ప్రభుత్వ అభివృద్ధిపై విమర్శలు కురిపించడమే పనిగా వైసీపీ పెట్టుకుంది
Andhra Pradesh Telugu | Suryaa Desk | Published : Sat, Nov 15, 2025, 03:22 PM
వైసీపీ అధినేత వైఎస్ జగన్ మోహన్ రెడ్డిపై తెలుగుదేశం విజయనగరం ఎంపీ కలిశెట్టి అప్పలనాయుడు తీవ్ర ఆగ్రహం వ్యక్తం చేశారు. తమ ప్రభుత్వం ఏపీకి పెట్టుబడులు తీసుకురావడానికి ఎంతగానో కృషి చేస్తోందని ఉద్ఘాటించారు. కానీ జగన్ అండ్ టీమ్ ఇప్పటికైనా బుద్ధి తెచ్చుకోవాలని హితవు పలికారు. ఇవాళ(శనివారం)విశాఖపట్నం వేదికగా మీడియాతో ఎంపీ కలిశెట్టి అప్పలనాయుడు మాట్లాడారు.పెట్టుబడులపై తమ ప్రభుత్వాన్ని విమర్శించడమే జగన్ అండ్ కో పనిగా పెట్టుకున్నారని ఫైర్ అయ్యారు. మొదటగా రూ. 10 లక్షల కోట్ల పెట్టుబడులు వస్తాయని ఆశిస్తే దాన్ని దాటిపోతున్నాయని వివరించారు. జగన్ ఐదేళ్లు పెట్టుబడులను ఎందుకు తీసుకురాలేదని ప్రశ్నించారు. జగన్ హయాంలో రాష్ట్రం నుంచి పారిశ్రామిక వేత్తలను తరిమేశారని మండిపడ్డారు. చంద్రబాబుకు సీఎం పదవి ముఖ్యం కాదని.. రాష్ట్ర భవిష్యత్తు మాత్రమే ముఖ్యమని ఉద్ఘాటించారు. ఈ రోజు కూడా మరిన్ని పెట్టుబడులు వస్తాయని ఆశిస్తున్నామని పేర్కొన్నారు. మంత్రి నారా లోకేష్ ఆలోచనతో మరింతమంది పెట్టుబడుదారులు ముందుకు వస్తున్నారని నొక్కిచెప్పారు.
|
|