రాజ్యాంగ హక్కులని సైతం చంద్రబాబు కాలరాస్తున్నారు

 ప్రభుత్వ మెడికల్‌ కాలేజీలను ప్రైవేటీ­కరిస్తూ సీఎం చంద్రబాబు తీసుకున్న నిర్ణయాన్ని వ్యతిరేకి­స్తూ వైయ‌స్ఆర్‌సీపీ  యువజన, విద్యార్థి విభాగాల ఆధ్వర్యంలో శుక్రవారం శాంతియుతంగా ఆందోళనలు, ర్యాలీలు నిర్వ­హించిన వారిపై పోలీసులు లాఠీచార్జ్‌ చేయడం దారుణమని వైయ‌స్ఆర్‌సీపీ అధ్యక్షుడు వైయ‌స్‌ జగన్‌మోహన్‌రెడ్డి ఆగ్రహం వ్యక్తం చేశారు.  ప్రజల తరఫున నిరసన తెలిపే రాజ్యాంగ పరమైన హక్కులను కాలరాస్తారా? అంటూ సీఎం చంద్ర­బాబును నిలదీశారు. మెడికల్‌ కాలేజీల ప్రైవేటీకరణ నిర్ణయాన్ని ఉపసంహరించుకునేంత వరకు పోరా­టా­లు మరింత ఉద్ధృతంగా కొ­న­సాగుతాయని స్పష్టం చేశా­రు. ఈ మేరకు శుక్ర­వారం ‘ఎక్స్‌’లో పోస్టు చేశారు. అందులో ఏమన్నారంటే.. చంద్రబాబు గారూ.. ప్రజారోగ్య రంగాన్ని, పేదల ఆ­రోగ్య భద్రతను కాపాడుకునేందుకు, మెడికల్‌ కాలేజీల ప్రై­వేటీకరణను వ్యతిరేకిస్తూ ప్రజల తరఫున, వారి గొంతును గట్టిగా వినిపిస్తూ, వారితో కలిసి వైయ‌స్ఆర్‌సీపీ  యూ­త్, స్టూడెంట్‌ విభాగాల నేతృత్వంలో చేపట్టిన శాంతి­యుత ఆందోళనలు, ర్యాలీలను ఎందుకు పాశవికంగా అడ్డు­కోవాల­ను­కున్నారు? ఎందుకు లాఠీచార్జ్‌ చేశారు? గృహ నిర్బంధాలు, అరెస్టులు ఎందుకు చేశారు? ఈ రాష్ట్రంలో అసలు ప్రజాస్వామ్యం అనేది ఉందా? ప్రజల తరఫున ని­రసన తెలిపే రాజ్యాంగపరమైన హక్కులను కాలరాస్తారా? మీరు స్కాములు చేస్తూ ప్రజల ఆస్తులైన గవర్నమెంట్‌ మెడికల్‌ కాలేజీలను మీ అనుయాయులకు అమ్మేస్తుంటే వాటిని ప్రశ్నించకూడదా? ప్రజల తరఫున గొంతెత్తితే అణ­చి వేస్తారా? మెడికల్‌ కాలేజీల ప్రైవేటీకరణను వ్యతిరే­కి­స్తూ అసెంబ్లీ వెలుపల కూడా మా పార్టీ ఎమ్మెల్సీ­లు నిర­సిస్తుంటే పోలీసులతో దౌర్జన్యం చే­యించడం మీ బరితె­గింపు కాదా? ఈ కార్యక్రమాన్ని కవర్‌ చేస్తున్న మీడియా ప్రతినిధులపై దాడులకు దిగుతారా? ఏమిటీ రాక్షసత్వం? అని ప్రశ్నించారు.