కుక్కర్ నుంచి ప్రెజర్ లీక్ అవుతూ పదార్థాలు సరిగ్గా ఉడకట్లేదా

నేటి కాలంలో అన్నీ కూడా బిజీబిజీగా మారిపోయాయి. ఈ నేపథ్యంలోనే వంట క్షణాల్లో పూర్తి చేయాలనే టాస్క్‌ని చాలా మంది ఇష్టపడుతున్నారు. ఏ వంటైనా సరే 10, 15 నిమిషాల్లోపే కంప్లీట్ చేయాలనుకుంటున్నారు. అందుకోసం వారికి కనిపించే ఫస్ట్ ఆప్షన్ కుక్కర్. అవును కుక్కర్‌లో ఆహారాన్ని పెట్టి 2, 3 విజిల్స్ వేయిస్తే చాలు. క్షణాల్లో వంట సిద్ధం. దీనికోసం ఎక్కువగా టైమ్ స్పెండ్ చేయాల్సిన అవసరం లేదు. అందుకే, ఒక ఇంట్లో ఒకటి కంటే ఎక్కువ కుక్కర్స్ వాడుతున్నారు. మరి కొందరైతే ఒక్క కుక్కర్‌లోనే అన్నం, పప్పు, కూరగాయల్ని కూడా ఉడికించేస్తున్నారు ఒకేసారి. దీంతో టైమ్ సేవ్ అవుతుంది. పైగా గ్యాస్ కూడా ఆదా అవుతుంది. మరి ఇన్ని లాభాలుండగా కుక్కర్ వాడకం పెరగదా ఏంటి. అయితే బెనిఫిట్స్ ఉన్నప్పటికీ, దీని వల్ల సమస్యలు కూడా ఉన్నాయి. అవే, కొన్నిసార్లు ప్రెజర్ ఈజీగా బయటికి రావడం. దీంతో కుక్కర్ మొదట్నుంచీ ప్రెజర్ బయటికి వచ్చి లోపల ఆహారం ఉడకదు. పైగా నీరంతా ఇంకిపోయి అడుగంటి పోతుంది. దీనికి కారణం కుక్కర్ మూత. మరి ఇలాంటి సమస్య ఫేస్ చేసేవారు దానిని ఎలా ఫిక్స్ చేయాలో తెలుసుకోండి.

స్టీమ్ వాల్వ్‌ని క్లీన్ చేయడం

కుక్కర్ వాడేవారు దాని క్లీనింగ్‌పై కూడా కన్నేయాలి. ఎప్పటికప్పుడు కుక్కర్ మూతని సరిగ్గా క్లీన్ చేయాలి. ముఖ్యంగా స్టీమ్ వాల్వ్‌ని క్లీన్ చేయాలి. లేదంటే ఆహార వ్యర్థాలన్నీ అందులో ఇరుక్కుపోయి స్టీమ్ వాల్వ్ ద్వారా బయటికి రానీయకుండా చేస్తాయి. దీంతో ప్రెజర్ పెరిగి ఎలాగోలా లీక్ అవ్వడం, లేదా ఒకేసారి పేలిపోవడం జరగుతుంది. కాబట్టి, ఎలాంటి సమస్యలు రాకుండా ఉండాలంటే ముందుగా ఆ స్టీమ్ వాల్వ్‌ని సరిగ్గా క్లీన్ చేయండి.

పరిమాణం మించకూడదు

ఎప్పుడు కూడా దాని కుక్కర్‌లో ఆహారాన్ని ఉడికించేటప్పుడు దానిని నిండా నింపేయకుండా కుక్కర్ పావు వంతు ఖాళీగా ఉంచాలి. ముప్పావు వరకూ ఫుడ్, వాటర్ ఉంచినా మిగతా పావు వంతు ఖాళీ ఉంచితే అప్పుడు లోపలి ఆహారం సరిగ్గా ఉడకడానికి ఛాన్స్ ఉంటుంది. అలా కాకుండా ఉంటే పరిమాణం మించి అది బయటికి వచ్చేస్తుంది. కాబట్టి, ఎప్పుడు కూడా పరిమితి మించి ఫుడ్ అందులో వేయకూడదని గుర్తుంచుకోండి.

రబ్బర్ సరిగా ఉందా

మనం కుక్కర్‌కి పెట్టే రబ్బర్ సరిగా ఉందా లేదా చెక్ చేసుకోవాలి. కొన్నిసార్లు ఇది లూజ్‌గా అవుతుంది. అలాంటప్పుడు దానిని మార్చాల్సి ఉంటుంది. అలా కాకుండా అదే రబ్బర్ వాడితే అది సరిగ్గా ఫిక్స్ అవ్వదు. పైగా లోపలి నుంచి ప్రెజర్, నీరు, ఫుడ్ మొత్తం లీక్ అవుతుంది. కాబట్టి, రబ్బర్ సరిగ్గా ఉందా లేదా చూసుకోవాలి. మీ వాడకాన్ని బట్టి రెగ్యులర్‌గా మారుస్తుండడం మంచిది.

మూత సరిగ్గా ఫిక్స్ చేయడం

ఎప్పుడు కూడా కుక్కర్‌ పెట్టినప్పుడు దానిని సరిగ్గా ఫిక్స్ చేయాలి. మూత సరిగ్గా ఫిక్స్ చేయాలి. లూజ్‌గా పెట్టకూడదు. దీంతో మూత సరిగ్గా ఫిక్స్ అవ్వదు. దీనిని ముందుగానే గమనించాలి. మూతని సరైన విధంగా ఫిక్స్ చేయాలి. ఆ తర్వాత కుక్కర్‌ కింద మంట ఆన్ చేయాలి. అప్పుడే, కుక్కర్ సరిగ్గా పనిచేస్తుంది.

కుక్కర్ బాలేకపోయినా

కుక్కర్ పాడైనా, అందులో పగుళ్లు, డెంట్స్, సీల్‌ని సృష్టించకుండా నిరోధించొచ్చు. ఆవిరి బయటకు వెళ్లేలా చేస్తాయి. గాస్కెట్‌ని రెగ్యులర్‌గా క్లీన్ చేయండి. పాడైపోతే దాన్ని మార్చండి. కుక్కర్‌ ఎప్పటికప్పుడు కొత్తగా మార్చాలి.