మెడికల్ కాలేజీల ప్రైవేటీకరణను ప్రభుత్వం సమర్ధించుకుంటుంది
Andhra Pradesh Telugu | Suryaa Desk | Published : Wed, Sep 24, 2025, 05:03 PM
సీఎం చంద్రబాబు సిగ్గులేకుండా అసెంబ్లీ సాక్షిగా ప్రభుత్వ మెడికల్ కాలేజీల ప్రైవేటీకరణను సమర్థించుకుంటూ మాట్లాడారని మాజీ మంత్రి విడదల రజిని మండిపడ్డారు. తాడేపల్లి వైయస్ఆర్సీపీ కేంద్ర కార్యాలయంలో ఆమె మీడియాతో మాట్లాడుతూ... ఈ రాష్ట్రంలో పేదలకు వైద్య విద్యను, మెరుగైన వైద్యసేవలను దూరం చేస్తున్న దుర్మార్గుడు చంద్రబాబని ఆగ్రహం వ్యక్తం చేశారు. వైయస్ జగన్ ఎంతో విజన్తో శ్రీకారం చుట్టిన 17 ప్రభుత్వ మెడికల్ కాలేజీలను తనకు కావాల్సిన వారికి కట్టబెట్టేందుకు సిద్దమైన చంద్రబాబు దానినే తన విజన్ అని చెప్పుకోవడం ఆయన దివాలాకోరుతనంకు నిదర్శనమని ధ్వజమెత్తారు. వైద్యరంగంలో వైయస్ జగన్ ప్రభుత్వం తీసుకువచ్చిన అన్ని కార్యక్రమాలకు పేర్లు మార్చి, వాటిని తానే ప్రారంభిస్తున్నట్లుగా చంద్రబాబు తన ప్రజెంటేషన్లో చెప్పుకోవడాన్ని చూసి ప్రజలు అసహ్యించుకుంటున్నారని ఆక్షేపించారు.
|
|