ఏ ఐపీఎల్‌ టీమ్‌ నుంచి ఎంత మంది ఆటగాళ్లు భారత్‌కు ఎంపికయ్యారో తెలుసా

ఆసియాకప్ 2025 .. సెప్టెంబర్ 9 నుంచి ప్రారంభం కానుంది. ఇప్పటికే అన్ని జట్లు తమ బృందాన్ని ప్రకటించాయి. పాకిస్థాన్, అప్ఘానిస్థాన్‌లు అయితే ఇప్పటికే టోర్నీ వేదిక అయిన యూఏఈలో ల్యాండ్ అయిపోయాయి. అటు భారత ఆటగాళ్లు సైతం గురువారం యూఏఈకి బయలుదేరనున్నట్లు సమాచారం. ఈ టోర్నీ కోసం టీమిండియా సెలక్షన్ కమిటీ.. 15 మంది ఆటగాళ్లను ప్రకటించింది. ఈ జట్టుకు సూర్యకుమార్ యాదవ్ కెప్టెన్‌ కాగా.. శుభ్‌మన్ గిల్‌ వైస్ కెప్టెన్‌గా ఎంపికయ్యాడు. సెప్టెంబర్ 10న భారత్ తన తొలి మ్యాచ్ ఆడనుంది.

ఆసియాకప్ టీ20 ఫార్మాట్‌లో జరగనుండటంతో ఐపీఎల్ 2025లో సత్తాచాటిన చాలా మంది ప్లేయర్లకు ఆడే అవకాశం వచ్చింది. ఇందులో రింకూ సింగ్, వరుణ్ చక్రవర్తి వారు ఉన్నారు. అయితే భారత జట్టుకు ఎంపికైన 15 మంది ఆటగాళ్లలు ఏ ఫ్రాంఛైజీకి చెందిన ఆటగాళ్లు ఉన్నారు? ఎంతమంది ఏ ఫ్రాంఛైజీ నుంచి ఉన్నారో ఇప్పుడు చూద్దాం..

ముంబై ఇండియన్స్‌ నుంచి నలుగురు..

అత్యధికంగా ముంబై ఇండియన్స్ నుంచి నలుగురికి చోటు దక్కింది. కెప్టెన్ సూర్యకుమార్ యాదవ్‌తో పాటు జస్‌ప్రీత్ బుమ్రా, హార్దిక్ పాండ్యా, తిలక్ వర్మ ఇందులో ఉన్నారు.

కోల్‌కతా నైట్ రైడర్స్‌ నుంచి ముగ్గురికి చోటు..

ఆల్‌రౌండర్, స్పెషలిస్ట్ స్పిన్నర్, పేసర్‌ కోటాలో కోల్‌కతా నైట్ రైడర్స్ నుంచి ముగ్గురు ఆటగాళ్లకు అవకాశం వచ్చింది. ఇందులో రింకూ సింగ్, వరుణ్ చక్రవర్తి, హర్షిత్ రాణా ఉన్నారు.

ఢిల్లీ క్యాపిటల్స్ నుంచి అక్షర్, కుల్‌దీప్..

ఢిల్లీ క్యాపిటల్స్ ఫ్రాంఛైజీ నుంచి ఐపీఎల్‌లో ఆ జట్టు కెప్టెన్ అక్షర్ పటేల్‌కు ఆసియాకప్‌ జట్టులో చోటు దక్కింది. స్పిన్నర్ కుల్‌దీప్ యాదవ్‌ కూడా ఎంపికయ్యాడు.

ఇక మిగతా ఆరుగురు ఆటగాళ్లు ఫ్రాంఛైజీకి ఒకరు చొప్పున ఎంపికయ్యారు. లక్నో సూపర్ జెయింట్స్‌ నుంచి ఒక్కరు కూడా ఆసియాకప్‌ కోసం ఎంపిక కాలేదు.

రాయల్ ఛాలెంజర్స్ బెంగళూరు: జితేశ్ శర్మ

సన్‌ రైజర్స్ హైదరాబాద్‌: అభిషేక్ శర్మ

రాజస్థాన్ రాయల్స్‌: సంజూ శాంసన్

గుజరాత్ టైటాన్స్‌: శుభ్‌మన్ గిల్‌

చెన్నై సూపర్ కింగ్స్‌: శివమ్ దూబె

పంజాబ్ కింగ్స్‌: అర్షదీప్ సింగ్‌