వీటిని మీ ముఖానికి రాయోద్దు...దూరంగా పెట్టండి

చర్మ సమస్యలు రాగానే వాటిని త్వరగా తగ్గించేందుకు క్రీమ్స్, టిప్స్ అంటూ కొంతమంది కొన్నింటిని ఫాలో అవుతారు. ట్రీట్‌మెంట్ తీసుకునే బదులు ఫాస్ట్‌గా సమస్యని తగ్గించే టిప్స్‌ని వెతకడం మొదలు పెడతారు. ఇందులో నెట్‌లో ఒక్కసారి రాయగానే రిజల్ట్ ఉందని చెప్పగానే వాటిని రాసేస్తుంటారు. నిజానికీ వాటి వల్ల ఇన్‌స్టంట్‌గా రిజల్ట్ కనిపించినప్పటికీ దాని వల్ల ఫ్యూచర్‌లో ప్రాబ్లమ్స్ వస్తాయి. స్కిన్ డ్యామేజ్ అవుతుంది. అలా అసలు చర్మంపై రాయకూడని పదార్థాలేంటో తెలుసుకోండి.

​మొటిమలు, మచ్చలు, బ్లాక్, వైట్ హెడ్స్ ఇలాంటి రకరకాల చర్మ సమస్యలు ఉంటాయి. అన్నింటికీ ఒకటే పరిష్కారం ఉండకపోవచ్చు. వీటిని తగ్గించేందుకు ముందుగా అవి ఎందుకు వస్తున్నాయో తెలుసుకోవాలి. ఆ కారణాలని కనిపెట్టి వాటికి దూరమైతే సమస్య నుంచి బయటపడతాం. కానీ, మనం అలా కాదు. ఏ కారణం చేత ప్రాబ్లమ్ వచ్చినా వాటిని దూరం చేసుకునేందుకు ముందుగా ఇంటి చిట్కాలనే ప్రయోగిస్తాం. నిజానికీ ఇంటి చిట్కాలు చాలా ప్రాబ్లమ్స్‌ని తగ్గిస్తాయి. అయితే, వాటి వల్ల సైడ్ ఎఫెక్ట్స్ కూడా ఉండవు. కానీ, కొన్ని ఐటెమ్స్ మాత్రం చర్మ సమస్యల్ని తగ్గించే బదులు మరింత పెద్దగా చేస్తాయి. దీనికి కారణం, అందులోని కొన్ని రకాల గుణాలు, అలాంటివాటిని చర్మంపై నేరుగా పూయొద్దు. దీని వల్ల స్కిన్ డ్యామేజ్ అవుతుంది. మరి అవేంటో తెలుసుకోండి.

వ్యాక్స్

​అన్‌వాంటెడ్ హెయిర్‌ని రిమూవ్ చేయడానికి వ్యాక్స్ బెస్ట్ ఆప్షన్. కానీ, బాడీలో మిగతా భాగాలతో పోలిస్తే ముఖంపై చర్మం సున్నితంగా ఉంటుంది. శరీరంపై వెంట్రుకల్ని తొలగించడానికి వ్యాక్సింగ్ అస్సలు మంచిది కాదు. దీని వల్ల ఇన్‌గ్రోన్ హెయిర్ పెరగడంతో పాటు, స్కిన్ సెన్సెటీవ్‌గా మారుతుంది. అంతేకాకుండా మచ్చలు, దద్దుర్లు, మొటిమలు, ముడతల వంటి సమస్యలొస్తాయి. కాబట్టి, వ్యాక్సింగ్ చేయించుకునే ముందు జాగ్రత్తగా ఉండాలి.

టూత్‌పేస్ట్

ముఖంపై మచ్చలు, మొటిమల్ని తగ్గించడానికి టూత్‌పేస్ట్ బాగా పనిచేస్తుందని చెబుతారు. కానీ, దీనిని ముఖానికి రాస్తే మచ్చలు ఏర్పడడమే కాకుండా ఇన్ఫెక్షన్స్ వస్తాయి. ఇందులో హార్ష్ కెమికల్స్ చర్మాన్ని ఇబ్బంది పెడతాయి. దీంతో స్కిన్ ఎర్రగా మారుతుంది. కాబట్టి, టూత్‌పేస్ట్ వాడకుండా ఉండడం మంచిది. మొటిమల్ని తగ్గించడంలో టూత్‌పేస్ట్ బాగా పనిచేస్తుందని, దీని వల్ల మెలనిన్ ఉత్పత్తి పెరుగుతుందని చెబుతారు. కానీ, అది రాసిన ప్రదేశంలో రంగు మారడమే కాకుండా నల్లని మచ్చలు ఏర్పడతాయి. కాబట్టి, దీనిని అవాయిడ్ చేయడం మంచిది.

