బాడీ పెయిన్స్ తగ్గేందుకు ఇంట్లోని ఈ పదార్థాలు వాడితే చాలు

నేటి ఫాస్ట్ ఫార్వార్డ్ లైఫ్‌లో ప్రతీ హెల్త్ ప్రాబ్లమ్ కామన్ అయిపోయింది. రోజంతా బిజీబిజీగా ఉండడం, ఊరికే కూర్చుని జాబ్ చేసినప్పటికీ బాడీ పెయిన్స్ వెంటాడుతున్నాయి. వీటిని దూరం చేసుకునేందుకు చాలా మంది నొప్పి నివారణ మందులు, పెయిన్ బామ్స్‌ని వాడుతుంటారు. అయితే, వీటిని రెగ్యులర్‌గా వాడడం వల్ల సైడ్ ఎఫెక్ట్స్ వచ్చే ప్రమాదం ఉంది. అలాంటప్పుడు నొప్పుల్ని తగ్గించేందుకు కొన్ని సహజ మార్గాలు ఉన్నాయి. అవన్నీ కూడా బయట దొరికేవి కాకుండా ఇంట్లో దొరికే పదార్థాలతోనే నొప్పుల్ని తగ్గించుకోవచ్చు. దీనికోసం డాక్టర్ షాలినీ సింగ్ తన ఇన్‌స్టాగ్రామ్ అకౌంట్‌లో కొన్ని నేచురల్ పెయిన్ కిల్లర్స్ గురించి సజెస్ట్ చేస్తున్నారు. వీటిని వాడడం వల్ల చాలా వరకూ నొప్పులు తగ్గుతాయని చెబుతున్నారు. అవేంటంటే

లవంగాలు

లవంగాల గురించి ప్రత్యేకంగా చెప్పాల్సిన పనిలేదు. ఇంట్లో మసాలా పదార్థాల్లో ఎక్కువగా వాడే ఈ లవంగాల్లో యూజినాల్ అనే సహజ మత్తు మందు ఉంటుంది. ఇది నొప్పుల్ని తగ్గిస్తుంది. ముఖ్యంగా దంత సమస్యలు, పంటి నొప్పిని దూరం చేయడంలో లవంగాలు చాలా బాగా పనిచేస్తాయి. మీకు పంటి నొప్పి ఎక్కువగా ఉన్నప్పుడు ఆ ప్రాంతంలో లవంగాన్ని పెట్టి ఉంచండి. లేదా లవంగం నూనెని రాయండి. దీంతో చాలా వరకూ రిలాక్స్‌గా ఫీల్ అవుతారు. దీనికోసం మరో ఇతర మెడిసిన్ అవసరమే లేదు.

వాము

వాము గురించి ఎంత చెప్పినా తక్కువే. కాస్తా చేదుగా ఉండే ఈ వాముని మనం అనేక నొప్పుల్ని తగ్గించేందుకు వాడొచ్చు. దీనిని వాడడం వల్ల కడుపు నొప్పి, గ్యాస్ నుండి రిలాక్స్ అవుతారు. దీనిని వాడితే సహజంగానే కండరాలు రిలాక్స్ అవుతాయి. అజీర్ణంతో కడుపు నొప్పి, భారంగా అనిపించినప్పుడు వాముని తినడం లేదా, నీటిలో కొద్దిగా వాము వేసి మరిగించి గోరువెచ్చగా అయ్యాక తాగండి. దీని వల్ల జీర్ణ సమస్యలు తగ్గుతాయి. కడుపు నొప్పి, అజీర్ణం ఇట్టే దూరమవుతుంది.

అల్లం

అల్లంలో పవర్‌ఫుల్ యాంటీ ఇన్‌ఫ్లమేటరీ ఏజెంట్ అయిన జింజెరాల్ ఉంటుంది. ఇది తలనొప్పి దగ్గర్నుంచీ, పీరియడ్స్‌లో వచ్చే నొప్పి, కీళ్ల నొప్పి వంటి సమస్యలన్నింటినీ తగ్గిస్తాయి. దీని కోసం మీరు అల్లాన్ని టీలా చేసి తాగొచ్చు. లేదా నేరుగా ఓ ముక్క నమిలి తినొచ్చు. అల్లం రసాన్ని మనం గోరువెచ్చని నీటిలో కలిపి తాగితే చాలా వరకూ రిజల్ట్ ఉంటుంది.

బ్లాక్ పెప్పర్

బ్లాక్ పెప్పర్‌లో కూడా పైపెరిన్ అనే పదార్థం ఉంటుంది. దీని వల్ల బాడీలో ఇన్‌ఫ్లమేషన్, నొప్పి తగ్గుతుంది. దీనిని మనం ఆహారంలో కలిపి తీసుకోవచ్చు. లేదా గోరువెచ్చని పాలల మిరియాల పొడి కొద్దిగా వేసి తాగొచ్చు. దీంతో గొంతు నొప్పి, జలుబు వంటి సమస్యలు కూడా తగ్గుతాయి.

బాడీ పెయిన్స్ తగ్గించే టిప్స్

పసుపు

పసుపులో కూడా కర్కుమిన్ ఉంటుంది. ఇది బాడీ పెయిన్స్, వాపు, స్టిఫ్‌నెస్‌ని తగ్గిస్తాయి. నిజం చెప్పాలంటే ఇదో నేచురల్ పెయిన్ కిల్లర్ అని చెప్పొచ్చు. ఎలాంటి సైడ్ ఎఫెక్ట్స్ లేకుండానే నొప్పుల్ని తగ్గించడంలో పసుపు ముందుంటుంది. దీనికోసం పడుకునే ముందు ఓ గ్లాసు గోరువెచ్చని పాలలో అర టీస్పూన్ పసుపు కలిపి తాగండి. దీంతో బాడీ రిలాక్స్ అవ్వడమే కాకుండా మంచి నిద్ర మీ సొంతమవుతుంది.

ఇవన్నీ కూడా మనకి ఇంట్లోనే దొరికే నేచురల్ పెయిన్ కిల్లర్స్. వీటి వల్ల ఎలాంటి సైడ్ ఎఫెక్ట్స్ లేకుండా నొప్పులు తగ్గుతాయి. పైగా ఇమ్యూనిటీ కూడా పెరుగుతుంది. చిన్న చిన్న నొప్పులకి వీటిని మనం చక్కగా వాడొచ్చు. అయినప్పటికీ నొప్పులు తగ్గకపోతే ఓ సారి డాక్టర్ సలహా తీసుకోవడం మంచిది.