్క్రిప్షన్ ఉచితంగా లభిస్తుంది. 50 జీబీ జియో ఏఐ క్లౌడ్ స్టోరోజ్ కూడా లభిస్తుంది. జియో టీవీ వంటి అదనపు బెనిఫిట్స్ సైతం కల్పిస్తోంది.

జియో రూ.3599 రీఛాజ్ ప్లాన్ ద్వారా కూడా 365 రోజుల వ్యాలిడిటీ ఉంటుంది. ఇందులోనూ రోజుకు 2.5 జీబీ డేటా లభిస్తుంది. అపరిమిత కాలింగ్, ఎస్ఎంఎస్‌లు వస్తాయి. 90 రోజుల పాటు జియో హాట్ స్టార్ ఉచిత సబ్‌స్క్రిప్షన్ లభిస్తుంది. 50 జీబీ వరకు జియో ఏఐ క్లౌడ్ స్టోరేజీ లభిస్తుంది.

ఇక జియో రూ.1748 ప్లాన్ వ్యాలిడిటీ 336 రోజులుగా ఉంటుంది. అన్‌లిమిటెడ్ వాయిస్ కాల్స్, జియో టీవీ, ఏఐ క్లౌడ్ సబ్‌స్క్రిప్షన్ లభిస్తుంది. జియో రూ.1234 ప్లాన్ (జియో భారత్ ఫోన్ మాత్రమే)తో 336 రోజుల వరకు ప్యాక్ వ్యవధి ఉంటుంది. ఇందులో అన్‌లిమిటెడ్ కాల్స్, రోజుకు 0.5 జీబీ డేటా సహా జియో సావన్, జియో టీవీ వంటి అదనపు బెనిఫిట్స్ వస్తాయి.