శుభమన్ గిల్ - సంజూ శాంసన్ ఇద్దరిలో ఒక్కరికే చోటు.. క్లారిటీ ఇచ్చిన అగార్కర్

ఎన్నో ఉత్కంఠలు, ఎన్నో టెన్షన్‌లు.. ఎన్నెన్నో ట్విస్ట్‌ల తర్వాత మొత్తానికి ఆసియా కప్ 2025 కోసం టీమిండియా స్క్వాడ్‌ను బీసీసీఐ ప్రకటించింది. స్పేస్ లేకపోయినప్పటికీ వైస్ కెప్టెన్ పేరుతో మొత్తానికి శుభమన్ గిల్‌కు అవకాశం ఇచ్చిన సెలక్టర్లు శ్రేయాస్ అయ్యర్‌కి ఎప్పటిలాగే మొండిచేయి చూయించారు. సంజూని పక్కనబెడతారని టాక్ వచ్చినప్పటికీ స్క్వాడ్‌లోకి తీసుకున్నారు. అయితే, ఓపెనర్‌గా సంజూకి అవకాశం ఇస్తారా? లేక గిల్‌ను పంపిస్తారా? అనేదే ఇప్పుడు పెద్ద ప్రశ్న!

ఆసియా కప్ 2025 కోసం ప్రకటించిన టీమిండియా స్క్వాడ్‌కు సూర్యకుమార్ యాదవ్ కెప్టెన్‌గా ఉంటే, అక్షర్ పటేల్‌ని పక్కనబెట్టి శుభమన్ గిల్ ‌కు వైస్ కెప్టెన్ బాధ్యతలు అప్పగించారు. శుభమన్ గిల్ వైస్ కెప్టెన్సీపై సూర్యకుమార్ యాదవ్ స్పందిస్తూ టీ20 వరల్డ్ కప్ నేపథ్యంలో జింబాబ్వే టూర్ నుంచే బీసీసీఐ ప్లాన్ ఇదేనని చెప్పాడు.

టీమిండియా ఓపెనర్ల గురించి సెలక్షన్ కమిటీ ఛైర్మన్ అజిత్ అగార్కర్ మాట్లాడుతూ అభిషేక్ శర్మతో కలిసి ఓపెనర్‌గా శుభమన్ గిల్, సంజూ శాంసన్ ఇద్దరిలో ఒక్కరికి అవకాశం ఉందన్నాడు. ప్లేయింగ్ 11లో ఎవరు ఆడాలి అనే నిర్ణయం మాత్రం దుబాయ్‌లో తీసుకుంటారని పేర్కొన్నాడు. ఈ లెక్క ప్రకారం ఇద్దరిలో ఒక్కరిని మాత్రమే ప్లేయింగ్ 11లో తీసుకునే అవకాశం ఉందని తెలుస్తోంది. సంజూ శాంసన్ మెయిన్ వికెట్ కీపర్‌గా ఉండగా, గిల్ వైస్ కెప్టెన్‌గా ఉన్నాడు.. మరి ఈ ఇద్దరిలో అదృష్టం ఎవరిని వరిస్తుందో చూడాలి!

టీమిండియా స్క్వాడ్ ఇదే

సూర్యకుమార్ యాదవ్ (కెప్టెన్), శుభమన్ గిల్ (వైస్ కెప్టెన్), అభిషేక్ శర్మ, తిలక్ వర్మ, హార్దిక్ పాండ్యా, శివమ్ దుబే, అక్షర్ పటేల్, జితేశ్ శర్మ (వికెట్ కీపర్), జస్ప్రీత్ బుమ్రా, అర్షదీప్ సింగ్, వరుణ్ చక్రవర్తి, కుల్దీప్ యాదవ్, సంజూ శాంసన్ (వికెట్ కీపర్), హర్షిత్ రాణా, రింకూ సింగ్. వీరితో పాటు ప్రసిద్ధ్ కృష్ణ, వాషింగ్టన్ సుందర్, రియాన్ పరాగ్, ధృవ్ జురెల్, యశస్వి జైస్వాల్ స్టాండ్ బైలో ఉంటారు.