మాజీ మంత్రి కొడాలి నానికి పెద్ద ఊరట లభించింది
Andhra Pradesh Telugu | Suryaa Desk | Published : Sat, Aug 30, 2025, 09:33 PM_7192.jpg)
వైసీపీ నేత, మాజీ మంత్రి కొడాలి నానికి పెద్ద ఊరట లభించింది. ఓ కేసులో కోర్టు ఆయనకు విధించిన బెయిల్ షరతుల గడువు నేటితో ముగిసింది. దీంతో ఇకపై ఆయన పోలీస్ స్టేషన్కు వెళ్లి సంతకాలు చేయాల్సిన అవసరం లేదు. మాజీ ఎమ్మెల్యే రావి వెంకటేశ్వరరావు వస్త్ర దుకాణంపై జరిగిన దాడి కేసుకు సంబంధించి కొడాలి నాని బెయిల్పై బయట ఉన్నారు. ఈ కేసులో ఆయనకు బెయిల్ మంజూరు చేసిన న్యాయస్థానం కొన్ని షరతులు విధించింది. ప్రతి మంగళవారం, శనివారం గుడివాడ వన్ టౌన్ పోలీస్ స్టేషన్లో హాజరై సంతకం చేయాలని తొలుత ఆదేశించింది.అయితే, ఈ షరతులపై కొడాలి నాని హైకోర్టును ఆశ్రయించారు. ఆయన అభ్యర్థనను పరిగణనలోకి తీసుకున్న ఉన్నత న్యాయస్థానం, షరతులను సవరించింది. వారానికి రెండుసార్లు కాకుండా, కేవలం ప్రతి శనివారం మాత్రమే సంతకం చేస్తే సరిపోతుందని స్పష్టం చేసింది. ఈ నిబంధనను రెండు నెలల పాటు పాటించాలని హైకోర్టు ఆదేశాలు జారీ చేసింది.హైకోర్టు విధించిన ఆ రెండు నెలల గడువు ఈరోజు పూర్తి కావడంతో, కొడాలి నానిపై ఉన్న బెయిల్ షరతులు పూర్తిగా తొలగిపోయినట్లయింది. దీంతో ఆయనకు ఈ కేసులో సంతకాల బాధ్యత నుంచి పూర్తి విముక్తి లభించింది.
|
|