సినిమా ప్రియులకు షాక్: ట్రంప్ అధికారంలో విదేశీ చిత్రాలపై 100% సుంకాలు!
international | Suryaa Desk | Published : Mon, Sep 29, 2025, 08:48 PM
అమెరికా అధ్యక్షుడు డొనాల్డ్ ట్రంప్ సంచలన నిర్ణయం తీసుకున్నారు. అమెరికా వెలుపల నిర్మించబడే సినిమాలపై 100 శాతం సుంకం విధించాలని ప్రకటించారు.ఇతర దేశాలు తమ సినిమా పరిశ్రమను లాక్కి, అమెరికా నిర్మాణ వ్యాపారాన్ని దొంగిలిస్తున్నాయని ట్రంప్ ఆరోపించారు. ఆయన ట్రూత్ సోషల్లో పేర్కొన్నారు. అయితే, ఈ సుంకాలు ఎప్పటి నుంచి అమలు కావాలో మాత్రం స్పష్టం కాలేదు.ట్రంప్ వ్యాఖ్యల ప్రకారం, "అమెరికా వెలుపల నిర్మించే అన్ని సినిమాలపై 100 శాతం సుంకం విధిస్తాం. మా సినిమా పరిశ్రమను ఇతర దేశాలు దొంగిలించాయి. పిల్లల నుండి మిఠాయిలను తీసివేతలా మా పరిశ్రమను లాక్కేశారు. ముఖ్యంగా కాలిఫోర్నియాకు చెందిన బలహీన, అసమర్థ గవర్నర్ కారణంగా ఈ పరిస్థితి వచ్చింది. దీర్ఘకాలిక సమస్యను ఈ సుంకాల ద్వారా పరిష్కరిస్తూ అమెరికాను తిరిగి అగ్రస్థానంలో నిలుపుతాను" అన్నారు.సుంకాలు ఎప్పటి నుంచి అమలు చేయబడతాయో, ఎలా విధిస్తారో ఇంకా స్పష్టత రాలేదు. వైట్ హౌస్ నుంచి అధికారిక ప్రకటన కూడా వెలువడలేదు. కానీ, ఈ నిర్ణయం హాలీవుడ్ మీద ప్రభావం చూపుతుందని భావిస్తున్నారు. ముఖ్యంగా తెలుగు సినిమాలకు అమెరికా ఒక పెద్ద మార్కెట్ కావడంతో, ఈ సుంకాల నిర్ణయం భారతీయ చిత్ర పరిశ్రమపై కూడా ప్రభావం చూపే అవకాశం ఉంది.ట్రంప్ సుంకాల నిర్ణయం వెలువడిన వెంటనే అమెరికా మార్కెట్లో నెట్ఫ్లిక్స్ షేరు విలువ సుమారు 1.5 శాతం పడిపోయింది.
|
|