షుగర్ ఉన్నవారు కొన్ని లక్షణాలని అస్సలు నెగ్లెక్ట్ చేయొద్దు

డయాబెటిస్ ఉన్నవారు ముందునుంచీ ప్రతీ విషయంలోనూ జాగ్రత్తగా ఉండాలి. ఎందుకంటే ఏమాత్రం నిర్లక్ష్యం చేసినా చాలా సమస్యలొస్తాయి. అలాంటి వాటిలో ఒకటి డయాబెటిక్ రెటినోపతి ఒకటి. దీనిని ముందుగానే గుర్తించాలి. దీనికోసం రెటీనా టెస్ట్ చేయాలి. ఇందులో కొన్ని లక్షణాలు కనిపిస్తాయి. వాటిని గుర్తించాలి. డాక్టర్ దగ్గరికి వెళ్తే వారు టెస్ట్ చేసి ఏ స్టేజ్‌లో ప్రాబ్లమ్ ఉందో చెబుతారు. అయితే, ఈ సమస్య లక్షణాలు కూడా కొన్ని డిఫరెంట్‌గా ఉంటాయి. వాటిని మనం స్పష్టంగా గుర్తించలేం. కంటి వెనుక భాగంలో ఉండే రెటీనాలోని రక్తనాళాలకి నష్టం కలిగినప్పుడు సమస్య వస్తుంది. దీనికి కారణం షుగర్ లెవల్స్ పెరగడమే. వీటిని ముందుగానే గుర్తించలేం. కాబట్టి, ఎప్పటికప్పుడు టెస్టులు చేయించుకోవడం చాలా ముఖ్యం. దీని గురించిన పూర్తి వివరాలు తెలుసుకుందాం.

మైక్రోఅన్యూరిజమ్స్

ప్రారంభ క్లినికల్ సంకేతాలు మైక్రోఅన్యూరిజమ్స్ : రెటీనా పరీక్షలో క్లినికల్‌గా గుర్తించగలిగే లక్షణం. అవి రెటీనా రక్తనాళాల నుండి చిన్న ఔట్ పాచింగ్‌లుగా ముఖ్యంగా మాక్యులర్‌ ప్రాంతంలో చిన్న ద్రాక్షలాంటి గాయాలుగా కనిపిస్తాయి. ఇవి లిక్విడ్‌ని లీక్ చేసి మాక్యులర్‌ ఎడెమాలా మారొచ్చు.

బ్లీడింగ్

లక్షణాలు కనిపించే ముందు రెటీనా రక్తస్రావం, చిన్న రక్తస్రావం కూడా కనిపిస్తుంది. రెటీనా ఇస్కీమియా, లీకేజ్ కారణంగా సమస్య పెరిగేకొద్దీ కాటన్ వూల్ లాంటి మచ్చలు, గట్టి ఎక్సూడేట్స్‌‌గా సమస్య పెరుగుతుంది. ఈ సమస్య స్టార్టింగ్‌లో ఎలాంటి లక్షణాలు ఉండవు. చాలా తక్కువ లక్షణాలు కనిపిస్తాయి. అయితే, వీటిని ముందుగానే డాక్టర్ చేత చెక్ చేయించడం మంచిది.

స్టార్టింగ్ స్టేజ్‌లో లక్షణాలు

కొద్దిగా దృష్టి లోపాలు

​దృష్టి సమస్యలు​

అస్పష్టమైన చూపు

ఫ్లోటర్స్ అంటే తేలియాడే ఆకారాలు

నల్ల మచ్చలు

రాత్రుళ్ళు చూడడం కష్టంగా మారడం

రంగులని సరిగ్గా గుర్తుపట్టకపోవడం

చూడడంలో ఇబ్బంది

రెటీనా రక్తస్రావం

ఇలాంటి లక్షణాలు ఉంటాయి. ఇవి ఉన్నా లేకపోయినా సంవత్సరానికి ఓ సారి చెక్ చేసుకోవడం చాలా మంచిది.

సమస్యని గుర్తించడానికి

డయాబెటిక్ రెటినోపతిని గుర్తించడానికి రెగ్యులర్ స్క్రీనింగ్ హెల్ప్ అవుతుంది. ఫండస్ ఫోటోగ్రఫీ, OCT(ఆప్టికల్ కోహెరెన్స్ టోమోగ్రఫీ) మరియు ఫ్లోరోసెసిన్ యాంజియోగ్రఫీ వంటి టెస్టు రెటీనా నిర్మాణాల వివరణని ఇమేజింగ్ రూపంలో అందిస్తాయి. వీటి ద్వారా ద్రవం చేరడం, నాళాల లీకేజ్ వంటి సమస్యల్ని నిపుణులు గుర్తిస్తారు. టైప్ 1 లేదా టైప్ 2 షుగర్ ఉన్నవారు సమస్య నిర్ధారణ తర్వాత వెంటనే వారి మొదటి కంటి పరీక్ష చేయించుకోవాలి. సంవత్సరానికి ఓ సారి లేదా డాక్టర్ చెప్పినట్లుగా రెగ్యులర్‌గా టెస్ట్ చేయించుకోవాలి.

తీసుకోవాల్సిన జాగ్రత్తలు

హెల్దీ బ్లడ్ షుగర్ లెవల్స్ మెంటెయిన్ చేయడం

బీపి, కొలెస్ట్రాల్ లెవల్స్‌ని మెంటెయిన్ చేయడం వల్ల రెటీనా దెబ్బతినే ప్రమాదం తగ్గుతుంది.

గ్లైసెమిక్ నియంత్రణలో స్వల్ప మెరుగుదల కూడా వ్యాధిని పెరగకుండా చేస్తుంది.

ప్రెగ్నెన్సీ, కంట్రోల్ లేని షుగర్, దీర్ఘకాలిక సమస్యలు రెటీనోపతిని సమస్యకి కారణమవుతుందని షుగర్ ఉన్నవారు తెలుసుకోవాలి.

మీ కళ్ళని కాపాడుకోవడంలో రెగ్యులర్‌గా చెకప్స్ చేయించుకుంటా డాక్టర్ సలహాలు తీసుకుంటూ సరైన లైఫ్‌స్టైల్‌ని ఫాలో అయితే సమస్యని దూరం చేసుకోవచ్చు. అదే విధంగా సమస్యని ముందుగానే గుర్తించడం వల్ల కంటిచూపుని కాపాడుకోవచ్చు. సంవత్సరాల తరబడి స్పష్టమైన ఆరోగ్యకరమైన దృష్టిని కొనసాగించవచ్చు.