ఒక్కరోజులో రివర్స్.. బంగారం ధరల్లో ఊహించని మార్పు

దీపావళి పండగ తర్వాత బంగారం ధరలు భారీగా తగ్గాయి. వరుసగా తగ్గడంతో ఆభరణాలు కొనేందుకు నగల దుకాణాలకు గిరాకీ పెరిగింది. అయితే, ఆ సంతోషం ఎంతో కాలం లేకుండా పోయింది. క్రితం రోజు వరకు తక్కిన గోల్డ్ రేట్లు ఇవాళ ఒక్కసారిగా పెరిగాయి. క్రితం రోజు తగ్గిన దాంతో పోలిస్తే రెండింతల మేర ఈరోజు ధర పెరగడం ఆభరణాలు కొనాలనుకుంటున్న మహిళలకు షాక్ అనే చెప్పాలి. అంతర్జాతీయ మార్కెట్లో బంగారం ధరలు పెరగడం సహా భౌగోళిక రాజకీయ అంశాలు దేశీయంగానూ ప్రభావం చూపించినట్లు బులియన్ మార్కెట్ వర్గాలు చెబుతున్నాయి. ఈ క్రమంలో తనిష్క్, మలబార్, కల్యాణ్ వంటి దిగ్గజ జువలరీ సంస్థల్లో ఈరోజు గ్రాము 22 క్యారెట్ల బంగారం రేటు ఎంత ఉందో ఇప్పుడు మనం తెలుసుకుందాం.

తనిష్క్ జువెలరీలో

తనిష్క్ జువెలరీ సంస్థలో ఈరోజు ఆభరణాల బంగారం 22 క్యారెట్లకు 1 గ్రాము ధర రూ. 1650 మేర పెరిగి రూ.11,285 వద్ద ఉంది. ఇక పది గ్రాములు (తులం) ధర రూ.1,12,850 కి చేరింది.

మలబార్ గోల్డ్ అండ్ డైమండ్స్

దిగ్గజ జువెలరీ సంస్థ మలబార్ గోల్డ్ అండ్ డైమండ్స్‌లో ఈరోజు 22 క్యారెట్ల బంగారం ధర 1 గ్రాముకు రూ. 11,300 వద్ద ఉంది. ఇక 10 గ్రాములకు చూసుకుంటే రూ. 1,13,000 వద్దకు చేరుకుంది.

జయలుక్కాస్‌లో ధరలు

జయలుక్కాస్ జువెలరీ సంస్థలో ఈరోజు 22 క్యారెట్ల నగల బంగారం ధర 1 గ్రాముకు రూ. 11,300 వద్ద ఉంది. 10 గ్రాముల రేటు రూ. 1,13000 వద్దకు చేరుకుంది. ఇక 24 క్యారెట్ల ప్యూర్ గోల్డ్ రేటు చూసుకుంటే గ్రాముకు రూ. 12,327 వద్ద ఉంది. 18 క్యారెట్ల గోల్డ్ రేటు గ్రాముకు రూ.9,245 వద్ద ఉంది.

కల్యాణ్ జువెలర్స్‌లో

ఇక కల్యాణ్ జువెలర్స్‌లోనూు బంగారం ధర 22 క్యారెట్లపై 1 గ్రాముకు రూ. 11,300 వద్దే ఉంది. 10 గ్రాములకు రూ. 1 లక్షా 30 వేల వద్ద ట్రేడవుతోంది.

అయితే బంగారు ఆభరణాలు కొనుగోలు చేసినప్పుడు బంగారం ధరతో పాటుగా తరుగు, వీఏ, జీఎస్టీ వంటివి చాలా రకాలుగా ఉంటాయి. వాటన్నింటిని కలుపుకొని నగ ధర లెక్కగడతారు. కొనుగోలు చేసే ముందే అదనపు ఛార్జీల విషయం తెలుసుకోవాలి. లేదంటే అదనంగా చెల్లించుకోవాల్సి వస్తుంది. బంగారం ధరలు ప్రాంతాలను బట్టి వేరు వేరుగా ఉంటాయి. తమ స్థానిక జువెలర్స్‌లో రేట్లు తెలుసుకోవడం మంచిది.