ఒకే బ్యాంకు కాకుండా.. 2,3 బ్యాంకుల్లో ఫిక్స్‌డ్ డిపాజిట్ చేస్తే లాభాలివే

రిస్క్ తీసునేందుకు ఇష్టపడని ఇన్వెస్టర్లకు బ్యాంక్ ఫిక్స్‌డ్ డిపాజిట్లు సరైన మార్గంగా చెబుతారు. ముఖ్యంగా సీనియర్ సిటిజన్లు ఫిక్స్‌డ్ డిపాజిట్లు ఎంచుకుంటుంటారు. చాలా మంది ఒక ఎఫ్‌డీతో ఆగకుండా చాలా ఎఫ్‌డీ ఖాతాలు తెరుస్తుంటారు. ఫిక్స్‌డ్ డిపాజిట్లకు ఎలాంటి పరిమితి అనేది లేదు. ఒక వ్యక్తి ఎన్ని ఎఫ్‌డీలైనా తెరవవచ్చు. అయితే, ఇలా ఒకటికి మించి డిపాజిట్లు ఉన్నప్పుడు వాటిని నిర్వహించేందుకు తగిన ప్రణాళిక అవసరమవుతుంది. మరి ఈ మల్టీ ఎఫ్‌డీల వల్ల కలిగే లాభాలు తెలుసుకుందాం.

ఫిక్స్‌డ్ డిపాజిట్ చేసే ముందు ఎందుకు ఇన్వెస్ట్ చేస్తున్నామో తెలుసుకోవాలి. స్వల్పకాలిక లక్ష్యం కోసం అయితే తక్కువ టెన్యూర్ ఉండే ఎఫ్డీ స్కీమ్ ఎంచుకోవాలి. లాంగ్ టర్మ్ కోసం అయితే ఎక్కువ వ్యవధి ఉంటే స్కీమ్ ఎంచుకోవాలి. వివిధ టెన్యూర్లకు మీ ఖర్చులు, అత్యావసరాలను అంచనా వేసి ఎఫ్‌డీని ఎంచుకోవాల. ఇలా చేయడం వల్ల సరైన వ్యవధిలో మీ చేతికి డబ్బులు అందుతాయి. ఎలాంటి ఇబ్బందులు ఉండవు. దీంతో ముందస్తుగా ఎఫ్‌డీని బ్రేక్ చేయాల్సిన అవసరం ఉండదు. లిక్విడిటీ ఎక్కువగా ఉంటుంది.

అత్యవసర ఖర్చులు ఎదురైనప్పుడు, అవసరాన్ని బట్టి ఏదైనా అకౌంట్ క్లోజ్ చేసి ఆ డబ్బులు తీసుకోవచ్చు.

ప్రతి ఫిక్స్‌డ్ డిపాజిట్ మెచ్యూర్ అవుతున్నప్పుడు మీ ఆర్థిక అవసరాలకు డబ్బులు పొందే అవకాశం ఏర్పడుతుంది.

విద్య, ఆరోగ్యం, ట్రావెల్ లేదా అత్యవసర పరిస్థితులకు సంబంధించిన వాటి కోసం ఎఫ్‌డీలను కేటాయించి ఉపోయగించుకోవచ్చు.

వడ్డీ రేటు రిస్క్ తగ్గించుకోవచ్చు.

వడ్డీ రేట్లు పెరిగినప్పుడు మీ డబ్బులను కొత్త రేట్లకు అనుగుణంగా ఇన్వెస్ట్ చేయవచ్చు.

వివిధ టెన్యూర్లకు లభించే వివిధ వడ్డీ రేట్ల ప్రయోజనాలను పొందవచ్చు.

బ్యాంకులు వివిధ మెచ్యూరిటీ టెన్యూర్లపై విభిన్న వడ్డీ రేట్లు ఇస్తాయి. ఆయా టెన్యూర్లపై డిపాజిట్ చేయడం వల్ల అదనపు రాబడి అందుకోవచ్చు.

ఉదాహరణకు 6 నెలల టెన్యూర్ వడ్డీ 5.50 శాతం ఉంటే ఏడాది టెన్యూర్ వడ్డీ 6.50-7 శాతం వరకు ఉంటుంది. దీంతో వేరు వేరు ఎఫ్‌డీలపై ఇచ్చే వడ్డీ రేట్లను పొందడం సహా వివిధ టెన్యూర్ల అవసరాలను తీర్చుకునే వీలు కలుగుతుంది.

ఒకే పెద్ద ఎఫ్‌డీ ఉంటే అత్యవసరంగా చిన్న మొత్తంలో డబ్బులు అవసరమైనప్పుడు గడువు ముగియకుండానే ఎఫ్‌డీ బ్రేక్ చేయాల్సి వస్తుంది. దీంతో బ్యాంకులు జరిమానా వేస్తాయి. కానీ మల్టీ ఎఫ్‌డీలు ఉంటే ఏదో ఒకటి బ్రేక్ చేసి డబ్బులు వాడుకోవచ్చు.