బెల్లం మంచిదే, కానీ కొంతమంది తినకపోవడమే మంచిది

​బెల్లం ఎంత మంచిదో.. దీనిని తీసుకోవడం వల్ల బరువు పెరగడం దగ్గర్నుంచీ జీర్ణ సమస్యలు ఇతర సమస్యలొస్తాయని చెబుతున్నారు ఎక్స్‌పర్ట్స్ ముఖ్యంగా, కొన్ని సమస్యలతో బాధపడేవారు బెల్లానికి ఎంత దూరముంటే అంత మంచిదని చెబుతున్నారు. బెల్లంలో అవసరమైన పోషకాలు ఉన్నప్పటికీ వీటిని తీసుకోవడం వల్ల కొన్ని సైడ్ ఎఫెక్ట్స్ హెచ్చరిస్తున్నారు. వచ్చే ఆరోగ్య సమస్యల్ని దూరం చేయడానికి బ్యాలెన్స్ చేయడం మంచిది. బెల్లాన్ని సాధారణంగా చెరకు రసం, తాటిరసం నుండి తయారు చేస్తారు. ఇందులో విటమిన్స్, ఖనిజాలు పుష్కలంగా ఉన్నప్పటికీ ఎక్కువగా తీసుకుంటే ఇది మేలు చేయడానికి బదులు ఎన్నో సమస్యల్ని క్రియేట్ చేస్తాయి. కొంతమంది ఈ బెల్లాన్ని తీసుకుంటే కొన్ని సైడ్ ఎఫెక్ట్స్‌కి కారణమవుతాయి. అవి..

బరువు పెరగడం

బరువు తగ్గాలని ట్రై చేసేవారు బెల్లాన్ని తగ్గించి తీసుకుంటే మంచిది. ఎందుకంటే బెల్లంలో ఎక్కువగా కేలరీలు ఉంటాయి. ఇది సహజ స్వీటెనర్ అయినప్పటికీ కేలరీల కారణంగా ఎక్కువగా తినడం వల్ల బరువు పెరగడానికి కారణమవుతుంది. బెల్లంలో హై కేలరీలు ఫ్యాట్‌ని పెంచుతుంది. ఒకవేళ తీసుకోవాలనుకుంటే ఇతర కేలరీలను తగ్గించుకోవాలి. అప్పుడే బరువుని బ్యాలెన్స్ చేయగలుగుతారు. కానీ, బరువు తగ్గాలనుకునేవారు బెల్లాన్ని తగ్గించడమే మంచిది.

రక్తంలో షుగర్ లెవల్స్ పెరగడం

షుగర్ ఉన్నవారు కూడా బెల్లానికి దూరంగా ఉండాలి. కొంతమంది షుగర్ ఉన్నవారు చక్కెర బదులు బెల్లం తీసుకోవచ్చు అంటారు. బెల్లం సహజమైన స్వీటెనర్ అయినప్పటికీ దీనిని తీసుకున్నప్పుడు బ్లడ్ షుగర్ లెవల్స్ పెరుగుతాయి. నిజానికీ ఇందులో ప్రాసెస్డ్ షుగర్ కంటే లో గ్లైసెమిక్ ఇండెక్స్ ఉన్నప్పటికీ షుగర్ ఉన్నవారికి మంచిది కాదనే చెప్పొచ్చు. లేదా తీసుకుంటే ఎంత పరిమాణంలో తీసుకోవాలో డాక్టర్సలహాతో తీసుకోవాలి.

