HAL డిప్లొమా టెక్నీషియన్ జాబ్స్.. ఇవాళ్టితో ఆఖరి ఛాన్స్! 9 పోస్టులకు ఇప్పుడే అప్లై చేయండి

హిందూస్థాన్ ఏరోనాటిక్స్ లిమిటెడ్ (HAL) దేశంలోనే అత్యంత ప్రతిష్ఠాత్మక రక్షణ రంగ సంస్థ. ఈ ఏడాది డిప్లొమా టెక్నీషియన్, టెక్నీషియన్ పోస్టులకు మొత్తం 9 ఖాళీలను భర్తీ చేస్తోంది. ఈ అవకాశం యువ టెక్నీషియన్లకు దేశ రక్షణ రంగంలో గొప్ప కెరీర్ ప్రారంభించే అద్భుత అవకాశం. ఈ నోటిఫికేషన్‌కు దరఖాస్తు చేసుకోవడానికి ఇవాళ్టి (నవంబర్ 20, 2025)తో ఆఖరి తేదీ కావడం గమనార్హం.
అర్హతల విషయానికొస్తే గనుక డిప్లొమా (మెకానికల్/ఎలక్ట్రానిక్స్/ఎలక్ట్రికల్ వంటి బ్రాంచ్‌లలో) లేదా NTC+NAC (ITI) పూర్తి చేసిన అభ్యర్థులు దరఖాస్తు చేసుకోవచ్చు. అభ్యర్థుల గరిష్ఠ వయసు 28 సంవత్సరాలు మించకూడదు. SC/ST/OBC/EWS/PwBD వర్గాలకు చెందిన వారికి నియమాల ప్రకారం వయసు సడలింపు వర్తిస్తుంది. దరఖాస్తు ఫీజు వివరాలు, ఇతర నియమాలు అధికారిక నోటిఫికేషన్‌లో స్పష్టంగా ఇవ్వబడ్డాయి.
ఎంపిక ప్రక్రియ రెండు దశల్లో జరుగుతుంది. ముందుగా అప్లికేషన్ల స్క్రూటినీ ఆధారంగా షార్ట్‌లిస్ట్ చేస్తారు. తర్వాత షార్ట్‌లిస్ట్ అయిన అభ్యర్థులు రాత పరీక్ష రాయాల్సి ఉంటుంది. రాత పరీక్షలో మెరిట్ ఆధారంగా తుది ఎంపిక జరుగుతుంది. ఈ పరీక్షలో టెక్నికల్ నాలెడ్జ్, జనరల్ అవేర్‌నెస్ వంటి సబ్జెక్టుల నుంచి ప్రశ్నలు వస్తాయి.
ఆసక్తి ఉన్న అభ్యర్థులు వెంటనే HAL అధికారిక వెబ్‌సైట్ https://hal-india.co.in లోకి వెళ్లి “Careers” సెక్షన్‌లో నోటిఫికేషన్ చదివి ఆన్‌లైన్‌లో దరఖాస్తు పూర్తి చేసుకోవాలి. ఇవాళ్టి మధ్యాహ్నం తర్వాత సర్వర్ లోడ్ ఎక్కువగా ఉండే అవకాశం ఉన్నందున ఆలస్యం చేయకుండా ఇప్పుడే అప్లై చేయడం మంచిది. ఈ అద్భుతమైన రక్షణ రంగ అవకాశాన్ని అందిపుచ్చుకోండి!