వరుసగా మూడు రోజుల సెలవులు – ఈ నెలలో మొత్తం 15 హాలిడేలు!
national | Suryaa Desk | Published : Wed, Sep 03, 2025, 08:54 PM
ఈ సెప్టెంబర్లో సెలవుల హంగామా సాధారణ వీకెండ్ సెలవులకు తోడు పండుగల కారణంగా ఈసారి సెప్టెంబర్ నెలలో వరుసగా హాలిడేలు రాబోతున్నాయి. నాలుగు ఆదివారాలు, రెండు శనివారాలు, దసరా పండుగ బ్రేక్ కలిపి విద్యార్థులు, ఉద్యోగులకు దాదాపు 15 రోజులకు పైగా విశ్రాంతి లభించనుంది.వరుసగా మూడు రోజుల హాలిడేలుఈ వారాంతం నుంచే సెలవుల పరంపర మొదలవుతోంది. శుక్రవారం, సెప్టెంబర్ 5న ముస్లింల పండుగ మిలాద్ ఉన్ నబీ సందర్భంగా స్కూళ్లు, కాలేజీలు, బ్యాంకులు, ప్రభుత్వ కార్యాలయాలకు సెలవు ఉంటుంది. దానికి మరుసటి రోజు, సెప్టెంబర్ 6న వినాయక నిమజ్జనం కారణంగా తెలంగాణ, ఆంధ్రప్రదేశ్ ప్రభుత్వాలు హాలిడే ప్రకటించాయి. ఈ రెండింటికి సెప్టెంబర్ 7న వచ్చే ఆదివారం జత కావడంతో వరుసగా మూడు రోజుల లాంగ్ వీకెండ్ దొరకనుంది. ఈ మూడు రోజులు చిన్న ట్రిప్ ప్లాన్ చేసుకునే వారికి బంగారు అవకాశం.
*దసరా సెలవుల జాతర : ఇక్కడితో ఆగిపోవడం లేదు. సెప్టెంబర్ 21 నుంచి 30 వరకు బతుకమ్మ, దసరా పండుగల సందర్భంగా స్కూళ్లు, కాలేజీలు, కొన్నిప్రభుత్వ కార్యాలయాలకు వరుసగా సెలవులు ఉంటాయి. తెలంగాణ, ఆంధ్రప్రదేశ్ ప్రభుత్వాలు ఇప్పటికే తమ అకడమిక్ క్యాలెండర్లలో ఈ వివరాలను వెల్లడించాయి.మొత్తం మీద, ఈ సెప్టెంబర్ నెల విద్యార్థులు, ఉద్యోగులకు నిజంగా హాలిడేల పండుగ. కుటుంబం, స్నేహితులతో టైమ్ గడపడానికి, ట్రావెల్స్ ప్లాన్ చేసుకోవడానికి ఇదొక మంచి అవకాశం.
|
|