భారత్‌తో టెస్టు సిరీస్‌కి ముందు వెస్టిండీస్‌కు షాక్!

ఆసియా కప్‌ ముగియగానే క్రికెట్ అభిమానులకు మరో పండుగలా భారత్ మరో సిరీస్‌తో ముందుకొస్తోంది. అక్టోబర్ 2 నుంచి టీమిండియా vs వెస్టిండీస్ (IND vs WI) మధ్య రెండు టెస్టుల సిరీస్ ప్రారంభం కానుంది.ఈ సిరీస్‌లో తొలి టెస్టు అక్టోబర్ 2–6 మధ్య అహ్మదాబాద్‌లో, రెండో టెస్టు అక్టోబర్ 10–14 మధ్య ఢిల్లీలో జరగనుంది. ఇప్పటికే ఇరు జట్లు తమ తమ స్క్వాడ్‌లను ప్రకటించాయి. విండీస్‌ ఆటగాళ్లు నాలుగు రోజుల ముందే అహ్మదాబాద్‌కు చేరుకున్నారు.అయితే, సిరీస్‌ ఆరంభానికి ముందు వెస్టిండీస్ జట్టుకు షాక్ తగిలింది. కీలక పేసర్ అల్జారీ జోసెఫ్ వెన్ను గాయంతో సిరీస్‌ మొత్తానికి దూరమయ్యాడు. ఈ విషయాన్ని వెస్టిండీస్ క్రికెట్ బోర్డు అధికారికంగా వెల్లడించింది. అతడి స్థానంలో జెడియా బ్లేడ్స్‌ను జట్టులోకి తీసుకున్నట్టు ప్రకటించింది.జెడియాకు ఇప్పటివరకు టెస్టు అనుభవం లేదు. అయితే వన్డేలు, టీ20ల్లో కలిపి 7 మ్యాచ్‌లు ఆడి నాలుగు వికెట్లు తీశాడు. అంతకుముందు ఈ సిరీస్‌ కోసం ఎంపికైన మరో పేసర్ షమర్ జోసెఫ్ గాయపడటంతో, అతని స్థానంలో పేస్ బౌలింగ్ ఆల్‌రౌండర్ జోహన్ లేన్‌ను తీసుకున్నారు.
*భారత జట్టు (India Squad):శుభ్‌మన్ గిల్ (కెప్టెన్), యశస్వి జైస్వాల్, కేఎల్ రాహుల్, సాయి సుదర్శన్, దేవదత్ పడిక్కల్, ధ్రువ్ జురేల్ (వికెట్ కీపర్), రవీంద్ర జడేజా (వైస్ కెప్టెన్), వాషింగ్టన్ సుందర్, జస్‌ప్రీత్ బుమ్రా, అక్షర్ పటేల్, నితీశ్ రెడ్డి, నారాయణ జగదీశన్, మహ్మద్ సిరాజ్, ప్రసిద్ధ్ కృష్ణ, కుల్‌దీప్ యాదవ్.
*వెస్టిండీస్ జట్టు (Updated West Indies Squad):రోస్టన్ చేస్ (కెప్టెన్), జోమెల్ వారికన్ (వైస్ కెప్టెన్), కెవ్లాన్ అండర్సన్, అలిక్ అథనాజ్, జాన్ కాంప్‌బెల్, టాగెనరైన్ చంద్రపాల్, జస్టిన్ గ్రీవ్స్, షాయ్ హోప్, టెవిన్ ఇమ్లాచ్, జోహన్ లేన్, జెడియా బ్లేడ్స్, బ్రాండన్ కింగ్, అండర్సన్ ఫిలిప్, ఖారీ పియరీ, జేడెన్ సీల్స్.