అటుకులు తింటే రుచి మాత్రమే కాదు, బరువు తగ్గించి గుండెకి కూడా మేలు చేస్తుంది

అటుకులు ఓన్లీ ఆహారం కాదు. ఇది కొన్ని సమస్యలకి ఔషధంలా పనిచేస్తుంది. వీటిని తినడం వల్ల బరువు తగ్గుతారు. ఈజీగా జీర్ణమవుతుంది. ఎప్పుడు అన్నమే తినాలా అని ఆలోచించేవారు ఏదైనా వెరైటీగా తినాలనుకుంటే వారి మెనూలో అటుకుల్ని యాడ్ చేసుకోవాల్సిందే. వీటిని మనం ఉదయం బ్రేక్‌ఫాస్ట్, రాత్రుళ్లు డిన్నర్ ఎలా అయినా తీసుకోవచ్చు. వీటిని మరింత హెల్దీగా మార్చాలంటే వాటిలో కలిపే పదార్థాల విషయంలో జాగ్రత్తగా ఉండాలి. వీటిని మనం డ్రైగా, కాస్తా తడిగా ఎలా అయినా చేసుకోవచ్చు. ఎన్నో రకాలుగా ఆస్వాదించే ఫుడ్ ఐటెమ్‌ని తీసుకుంటే అంతకంటే ఎక్కువ పోషకాలు అందుతాయి. కాబట్టి, వీటిని రెగ్యులర్‌గా మన డైట్‌లో కలిగే లాభాలేంటో తెలుసుకుందాం.

గుండెకి మంచిది

అటుకుల్లో లాక్టోస్ ఉండదు. ఫ్యాట్, గ్లూటెన్ కూడా ఉండదు. గోధుమలతో తయారైన ఫుడ్ తింటే పడవు అని అనుకునేవారు వీటిని తీసుకోవచ్చు. వీటి వల్ల గుండెకి చాలా మంచిది. ఇన్‌స్టంట్‌గా మనకి ఎనర్జీ అందుతుంది. కడుపు నిండుగా అనిపిస్తుంది. బియ్యంతో తయారైన ఈ అటుకులు మనకి అన్నం తిన్నంత తృప్తిగా అనిపిస్తాయి.

బరువు తగ్గడం

పోహా తినడం వల్ల క్రేవింగ్స్ తగ్గుతాయి. దీంతో అనవసరమైన ఫుడ్స్ తీసుకోరు. ఇవి త్వరగా జీర్ణమవుతాయి. పైగా వీటిని తినడం వల్ల విటమిన్ బి1 అందుతుంది. దీంతో పాటు కడుపు నిండుగా ఉంటుంది. ఏం తినరు కాబట్టి, బరువు కూడా తగ్గుతారు. డైట్ చేసేవారికి అటుకులు బెస్ట్ ఆప్షన్. పైగా దీని వల్ల విటమిన్ బి1 అందుతుంది.

జీర్ణ సమస్యలు దూరం

అటుకులు లైట్‌గా ఉంటాయి. కాబట్టి, త్వరగా జీర్ణమవుతాయి. వీటిని తినడం రక్తంలో చక్కెరని కూడా బ్యాలెన్స్ చేస్తుంది. రెగ్యులర్‌గా తింటే చాలా వరకూ హెల్త్ ప్రాబ్లమ్స్‌కి చెక్ పెట్టొచ్చు. పోహాలో మంచి ప్రోబయోటిక్ గుణాలు ఉండి జీర్ణ సమస్యలు, అజీర్ణం, మలబద్ధకం దూరమవుతుంది. ఈ అటుకులకి మరింత ప్రోటీన్ ఫైబర్ కోసం అందులో కొన్ని పల్లీలు, కూరగాయల్ని యాడ్ చేస్తే మనకి అన్నీ పోషకాలు అందుతాయి. పైగా పై నుంచి కొద్దిగా నిమ్మరసం కలిపి ఐరన్ అబ్జర్బ్ బాగా జరుగుతుంది. పోషకాలన్నీ అందుతాయి. ఐరన్ పుష్కలంగా ఉండే ఈ అటుకుల్ని తింటే గర్భిణీలు తీసుకుంటే రక్తహీనత తగ్గుతుంది.

రకరకాల పోహాలు

పోహా ఒకే రకం కాదు, చాలా రకాల పోహాలు ఉంటాయి. మనకి బియ్యంలో ఎన్ని రకాలు ఉంటాయో పోహాలో కూడా అన్నీ రకాలు ఉంటాయి. రెడ్ పోహా, వైట్ పోహా ఇలా చాలా ఉంటాయి. ఇందులో ప్రాసెస్ చేయని పోహలో ఎక్కువగా ఫైబర్, విటమిన్ బి, కాల్షియం, జింక్, ఐరన్, మాంగనీస్, మెగ్నీషియం వంటి ఖనిజాలి ఎక్కువగా ఉంటాయి.

ఎన్ని రకాలుగా చేసుకోవచ్చు

అటుకుల్ని మనం స్పైసీగా, ఆలు పోహాలా, బటాటా పోహాలా, మొలకెత్తిన మట్కి పోహాలా ఇలా రకరకాలుగా వండుకోవచ్చు. తినొచ్చు. దీని వల్ల మనకి రోజూ ఒకే ఫుడ్ తింటున్నామనిపించదు. ఆరోగ్యానికి కూడా మంచిది.