శీతాకాలంలో అందరికంటే మీకే ఎక్కువ చలిస్తే దానికి కారణం ఇదే

చలికాలం ప్రారంభమైంది. రోజు రోజుకు ఉష్ణోగ్రతలు పడిపోతున్నాయి. చలి గాలులు ఎక్కువగా వీస్తున్నాయి. శీతాకాలం గడిచే కొద్దీ మనకు చలిగా అనిపించడం సర్వసాధారణం. అయితే, కొంతమందికి ఇతరుల కన్నా ఎక్కువ చలిగా అనిపిస్తుంది. మీ బంధువుల్లో ఎవరో ఒకరికి ఈ సమస్య ఉంటుంది. లేదంటే మీకే ఈ సమస్య ఉండొచ్చు.

కొందరు చలికాలంలో ఫ్యాన్ వేసుకోనిదే నిద్రపోరు. మరికొందరు ఫ్యాన్ వస్తే అస్సలు నిద్రపోరు. ఇందుకు కారణం మీకు వాళ్ల కన్నా చలి ఎక్కువగా ఉండటమే. మీకు కూడా చలికాలంలో నిరంతరం చలిగా అనిపిస్తే లేదంటే.. చేతులు, కాళ్ళు వణుకున్నట్టు అనిపిస్తే అది చలి వల్ల కాకపోవచ్చు.

నిజానికి శరీరంలో కొన్ని పోషకాలు లేకపోవడం వల్ల ఇతరుల కన్నా ఎక్కువ చలిగా అనిపించవచ్చు. ఏ పోషకాలు తగ్గడం వల్ల శరీరంలో చలి ఎక్కువగా ఉంటుందో డాక్టర్ ముఖేష్ కుమార్ పంచకుమార్ చెప్పారు. ఆ పోషకాలు ఏంటి, వాటిని ఎలా భర్తీ చేయాలో ఇలా పూర్తి వివరాలపై ఓ లుక్కేద్దాం.

 చలికి, పోషకాలకు మధ్య సంబంధం ఏంటి?

ఐరన్, విటమిన్ బి12 తగ్గితే.. ఇతరుల కన్నా మనకు చలి ఎక్కువగా ఉంటుందని డాక్టర్ ముఖేష్ కుమార్ అంటున్నారు. నిజానికి మన శరీర ఉష్ణోగ్రతను నిర్వహించడం ప్రధానంగా రక్త ప్రసరణ, ఎర్ర రక్త కణాలపై ఆధారపడి ఉంటుంది. ఆరోగ్యకరమైన ఎర్ర రక్త కణాల నిర్మాణంలో ఐరన్, విటమిన్ బి12 రెండూ ముఖ్యమైన పాత్ర పోషిస్తాయి. అందుకే ఇవి తగ్గడం వల్ల ఎన్నో సమస్యలు వస్తాయి. అలాంటి వాటిలో చలి ఎక్కువగా అనిపించడం.

ఐరన్ ఎందుకు అవసరం?

శరీరంలోని అన్ని భాగాలకు ఆక్సిజన్‌ను రవాణా చేసే హిమోగ్లోబిన్ ఉత్పత్తికి ఐరన్ చాలా అవసరం. ఐరన్ లోపం వల్ల శరీరం సరైన మొత్తంలో హిమోగ్లోబిన్ ఉత్పత్తి కాకుండా నిరోధిస్తుంది. ఇది రక్తహీనతకు దారితీస్తుంది. రక్తహీనత శరీరంలోని అన్ని భాగాలకు తగినంత ఆక్సిజన్‌ను పంపిణీ చేయకుండా నిరోధిస్తుంది. ఇది శరీరం వేడిని ఉత్పత్తి చేయకుండా నిరోధిస్తుంది. దీంతో తరచుగా చలిగా ఉన్నట్లు అనిపిస్తుంది. ముఖ్యంగా చేతులు, కాళ్ళలో చలి ఎక్కువగా అనిపిస్తుంది.

