హైదరాబాద్కు మైక్రోసాప్ట్, విశాఖకు గూగుల్ తెచ్చిన ఘనత చంద్రబాబుదే
Andhra Pradesh Telugu | Suryaa Desk | Published : Tue, Oct 14, 2025, 04:07 PM
గూగుల్ డేటా సెంటర్ను విశాఖలో ఏర్పాటు చేసేందుకు ఒప్పందం శుభ పరిణామమని హోం మంత్రి వంగలపూడి అనిత అన్నారు. మంగళవారం మీడియాతో మాట్లాడుతూ.. రాష్ట్ర చరిత్రలో ఇదొక సువర్ణ అధ్యాయంగా అభివర్ణించారు. గూగుల్ డేటా సెంటర్ రాకతో ఉత్తరాంధ్ర ప్రపంచ పటంలో నిలవనుందన్నారు. గూగుల్ డేటా సెంటర్ ఏర్పాటుతో 1.88 లక్షల మందికి ఉపాధి లభించనుందని తెలిపారు. గతంలో సీఎం చద్రబాబు హైదరాబాద్లో హైటెక్ సిటీ అభివృద్ధి చేశారని.. ప్రస్తుతం విశాఖను ఐటీ హబ్గా తీర్చిదిద్దబోతున్నారని అన్నారు. ఆనాడు హైదరాబాద్కు మైక్రోసాప్ట్ తీసుకొచ్చారని.. ప్రస్తుతం విశాఖకు గూగుల్ను తీసుకొస్తున్నారని పేర్కొన్నారు.సాంకేతికతతో నూతన ఆవిష్కరణలు వస్తున్నాయన్నారు. ఉత్తరాంధ్ర వాసిగా ఎంతో సంతోష పడుతున్నానని అన్నారు మంత్రి. విశాఖను ఐటీ హబ్గా మార్చుతున్న సీఎం చంద్రబాబుకు, ఐటీ మంత్రి లోకేష్కు ప్రత్యేకమైన ధన్యవాదాలు తెలియజేశారు. గూగుల్ డేటా సెంటర్ ఏర్పాటుకు విశేష కృషి చేసిన సీఎం చంద్రబాబు నాయుడు, మంత్రి లోకేష్కు విశాఖ ప్రజల తరపున కృతజ్ఞతలు తెలిపారు.
|
|