ఎక్స్‌పైర్డ్ సన్‌స్క్రీన్

ముఖంపై వచ్చే సమస్యల్ని దూరం చేయడంలో సన్‌స్క్రీన్ ఎంతగానో హెల్ప్ చేస్తుంది. కాబట్టి, ప్రతీ 2 గంటలకోసారి సన్‌స్క్రీన్ రాయమని చెబుతారు. దీని వల్ల సూర్యుడి నుంచి వచ్చే హానికరమైన కిరణాల నుండి చర్మాన్ని కాపాడుకోవచ్చు.చర్మంపై ముడతలు, మచ్చలు, ట్యాన్ వంటివి పెరగవు. అయితే, ఆ సన్‌స్క్రీన్ సరైనది రాయాలి. ఎక్స్‌పైర్ అయిన సన్‌స్క్రీన్ రాయొద్దు. దీని వల్ల అలర్జీ వంటివే కాకుండా స్కిన్ ఇరిటేట్ అవుతుంది. దీని వల్ల స్కిన్ రిపేర్ అవ్వడమే కాకుండా మరిన్ని సమస్యలొస్తాయి. కాబట్టి, జాగ్రత్తగా ఉండాలి. ప్రతీసారి సన్‌స్క్రీన్ కొన్నప్పుడు ఎక్స్‌పైరీ డేట్ చూసి కొనడం, వాడే ముందు చెక్ చేయడం చేయాలి.

నిమ్మరసం

నిమ్మరసంలో బ్లీచింగ్ గుణాలతో పాటు విటమిన్ సి పుష్కలంగా ఉంటుంది. ఇది చర్మాన్ని మెరిసేలా చేస్తుంది. కానీ, దీనిని నేరుగా ముఖానికి రాయడం అస్సలు మంచిది కాదు. దీనిని డెల్యూట్ చేసి వాడాలి. అంటే కొద్దిగా నిమ్మరసాన్ని అంతకుమించిన నీటితో కలిపి డెల్యూట్ చేసి అప్పుడే రాయాలి. ఎందుకంటే దీనిలో ఎక్కువగా సిట్రిక్ యాసిడ్ ఉంటుంది. దీని వల్ల చర్మం ఎఫెక్ట్ అవుతుంది. చర్మంపై మంట, పగుళ్ళు, డ్యామేజ్ అవ్వడం జరుగుతుంది. నిమ్మలోని ప్సోరాలెన్ అనే కెమికల్ చర్మాన్ని మరింత సెన్సెటీవ్ చేస్తుంది. ఎండలోకి వెళ్లినప్పుడు మరింత సెన్సెటీవ్‌గా మారుతుంది. నిమ్మని ముఖానికి అప్లై చేశాక ఎండలోకి వెళ్లడం వల్ల చర్మం ఇబ్బందికి గురవుతుంది. అతినీలలోహిత కిరణాలు పడి రియాక్షన్ ఏర్పడి దద్దుర్లు రావొచ్చు.

కొబ్బరినూనె

కొబ్బరినూనెలో మాయిశ్చరైజింగ్ గుణాలు చర్మాన్ని కోమలంగా మారుస్తాయని చెబుతారు కానీ, ఇందులో ఏ మాత్రం నిజం లేదు. ఈ ఆయిల్‌లో లారిక్ యాసిడ్ ఉంటుంది. ఇది సంతృప్త కొవ్వు. చర్మ రంధ్రాల్ని మూసుకుపోయేలా చేస్తుంది. దీని వల్ల స్కిన్ పొడిబారుతుంది. లేదంటే చర్మ సమస్యలొస్తాయి. కాబట్టి, చర్మంపై ఈ ఆయిల్ని వాడకపోవడమే మంచిది. ముఖ్యంగా ఆయిలీ స్కిన్ వారు దీనికి దూరంగా ఉండాలి. చర్మానికి ఆయిల్‌ని అప్లై చేసినప్పుడు చర్మంలో అబ్జార్బ్ అవ్వడానికి టైమ్ పడుతుంది. దీంతో చర్మ రంధ్రాలు మూసుకుపోయి మొటిమలు పెరుగుతాయి.