కొబ్బరికాయ కొట్టి పీచుని రూమ్‌ఫ్రెషనర్‌గా, దోమల్ని తరిమేందుకు​కూడావాడొచ్చు

కొబ్బరికాయ, కొబ్బరి నూనె, కొబ్బరి ఆకులు, కొబ్బరి పీచు ఇలా కొబ్బరిని అనేక రకాలుగా వాడొచ్చు. ఇంట్లో కొబ్బరికాయ పీచుని అనేక రకాలుగా వాడడానికి ముందుగా కొబ్బరికాయ నుంచి పీచుని వేరుచేయాలి. దీనికోసం ఓ కర్రతో కొబ్బరికాయలోకి గుచ్చాలి. మీకు కత్తి అలవాటు ఉంటే దానిని కూడా వాడొచ్చు. అయితే, దాన్ని వాడేటప్పుడు ఏ మాత్రం తేడా వచ్చినా గాయాలవుతాయి. కాబట్టి, కర్రని పీచులోపలకి గుచ్చండి. తర్వాత కొద్దిగా పక్కకి మరోసారి గుచ్చండి. ఈ రెండింటిని మధ్యలో పట్టి లాగితే పీచు వస్తుంది. ఇలానే కాయని తిప్పుతూ పీచుని తీయండి. ముందుగా పీచుని వదులుచేయడం. తర్వాత గట్టిగా లాకి బయటికి తీయడం. ఇలా తీసిన పీచుని ఓ సారి దులపండి. దీంతో కాస్తా పొట్టు మొత్తం బయటికి వచ్చేస్తుంది. దీనిని కూడా వేస్ట్ చేయాల్సిన అవసరం లేదు. మనం దాన్నికూడా వాడొచ్చు. అసలు ఈ పీచుని ఎలా వాడతామో తెలుసుకోండి ముందుగా.

ఒంటికి

కొబ్బరిపీచుని చర్మాన్ని స్క్రబ్ చేయడానికి కూడా వాడొచ్చు. చాలా మంది బయట దీనిని అమ్ముతున్నారు కూడా. అయితే, ఇవి కాస్తా షార్ప్‌గా ఉంటాయి. మరీ ఎక్కవుగా రుద్దొద్దు. అదే విధంగా ముందుగా వాడేటప్పుడు వీపు, కాళ్ళ ఇలా మురికి పేరుకుపోయే చోటే ఎక్కువగా రాయండి. మీకు నచ్చితే స్కిన్‌‌పై ప్రయోగించండి. దీనిని వాడడం వల్ల ఎక్స్‌ఫోలియేషన్ అవుతుంది స్కిన్‌పై డెడ్ స్కిన్ సెల్స్ వెళ్లిపోతాయి. చర్మంపై నుండి మలినాలని క్లీన్ చేస్తుంది. ప్లాస్టిక్ స్క్రబ్బర్స్ కంటే ఇవి చాలా మంచివి.

పాత్రలు క్లీనింగ్

ఇప్పుడంటే స్క్రబ్బర్స్ అవి వచ్చాయి కానీ, ఒకప్పుడు గిన్నెలు క్లీన్ చేయడానికి కొబ్బరిపీచునే వాడేవారు. జిడ్డుని పొగొట్టడానికి, గిన్నెలు తెల్లగా మారడానికి కొబ్బరిపీచు చాలా బాగా పనిచేస్తుంది. పైగా ఇవి కెమికల్ ఫ్రీ ఎలాంటి కెమికల్స్ లేకుండానే వాడొచ్చు. బాగా మసి పట్టిన గిన్నెలు, జిడ్డు పట్టిన నూనె డబ్బాలు, దేవుడి కుందులు, ఇలా ఏవైనా సరే జిడ్డు మరకల్ని క్లీన్ చేయడం వల్ల చాలా వరకూ మరకలు పోయి కొత్తవాటిలా మెరుస్తాయి.

ఎరువుగా 

మనం ముందు దులుపుకున్న పొట్టు కొబ్బరి పీచుని కట్ చేసి ఇంటి గార్డెన్‌లో పూల చెట్లకి ఎరువులా కొద్దికొద్దిగా వేయండి. దీని వల్ల నేలకి పోషకాలు అందుతాయి. మొక్కలు త్వరగా పెరుగుతాయి. దీని వల్ల మరో లాభమేంటంటే పీచు నీటిని పీల్చుకుంటుంది. మనం ఎప్పుడైనా నీరు పోయకపోయిన నేల తడిగా ఉంటుంది. దీని వల్ల శిలీంధ్రాలు, తెగుళ్లు పెరగవు. పిట్ బదులు దీనిని వాడొచ్చు. ఇలా ఇంట్లోనే తయారుచేసే ఎరువులతో చెట్లని చక్కగా పెంచొచ్చు.

క్రియేటివిటీతో ఇంట్లోకి వస్తువులు తయారు చేయడం

ఈ కొబ్బరిపీచుని మనం చక్కగా క్లీన్ చేసి కాస్తా క్రియేటివ్‌గా ఆలోచిస్తే ఇంట్లోకి ఉపయోగపడే డెకరేటివ్ ఐటెమ్స్ చేయొచ్చు. షెల్, పక్షి గూడు, పక్షులు, పిట్టలు, చిలక ఇలా ఎలా అయినా క్రియేట్ చేయండి. దీని వల్ల చూడ్డానికి చాలా క్రియేటివ్‌గా ఉంటాయి. బయట చాలా చోట్ల ఇలాంటివే చేసి అమ్ముతున్నారు. ఇలా ఇంట్లో పనికి రావని పారేసే వస్తువులతో పనికొచ్చే పనులు చాలానే చేయొచ్చు.

ఎయిర్‌ఫ్రెషనర్‌గా

కొబ్బరి పొట్టుని మనం ఇంట్లో రూమ్‌ఫ్రెషనర్‌గా కూడా వాడొచ్చు. ఇత్తడి కప్పులో కొబ్బరిపొట్టుని ఉంచండి. తర్వాత అందులో ఓ కర్పూరం ఉంచి వెలిగించండి. ఇది ఇంట్లో, కిచెన్‌లో ఎక్కడైనా సరే ఉంచితే మంచి స్మెల్ రావడమే కాదు. దోమలు కూడా పారిపోతాయి. దీంతోపాటు డోర్ మ్యాట్స్ కూడా తయారుచేయొచ్చు. ఏంటి ఈ పీచుతో డోర్ మ్యాట్ ఆ అని ఆశ్చర్యపోవద్దు. దీంతో హాయిగా చేయొచ్చు. దీనికోసం ఎక్కువ పీచు పడుతుంది. పీచునంతా క్లీన్ చేసి అల్లండి. దీనిని స్క్వేర్, రౌండ్, రెక్టాంగిల్, ఇలా మీ ఇష్టమొచ్చినట్లుగా డిజైన్ చేయండి. అల్లాకా చివర్లో ఓ చోట ముడివేసి చుట్టూ తిప్పి అతికించండి. పై నుంచి ఏదైనా కాటన్ క్లాత్ వేసి కుట్టండి. దీని వల్ల కాళ్లు తుడుచుకున్నా కూడా కాళ్ళు ఆరిపోతాయి. ఎక్కువ రోజులు వస్తాయి డోర్ మ్యాట్స్.