చలికాలంలో ఉసిరి ఒక్కటి తింటే కలిగే ప్రయోజనాలెన్నో

చలికాలంలో ఎక్కువగా వేడివేడిగా ఉండే ఆయిలీ ఫుడ్స్ తినడానికి ఇష్టపడతారు. ఇవి తినేటప్పుడు చాలా హ్యాపీగా అనిపిస్తుంది. కానీ మన నాలుకని తృప్తి పర్చడమే కాదు, ఆరోగ్యానికి మేలు చేసే ఫుడ్స్ కూడా తీసుకోవాలి. ఇందులో ముఖ్యంగా చలికాలంలో ఎక్కువగా కొన్ని పుల్లగా ఉండే ఫుడ్స్ తీసుకోవడం మంచిదని చెబుతున్నారు. పుల్లగా ఉండే ఫుడ్స్ తినడం వల్ల చాలా సమస్యలు దూరమవుతాయని చెబుతున్నారు డాక్టర్ రవీందర్. వీటిని తినడం వల్ల హెల్త్ ప్రాబ్లమ్స్ , స్కిన్ ప్రాబ్లమ్స్ అండ్ హెయిర్ ప్రాబ్లమ్స్ చాలా వరకూ దూరమవుతాయి. మరి ఆ ఫుడ్స్ ఏంటో తెలుసుకోండి.

చలికాలంలో వచ్చే సమస్యలు

చలికాలంలో ఉష్ణోగ్రతలు చాలా వరకూ తగ్గుతాయి. దీంతో స్కిన్ పొడిబారి గరుకుగా మారుతుంది. అదే విధంగా స్కిన్ డల్‌గా మారుతుంది. జీర్ణ సమస్యలు కూడా వస్తాయి. అలా కాకుండా ఉండాలంటే కొన్ని డైట్ చేంజెస్ చేయాలి. అందులో కొన్ని ఫుడ్స్‌ని యాడ్ చేయాలి. అందులో ఒకటే ఉసిరి.

సీజనల్ ఫ్రూట్ ఉసిరి

చలికాలంలో ఎక్కువగా ఉసిరి కాయలు వస్తుంటాయి. ఇది ఈ సీజన్‌లో దొరికే అద్భుతమైన సీజనల్ ఫ్రూట్. దీనిని తీసుకోవడం వల్ల చాలా లాభాలు ఉంటాయి. వీటిని మీరు నేరుగా తీసుకోవచ్చు. లేదా ఉసిరి రసంలా తీసుకోవచ్చు. లేదా వంటల్లో కూడా యాడ్ చేసుకోవచ్చు. ఉదయాన్నే ఉసిరి షాట్‌లా కూడా తీసుకోవచ్చు.

ఉసిరి తింటే లాభాలు

ఉసిరి తీసుకోవడం వల్ల చాలా లాభాలు ఉంటాయి.

వాతాన్ని బ్యాలెన్స్ చేస్తుంది.

అసిడిటీని తగ్గించి అగ్నిని పెంచుతుంది.

మనం తీసుకునే ఆహారంలోని ఖనిజాలన్నింటినీ చక్కగా అబ్జార్బ్ అయ్యేలా చేస్తుంది.

చర్మ సమస్యల్ని దూరం చేసి కొల్లాజెన్‌ని మెరుగ్గా చేస్తుంది.

మలబద్ధకాన్ని తగ్గిస్తుంది.

మానసిక సమస్యల్ని దూరం చేస్తుంది.

ఎక్కువగా ఫుడ్ తీసుకున్నప్పుడు అది జీర్ణమయ్యేలా చేస్తుంది.

కాబట్టి, ఉసిరి తీసుకోవడం అలవాటు చేసుకోండి.

ఇంకేం తీసుకోవచ్చు

ఉసిరితో పాటు మరికొన్ని పుల్లని ఆహారాలు తీసుకోవచ్చు. అందులో

గోరువెచ్చని నీటిలో నిమ్మరసం కలిపి తీసుకోవడం

పల్చని మజ్జిగ

టమాట సూప్

గంజి

దానిమ్మ పండ్లు

చలికాలంలో తినాల్సిన ఫుడ్స్

వీటితో పాటు ఏం తినాలంటే

దుంపలు, ఆకుపచ్చని కూరగాయలు, సిట్రస్ ఫ్రూట్స్ ఎక్కువగా తీసుకోవాలి. ఇందులోని విటమిన్ సి, ఎ, కెలు ఆరోగ్యానికి చాలా మంచివి. వీటితో పాటు నట్స్ సీడ్స్, గ్రెయిన్స్, మిల్లెట్స్ కూడా తీసుకోవాలి. ఇందులో హెల్దీ ఫ్యాట్స్, ఫైబర్‌, ప్రోటీన్స్ ఎక్కువగా ఉంటాయి. వీటితో పాటు అల్లం, వెల్లుల్లి, పసుపు వంటి తీసుకోవడం మంచిది. ఆరోగ్యానికి ఎంతో మంచిది.