జూనియర్ ఇంజనీర్ పోస్టులకు భారీ నియామకాలు – నిరుద్యోగులకు గుడ్ న్యూస్!

ఉద్యోగం కోసం ఎదురుచూస్తున్న నిరుద్యోగ యువతకు కేంద్ర రైల్వే శాఖ శుభవార్త తెలిపింది. భారత ప్రభుత్వ రైల్వే మంత్రిత్వ శాఖ (Railway Recruitment Board - RRB) భారీ స్థాయిలో కొత్త ఉద్యోగ నోటిఫికేషన్‌లను విడుదల చేసింది.ఇందులో భాగంగా, నాన్-టెక్నికల్ పాపులర్ కేటగిరీల్లో (NTPC) మొత్తం 8,868 అండర్‌గ్రాడ్యుయేట్ పోస్టులు ఖాళీగా ఉన్నాయి. వీటితో పాటు, 2,569 జూనియర్ ఇంజనీర్ (JE), డిపో మెటీరియల్ సూపరింటెండెంట్, కెమికల్ అండ్ మెటలర్జికల్ అసిస్టెంట్ పోస్టులను కూడా భర్తీ చేయనున్నట్లు రైల్వే రిక్రూట్‌మెంట్ బోర్డు ప్రకటించింది.తాజా సమాచారం ప్రకారం, మొత్తం 2,569 జూనియర్ ఇంజనీర్ పోస్టులకు దరఖాస్తు ప్రక్రియ నేటి నుంచే ప్రారంభమైంది. సౌత్ సెంట్రల్ రైల్వే (SCR) పరిధిలో 103 JE పోస్టులు లభ్యంగా ఉన్నాయి.
*అర్హత: ఈ పోస్టులకు డిప్లొమా, బీటెక్ లేదా బీఈ అర్హత కలిగిన అభ్యర్థులు దరఖాస్తు చేసుకోవచ్చు.
*వయస్సు పరిమితి: అభ్యర్థుల వయస్సు 18 నుండి 33 సంవత్సరాల మధ్య ఉండాలి.
*దరఖాస్తు గడువు: అక్టోబర్ 31 నుండి నవంబర్ 30 వరకు ఆన్‌లైన్‌లో దరఖాస్తులు స్వీకరించబడతాయి.
*ఎంపిక ప్రక్రియ: అభ్యర్థులను CBT-1, CBT-2 కంప్యూటర్‌ ఆధారిత పరీక్షలు, ఆపై సర్టిఫికెట్ వెరిఫికేషన్ మరియు మెడికల్ టెస్ట్ ఆధారంగా ఎంపిక చేస్తారు. తుది ఎంపిక పూర్తిగా మెరిట్‌పై ఆధారపడి ఉంటుంది.ఆసక్తి గల అభ్యర్థులు అధికారిక రైల్వే వెబ్‌సైట్‌లోకి వెళ్లి దరఖాస్తు చేసుకోవచ్చు. పూర్తి వివరాలు, అర్హత ప్రమాణాలు, సిలబస్ తదితర వివరాల కోసం రైల్వే రిక్రూట్‌మెంట్ బోర్డ్ అధికారిక వెబ్‌సైట్‌ను సందర్శించాలి.