పూరీ, పకోడీలు వేయించిన నూనెను,,,మళ్లీ వాడొచ్చా

మనం రెగ్యులర్‌గా ఇంట్లో రకరకాల పిండి వంటలు చేస్తుంటాం. ఇలా చేసినప్పుడు ఎంతో కొంత నూనె మిగులుతూనే ఉంటుంది. దీనిని పారబోయడానికి మనసు రాదు. కాబట్టి, తిరిగి దానిని వాడుతుంటాం. కానీ, అలా వాడడం మంచిది కాదని చెబుతుంటారు. దీంతో దానిని వాడిన వారంతా భయపడుతూనే ఉంటారు. అలా కాకుండా ఎలా చేస్తే ఆ నూనెని తిరిగి వాడొచ్చో తెలుసుకుని వాడడం మంచిది. కొన్ని టిప్స్ ఫాలో అయితేనే నూనెని తిరిగి మళ్లీ ఎలాంటి భయం లేకుండా వాడొచ్చు. దీనికోసం ఏమేం ఫాలో అవ్వాలో తెలుసుకోండి.

చల్లబరచడం

ముందుగా మనం ఫ్రైలు చేసిన నూనెని చల్లారనివ్వండి. వేడిగా ఉన్నప్పుడు వడపోయొద్దు. దీంతో పోషకాలు కోల్పోతాయి. కాబట్టి, నూనె చల్లారే వరకూ ఉంచి ఆ తర్వాత జల్లెడలో నూనె పోసి వడకట్టండి. లోపల ఉన్న ఫుడ్ పార్టికల్స్ ఉన్నప్పుడు మళ్లీ వేడిచేస్తే అది మంచిది కాదు. కాబట్టి, అలా కాకుండా దానిని పూర్తిగా చల్లారక వడపోయండి.

స్టోర్ చేయడం

ఇప్పుడు నూనెని ఓ ఎయిర్ టైట్ కంటెయినర్‌లో వేసి స్టోర్ చేయండి. దీని వల్ల ఎలాంటి కెమికల్ రియాక్షన్స్ జరగవు. అయితే, ప్లాస్టిక్ కంటెయినర్స్‌లో వేయొద్దు. ఆ నూనెని చల్లని, చీకటిగా ఉన్న ప్లేస్‌లో స్టోర్ చేయండి. దీనిని ఎప్పుడు కూడా ఎండలో, స్టౌ దగ్గర పెట్టొద్దు. ఎందుకంటే వేడి, కాంతి, దాని రుచి, నాణ్యతని పాడు చేస్తాయి.

మిగిలిన నూనెని వాడడం

ఇక ఈ నూనెని వాడే ముందు వాసన చూడండి. నార్మల్ స్మెల్ ఉంటే పర్లేదు. అలా కాకుండా ఎక్కువగా కాలిన, పుల్లని వాసన వస్తుంటే దీనిని వాడకపోవడమే మంచిది. అలాంటి నూనె గుండె, లివర్‌కి హానికరమైన ఫ్రీ రాడికల్స్‌ని ఉత్పత్తి చేస్తుంది. దీంతో గుండె సమస్యలు, లివర్ ప్రాబ్లమ్స్ వస్తాయి. కాబట్టి, అలాంటి నూనెని వాడొద్దు. మంచి శుభ్రమైన, తాజా నూనెని వంటకి, పరాఠాలు చేయడానికి వాడొచ్చు. దీనిని మళ్ళీ మళ్లీ వేడి చేయొద్దు. దీని వల్ల ట్రాన్స్ ఫ్యాట్స్ పెరుగుతాయి. ఇవి ఆరోగ్యానికి అస్సలు మంచిది కాదు.

ఎలా వాడొచ్చు

ఈ నూనె రోజు వంటల్లో పోపుల్లో, పరాఠాలు చేయడానికి వాడొచ్చు.

మళ్లీ ఇందులోనే వేరేవి వేయించడం చేయొద్దు.

నూనెలో ఎక్కువగా వ్యర్థాలు ఉంటే మొక్కల కుండీల్లో పోయండి.

దీని వల్ల తెగుళ్ళు రాకుండా ఉంటాయి.

దీంతో మీ చెట్లకి మంచిది. మీ ఆరోగ్యానికి మంచిది కూడా.

నూనెని ఎన్నిసార్లు వేడిచేయొచ్చు

ఇది నూనె రకాన్ని బట్టి ఉంటుంది. ఇంకా ముందుకెళ్తే మీరు చేసే వంటపై ఆధారపడి ఉంటుంది. దీనిని ఎంతసేపు వండారు. ఏం వండారు ఇలాంటి విషయాలని బట్టి ఉంటుంది. వేయించిన నూనె మరీ ఎక్కువగా రంగు మారి ఎక్కువగా ఫుడ్ చేరి కలుషితంగా మారితే పొగ వస్తుంటే అలాంటి నూనెని వాడకపోవడమే మంచిది.