ట్రెండింగ్
పాకిస్థాన్ జట్టుకి సరైన ప్రణాళిక లేదు
sports | Suryaa Desk | Published : Tue, Sep 30, 2025, 05:56 PM
ఆసియా కప్ 2025 ఫైనల్లో పాకిస్థాన్ జట్టు ప్రణాళిక లోపాన్ని పాకిస్థాన్ మాజీ ఫాస్ట్ బౌలర్ మహ్మద్ ఆమిర్ ఎత్తిచూపాడు. "ఈ మ్యాచ్లో పాకిస్థాన్ కచ్చితంగా గెలవాల్సింది. కానీ 2024 ప్రపంచ కప్లో భారత్తో ఎలా ఓడిపోయామో, ఇప్పుడు కూడా అదే పునరావృతం అయింది. మా జట్టుకు సరైన ప్లానింగ్ లేదు. కొత్తగా క్రీజులోకి వచ్చిన బ్యాటర్లు నిలదొక్కుకునే ప్రయత్నం చేయకుండా వెంటనే భారీ షాట్లకు ప్రయత్నించారు. వికెట్ను కాపాడుకోవాలన్న ఆలోచనే వాళ్లకు లేదు" అని అసహనం వ్యక్తం చేశాడు.ఆట పరిస్థితులపై స్పందిస్తూ, "చివరి పది ఓవర్లలో పరుగులు చేయడం చాలా కష్టం. ఎందుకంటే బంతి మెత్తబడి బ్యాట్పైకి సరిగ్గా రాదు. అటువంటి సమయంలో క్రీజులో కుదురుకున్న బ్యాటర్ మాత్రమే పరుగులు చేయగలడు. ఈ విషయం కూడా మా ఆటగాళ్లు గ్రహించలేకపోయారు" అని ఆమిర్ అభిప్రాయపడ్డాడు.
|
|