ట్రెండింగ్
అనారోగ్య సమస్యలతో నదిలో దూకి ఆత్మహత్యకు యత్నించిన వృద్ధుడు
Andhra Pradesh Telugu | Suryaa Desk | Published : Fri, Oct 31, 2025, 12:13 PM
గుండ్లకమ్మ నదిలో దూకి వృద్ధుడు ఆత్మహత్యకు యత్నించిన ఘటన అద్దంకి పట్టణంలోని భాగ్యనగర్ 2వ లైనులో చోటుచేసుకొంది. కాలనీకి చెందిన మాచాబత్తిన నాగబ్రహ్మాచారి(63) మానసిక, శారీరక అనారోగ్య సమస్యలతో బాధపడుతున్నాడు. గురువారం మెడికల్ షాపుకు వెళ్లి మందులు తెచ్చుకుంటానని ఇంట్లో చెప్పి బయటకు వచ్చాడు. నేరుగా, గుండ్లకమ్మ నది వద్దకు వెళ్లి దుస్తులు విప్పి నదిలో దూకినట్లు భావిస్తున్నరు. వాహనచోదకులు ఈ విషయాన్ని గమనించి స్థానికులకు చెప్పారు. నాగబ్రహ్మాచారి ఇంటికి తిరిగి రాకపోవడంతో బంధువులు వెతకడం ప్రారంభించారు. పోలీసులకు విషయం తెలియడంతో సీఐ సుబ్బరాజు ఘ టనా స్థలానికి వెళ్లి విచారించారు. వంతెనపై ఉన్న చెప్పులు ఆధారంగా నాగబ్రహ్మాచారిగా కుటుంబసభ్యులు గుర్తించా రు. ఆయనకు భార్య, కుమార్తె ఉన్నారు. పోలీసులు కేసు నమోదు చేశారు.
|
|