జీర్ణ సమస్యలు

నిజానికీ, ఇది వరకటి రోజుల్లో బెల్లం భోజనం చేశాక కొద్దిగా బెల్లం తింటే ఈజీగా డైజెస్ట్ అవుతుందని చెప్పేవారు. కానీ, అది తక్కువ పరిమాణంలో తీసుకున్నప్పుడు మాత్రమే. ఎక్కువగా తీసుకుంటే జీర్ణ సమస్యలు తగ్గడమే కాకుండా ఉబ్బరం, గ్యాస్, విరోచనాల వంటి జీర్ణ సమస్యలు వస్తాయి. బెల్లం జీర్ణ వ్యవస్థని ఉత్తేజపరుస్తుంది. ఎక్కువగా తీసుకుంటే ప్రేగులని ఇబ్బంది పడుతుంది. ప్రేగు సంబంధిత సమస్యలొస్తాయి. అంతేకాకుండా, ప్రాసెస్ కానీ బెల్లంలో మలినాలు ఉంటాయి. ఇది కడుపులో అసౌకర్యాన్ని కలిగిస్తాయి. జీర్ణ సమస్యలకి కారణమవుతాయి. ముందునుంచే జీర్ణ సమస్యలతో బాధపడేవారు బెల్లానికి దూరంగా ఉండడం మంచిది. దీంతో పాటు మలబద్ధకం సమస్య కూడా వేధిస్తుంది.

దంత సమస్యలు

దంత ఆరోగ్యాన్ని పాడు చేయడంలో షుగర్ ఎలా ఎఫెక్ట్ చేస్తుందో.. బెల్లం కూడా అంతే. ఏ మాత్రం తీసిపోదు. దీనిని తీసుకుంటే దంత క్షయం వంటి సమస్యలు తప్పవు. ఇందులోని జిగురు లాంటి పదార్థం దంతాలకి అంటుకుని బ్యాక్టీరియా పెరుగుతుంది. దీంతో కావిటీస్, ఇతర దంత సమస్యలు పెరుగుతాయి. వీటిని రాకుండా ఉండాలంటే బెల్లం తక్కువగా తినండి. లేదంటే తిన్న తర్వాత కచ్చితంగా బ్రష్ చేయడం, ఫ్లాసింగ్ చేయడం మంచిది. దీని వల్ల దంత ఆరోగ్యం బాగుంటుంది.

స్కిన్ ప్రాబ్లమ్స్

బెల్లం రక్తాన్ని శుద్ది చేసి చర్మ సమస్యల్ని రాకుండా చేస్తుంది. అయితే, కానీ, ఎక్కువగా బెల్లం తింటే అది కాస్తా చర్మ సమస్యల్ని పెంచుతుంది. బెల్లంలో చక్కెర ఉంటుంది. దీని వల్ల షుగర్ లెవల్స్ పెరగడమే కాకుండా ఇన్‌ఫ్లమేషన్ పెరుగుతుంది. దీంతో చర్మ సమస్యలు, చర్మంపై ముడతలు వస్తాయి. దంత సమస్యలు అదనం.ఆల్రెడీ అలర్జీ ఉన్నవారికి బెల్లాన్ని తినిపిస్తే మరిన్ని సమస్యలొచ్చే అవకాశం ఉంది. కాబట్టి, వారు అవాయిడ్ చేయడమే మంచిది.

బెల్లం ఎక్కువగా తింటే కలిగే నష్టాలు

మొత్తంగా

బెల్లం తినడం వల్ల ఎన్నో హెల్త్ బెనిఫిట్స్ ఉన్నప్పటికీ, సైడ్ ఎఫెక్ట్స్ కూడా ఆ తీరుగానే ఉన్నాయి. బెల్లాన్ని తీసుకోవడం కొంతమందికి అస్సలు మంచిది కాదు. అలర్జీ ఉన్నవారికి సమస్యల్ని పెంచుతుంది. వీటి వల్ల చర్మ సమస్యలు, జీర్ణ సమస్యలు, దంత సమస్యలు, బరువు, బ్లడ్ షుగర్ లెవల్స్ పెరగడం వంటి ఎన్నో ఇబ్బందులు ఉన్నాయి. కాబట్టి, తీసుకునేముందు ఆలోచించి తినడం మంచిది.