పాదాలు గట్టిగా మారి పగులుతున్నాయా,,,,అయితే ఇలా చేయండి

కోమలమైన పెదాలు, ముఖం, చేతులు అని వాటిని మాత్రమే పట్టించుకుంటారు చాలా మంది. కానీ, పాదాలని అంతగా పట్టించుకోరు. అలా కాకుండా పాదాలు కూడా చక్కగా కోమలంగా, సాఫ్ట్‌గా మారాలంటే కొన్ని ఫాలో అవ్వాలి. కొందరికీ పాదాలు పగులుతుంటాయి. అదొక్కటే సమస్య కాదు. పాదాలు కూడా గట్టిగా మారతాయి. అలా కాకుండా పాదాలు కోమలంగా పగుళ్ళు లేకుండా ఉండాలంటే ఏం చేయాలో తెలుసుకోండి. ఏ టిప్స్ ఫాలో అయితే పాదాలు సాఫ్ట్‌గా మారతాయో తెలుసుకోండి.

పాదాలను గోరువెచ్చని నీటిలో నానబెట్టడం

ముందుగా మనం రోజంతా పాదాలపై నడుస్తుంటాం. ఏవేవో పనులు చేసినప్పుడు మన పాదాలే నేలపై అటు ఇటు తిరుగుతూ ఉంటాయి. దీంతో దుమ్ము, ధూళిలో తిరిగిన పాదాలు గట్టిగా బండల్లా మారతాయి. అలా కాకుండా పాదాలు కోమలంగా మారాలంటే రొటీన్ ఫాలో అవ్వాలి. అందులో ముఖ్యంగా పాదాలని 10 నిమిషాల పాటు గోరువెచ్చని నీటిలో ఉంచాలి. దీంతో పాదాలు రిలాక్స్ అవుతాయి. హీల్ కూడా అవుతాయి.

మెల్లిగా ఎక్స్‌ఫోలియేట్ చేయడం

పాదాలను ఎక్స్‌ఫోలియేట్ చేయడానికి డ్రైగా ఉన్న పాదాలపై రబ్ చేయకుండా నానిన పాదాలని ఫూట్ ఫైల్‌ లేదా ప్యూమిస్ స్టోన్‌తో మెల్లిగా రబ్ చేయండి. ఎక్కువగా ప్రెజర్ పెట్టొద్దు. మెల్లిగా రబ్ చేయండి. దీంతో ఎక్స్‌ట్రా స్కిన్ డస్ట్ మొత్తం పోతుంది. మీకు కావాలనుకుంటు తేనె, కాస్తా పంచదార వేసి కూడా స్క్రబ్ చేయొచ్చు.

ఏదైనా ఆయిల్‌‌తో మసాజ్

అదే విధంగా, పాదాలు కాస్తా తడిగా ఉన్నప్పుడే మాయిశ్చర్ చేయాలి. ఏదైనా ఆయిల్ ఆల్మండ్ ఆయిల్, కొకొనట్ ఆయిల్‌తో మసాజ్ చేయండి. దీంతో స్పీడ్‌గా హీల్స్ రిపేర్ అవుతాయి. దీంతో పాటు హాయిగా నిద్రపడుతుంది. మనం కూడా రిలాక్స్ అయినట్లుగా ఉంటాయి. పాదాలు సాఫ్ట్‌గా మారతాయి.

సాక్స్ వేస్తే మంచి రిజల్ట్ 

అదే విధంగా, పాదాలకి ఆయిల్ రాశాక మంచి కాటన్ సాక్స్‌ వేసుకోండి. దీంతో మాయిశ్చర్ లాక్ అయిపోతుంది. పగుళ్ళు రాకుండా ఉంటాయి. పాదాలు కూడా సాఫ్ట్‌గా ఉంటాయి. డ్రైగా మారకుండా ఉంటాయి. కాబట్టి, సాక్స్‌లు వేసుకోండి. చలికాలంలో వేసుకుంటే చలి నుంచి కూడా మీకు చాలా వరకూ రిలీఫ్ ఉంటుంది. కాబట్టి, కచ్చితంగా సాక్స్ వేసుకోండి.

గట్టి నేలపై నడవడం

అదే విధంగా, గట్టి నేలపై అలానే నడవొద్దు. ఏవైనా సాఫ్ట్ చెప్పులు వేసుకోవడం వంటివి చేయండి. దీంతో పాదాలు గట్టిగా కాకుండా ఉంటాయి. స్కిన్ కూడా సాఫ్ట్‌గా ఉంటుంది. కాబట్టి, పాదాలను కాపాడుకునేందుకు సాఫ్ట్ చెప్పుల్ని వాడండి. ఇంట్లోనూ వాడడం అలవాటు చేసుకోండి.