విటమిన్ బి12 చేసే పనేంటి?

ఎర్ర రక్త కణాల ఏర్పాటుకు, నాడీ వ్యవస్థ యొక్క సరైన పనితీరుకు విటమిన్ బి12 బాధ్యత వహిస్తుంది. బి12 లోపం వల్ల మెగాలోబ్లాస్టిక్ అనీమియా అనే రకమైన రక్తహీనత వస్తుంది. ఇలాంటి పరిస్థితుల్లో శరీరంలో ఉత్పత్తి అయ్యే ఎర్ర రక్త కణాలు పెద్దవిగా, బలహీనంగా మారతాయి. ఇది శరీరమంతా ఆక్సిజన్‌ను సరిగ్గా రవాణా చేయకుండా నిరోధిస్తుంది. ఇది శరీర జీవక్రియను ప్రభావితం చేస్తుంది. శరీరం తగినంత వేడిని ఉత్పత్తి చేయకుండా నిరోధిస్తుంది. మీకు చలి ఎక్కువగా ఉన్నట్టు అనిపిస్తుంది.

ఐరన్, విటమిన్ బి12 లోపం వల్ల కనిపించే ఇతర లక్షణాలు

​అలసట, బలహీనంగా అనిపించడం

చర్మం పసుపు రంగులోకి మారడం

శ్వాస ఆడకపోవడం లేదా తలతిరగడం

వేగవంతమైన హృదయ స్పందన

తరచుగా తలనొప్పి రావడం

జుట్టు రాలడం

ఐరన్ లోపాన్ని ఎలా భర్తీ చేయాలి?

సాధారణంగా ఐరన్ రెండు రకాలు. హీమ్ ఐరన్, నాన్-హీమ్ ఐరన్. హీమ్ ఐరన్ శరీరం ద్వారా సులభంగా గ్రహించబడుతుంది. దీని కోసం ఆహారంలో గుడ్లు, లీన్ మాంసాలు, చికెన్, చేపలను భాగం చేసుకోండి. నాన్-హీమ్ ఐరన్ కోసం పాలకూర, బ్రకోలీ, బీట్‌రూట్, కాయధాన్యాలు, కిడ్నీ బీన్స్, సోయాబీన్స్, డ్రై ఫ్రూట్స్ (ఎండుద్రాక్ష, ఖర్జూరం, అత్తి పండ్లు), విత్తనాలు (గుమ్మడికాయ గింజలు, నువ్వులు) వంటివి భాగం చేసుకోండి. అంతేకాకుండా ఐరన్ పెంచుకోవడానికి విటమిన్ సి అధికంగా ఉండే ఆహారాలను చేర్చండి. నిమ్మ, నారింజ వంటి వాటిని భాగం చేసుకోండి. భోజనం తర్వాత వెంటనే టీ లేదా కాఫీ తాగడం మానుకోండి, ఎందుకంటే ఇవి ఐరన్ శోషణకు ఆటంకం కలిగిస్తాయి.

విటమిన్ బి12 లోపాన్ని ఎలా భర్తీ చేయాలి?

విటమిన్ బి12 ప్రధానంగా జంతు ఉత్పత్తులలో లభిస్తుంది. గుడ్లు, పాలు, పెరుగు, జున్ను, మజ్జిగ వంటి పాల ఉత్పత్తులను పుష్కలంగా తినండి. మాంసం, చేపలు, చికెన్ కూడా బి12 యొక్క అద్భుతమైన వనరులు. మీరు శాఖాహారులైతే వైద్యుడిని సంప్రదించిన తర్వాత సప్లిమెంట్లను కూడా తీసుకోవచ్చు. చివరగా.. మీకు చలి, అలసట ఎక్కువగా ఉంటే వెంటనే వైద్యుణ్ని సంప్రదించండి.