గూగుల్ ఆఫీస్‌లో ఏం జరిగింది?.. ఒక్కసారిగా అందరికీ వర్క్ ఫ్రమ్ హోమ్ ఎందుకు?

ప్రపంచ ప్రసిద్ధ టెక్ దిగ్గజం గూగుల్ తన ఆఫీస్‌ను తాత్కాలికంగా మూసివేసి, ఉద్యోగులకు వర్క్ ఫ్రమ్ హోమ్ ఆదేశాలు జారీ చేసింది. ఈ మేరకు సంస్థ ఉద్యోగులకు అత్యవసర ఈమెయిల్స్ పంపించగా, అవి చూసిన గూగుల్ సిబ్బంది ఒక్కసారిగా షాక్ అయ్యారు.ఇంత పెద్ద కంపెనీ ఆఫీస్‌ను ఒక్కసారిగా మూసేయడానికి కారణం ఏమిటి? గూగుల్ ఈ నిర్ణయం ఎందుకు తీసుకుంది? అనే ప్రశ్నలు ఉద్యోగుల్లో చర్చనీయాంశంగా మారాయి.గూగుల్‌ను వేధిస్తున్న వింత సమస్యనిజానికి, గూగుల్ ప్రస్తుతం ఒక వింత సమస్యతో తలమునకలైంది — అదే నల్లుల బెడద!న్యూయార్క్‌లోని మాన్‌హట్టన్‌ చెల్సియా క్యాంపస్‌లో ఉన్న గూగుల్ ఆఫీస్‌లో నల్లులు ఉన్నట్లు గుర్తించారు.ఆఫీస్ భద్రతా విభాగం ఏర్పాటు చేసిన ఒక స్నిఫర్ డాగ్ తన పరిశీలనలో నల్లుల ఉనికిని గుర్తించడంతో ఈ విషయమంతా బయటపడింది.ఈ నేపథ్యంలో గూగుల్ పర్యావరణ, ఆరోగ్య మరియు భద్రతా విభాగం అక్టోబర్ 19న ఉద్యోగులకు మెయిల్ పంపింది.“సమస్య పరిష్కారం అయ్యేవరకు ఆఫీస్‌కి రావద్దు”ఆ మెయిల్‌లో ఆఫీసులో నల్లుల సమస్య తీవ్రమైందని, అది పూర్తిగా నియంత్రణలోకి వచ్చే వరకు ఎవరూ ఆఫీస్‌కు రావొద్దని గూగుల్ సూచించింది.అలాగే, ఉద్యోగులలో ఎవరికైనా దురద లేదా చర్మం పై ర్యాష్‌లు వంటి లక్షణాలు కనబడితే వెంటనే సమాచారం ఇవ్వాలని సూచించింది.తమ ఇళ్లలోనూ నల్లుల లక్షణాలు గమనించిన ఉద్యోగులు, వెంటనే ప్రొఫెషనల్ పెస్ట్ కంట్రోల్ టీమ్‌లను సంప్రదించాలని కూడా గూగుల్ సూచించింది.ఆఫీస్‌లో నల్లుల బెడదకు కారణం ఇదే!సమాచారం ప్రకారం, న్యూయార్క్ గూగుల్ కార్యాలయంలో పెద్ద మొత్తంలో టాయ్ అనిమల్స్, డెకర్ ఐటమ్స్ వంటివి ఉంచడం వల్ల నల్లుల పెరుగుదల జరిగి ఉండవచ్చని అధికారులు భావిస్తున్నారు.అలాగే ఉద్యోగులు నల్లుల కాటు వల్ల ఎలాంటి స్కిన్ ఇర్రిటేషన్స్ లేదా ఇన్ఫెక్షన్లు ఎదురైతే, దానిని డాక్యుమెంట్ చేసి హెల్త్ టీంకు నివేదించాలని గూగుల్ సూచించింది.గమనించదగ్గ విషయం ఏమిటంటే, న్యూయార్క్‌లోని గూగుల్ ఆఫీస్‌లో ఇది మొదటిసారి కాదు.ఇప్పటికే 2010లో కూడా ఇలాంటి నల్లుల బెడద ఎదురైనట్లు సమాచారం.