బ్రెజిల్ అద్భుతం.. ఒక్క డోస్‌తోనే డెంగ్యూ నుంచి శాశ్వత రక్షణ!

ప్రపంచవ్యాప్తంగా డెంగ్యూ విజృంభిస్తోంది. ఈ ఏడాది ఆసియా, ఆఫ్రికా, లాటిన్ అమెరికా దేశాల్లో లక్షలాది కేసులు నమోదవుతూ మరణాల సంఖ్య కూడా భయానకంగా పెరిగిపోతోంది. ఈ పరిస్థితుల్లో బ్రెజిల్ శాస్త్రవేత్తలు చరిత్ర సృష్టించారు. ప్రపంచంలోనే మొదటిసారిగా ఒకే ఒక్క డోస్‌తో డెంగ్యూ నుంచి పూర్తి రక్షణ కల్పించే వ్యాక్సిన్‌ను విజయవంతంగా అభివృద్ధి చేశారు.
బ్రెజిల్‌లోని ప్రముఖ బుటాంటన్ ఇన్‌స్టిట్యూట్ రూపొందించిన ఈ వ్యాక్సిన్ పేరు ‘Butantan-DV’. ఇది డెంగ్యూ యొక్క నాలుగు సీరోటైప్‌లకు (DEN-1, DEN-2, DEN-3, DEN-4) వ్యతిరేకంగా బలమైన రోగనిరోధక శక్తిని ఏర్పరుస్తుంది. క్లినికల్ ట్రయల్స్‌లో 89 శాతం వరకు సమర్థతను చూపించడం ఈ టీకా యొక్క ప్రత్యేకత. ఇప్పటివరకు ఉన్న ఏకైక వ్యాక్సిన్ TAK-003 (డెంగ్వాక్సియా) కంటే ఇది చాలా అధునాతనమని నిపుణులు అభిప్రాయపడుతున్నారు.
ప్రస్తుతం అందుబాటులో ఉన్న TAK-003 వ్యాక్సిన్‌ను మూడు నెలల వ్యవధిలో రెండు డోసులు తప్పనిసరిగా వేసుకోవాలి. ఇది చాలా దేశాల్లో అమలు కష్టతరంగా మారింది. కానీ Butantan-DV ఒక్కసారి వేసుకుంటే చాలు, ఎటువంటి బూస్టర్ డోస్ అవసరం లేదు. బ్రెజిల్ ప్రభుత్వం ఇప్పటికే 12 నుంచి 59 ఏళ్ల వయస్సు వారికి ఈ టీకాను అధికారికంగా ఆమోదించి, జాతీయ వ్యాక్సినేషన్ కార్యక్రమంలో భాగం చేసింది.
ఈ ఒక్క డోస్ వ్యాక్సిన్ డెంగ్యూ నియంత్రణలో గేమ్ ఛేంజర్‌గా మారనుందని అంతర్జాతీయ ఆరోగ్య నిపుణులు భావిస్తున్నారు. ముఖ్యంగా భారత్, ఇండోనేషియా, బంగ్లాదేశ్ వంటి డెంగ్యూ బారిన పడుతున్న దేశాలకు ఇది ఆశాకిరణంగా కనిపిస్తోంది. త్వరలోనే పాన్ అమెరికన్ హెల్త్ ఆర్గనైజేషన్, WHO ఆమోదం కోసం దరఖాస్తు చేయనున్నట్టు బుటాంటన్ ఇన్‌స్టిట్యూట్ ప్రకటించింది. డెంగ్యూ భయానికి త్వరలోనే ఫుల్‌స్టాప్ పడనుంది!