ట్రంప్ అదిరిపోయే ప్రకటన.. మళ్లీ కుప్పకూలిన బంగారం ధరలు

బంగారం ధర కొంత కాలంగా వరుసగా తగ్గుతున్న సంగతి తెలిసిందే. 10 రోజుల కిందట ఇంటర్నేషనల్ మార్కెట్లో స్పాట్ గోల్డ్ రేటు ఔన్సుకు ఏకంగా 4,380 డాలర్ల మార్కు వద్ద ఆల్ టైమ్ గరిష్ట స్థాయిని తాకినప్పటి నుంచి పతనం అవుతూనే ఉంది. ఇక్కడ ప్రధానంగా.. అమెరికా- చైనా మధ్య వాణిజ్య ఒప్పందం కుదురుతుందన్న సానుకూల సంకేతాల నడుమ.. ఇన్వెస్టర్లు ప్రాఫిట్ బుకింగ్ చేసుకోవడం వల్లేనన్న సంగతి తెలిసిందే. దీంతో బంగారం ధర అప్పటి నుంచి పడిపోతూ వచ్చింది. ఈ క్రమంలోనే అంతర్జాతీయ మార్కెట్లో వారం కిందట ఒక్క సెషన్‌లో ఔన్సుకు 200 డాలర్లకుపైగా తగ్గగా.. తర్వాత కాస్త స్వల్పంగా తగ్గుతూ వచ్చింది. అయితే.. ఇప్పుడు మళ్లీ భారీగా తగ్గుముఖం పట్టింది. అంతర్జాతీయ మార్కెట్లో పెద్ద మొత్తంలో పతనం కాగా.. ఈ ప్రభావం మంగళవారం ఉదయం 10 గంటల తర్వాత కనిపిస్తుందని చెప్పొచ్చు.

>> ఇంటర్నేషనల్ మార్కెట్లో ఉదయం స్పాట్ గోల్డ్ రేటు ఔన్సుకు 4100 డాలర్ల పైన ఉండగా.. ఇప్పుడు వార్త రాసే సమయంలో దాదాపు 3 శాతం తగ్గి 3,985 డాలర్ల స్థాయికి చేరింది. సిల్వర్ రేటు కూడా 48.30 డాలర్ల స్థాయి నుంచి 2 డాలర్లకుపైగా పతనమైంది. ఇదే సమయంలో రూపాయి మరింత పతనమైంది. ప్రస్తుతం డాలరుతో పోలిస్తే రూపాయి మారకం విలువ రూ. 88.27 వద్ద ట్రేడవుతోంది.

అయినప్పటికీ ఈ ఏడాదిలో బంగారం ధర ఇప్పటికే 55 శాతం వరకు పుంజుకుంది. దేశీయంగా ఇవాళ హైదరాబాద్‌లో ధర మరింత పతనమైంది. 22 క్యారెట్ల గోల్డ్ రేటు రూ. 2150 తగ్గి తులం రూ. 1,13,000 గా ఉంది. 24 క్యారెట్ల పసిడి ధర రూ. 2340 తగ్గడంతో 10 గ్రాములు రూ. 1,23,280 గా ఉంది. సిల్వర్ రేటు రూ. 1.70 లక్షలుగా ఉంది.

>> బంగారం, వెండి ధరలు ఇప్పుడు ఒక్కసారిగా ఇంతలా తగ్గేందుకు ప్రధాన కారణం.. కొంత కాలంగా తీవ్ర అంతర్జాతీయ అనిశ్చితికి కారణమైన.. అమెరికా- చైనా వాణిజ్య ఒప్పందానికి దగ్గరవుతున్నాయని ప్రకటన రావడం. అవును.. స్వయంగా అమెరికా ప్రెసిడెంట్ డొనాల్డ్ ట్రంప్ దీనిపై ప్రకటన చేశారు. చైనా అధ్యక్షుడు షి జిన్‌పింగ్‌తో సమావేశం అవుతానని.. ఆయన అంటే గౌరవం ఉందని ప్రకటించారు. వాణిజ్య ఒప్పందం చేసుకొనే తిరిగి వస్తానని ఆశాభావం వ్యక్తం చేశారు. ఈ ప్రకటనతో.. సురక్షిత పెట్టుబడి సాధనంగా బంగారం ఆకర్షణ కోల్పోయింది. దీంతో.. బంగారం రేటు తగ్గుముఖం పట్టింది. ఇదే సమయంలో డాలర్ పుంజుకోవడం కూడా బంగారం ధర పతనానికి దారితీసింది.