జపనీస్‌ ఆరోగ్యం, ఫిట్‌నెస్‌, దీర్ఘాయువుకు సీక్రెట్‌ ఏంటో తెలుసా?

ప్రస్తుత మన లైఫ్‌స్టైల్‌, ఆహార అలవాట్ల కారణంగా 30, 40 వయస్సులోనే నడుము నొప్పులు, మోకాళ్ల నొప్పు వంటి సమస్యలతో సతమతమవుతున్నాం. కొంచెం దూరం నడిస్తేనే ఆయాసపడుతుంటాం. బరువును తగ్గించుకోవడానికి నానాయాతనలు పడుతుంటాం. ఇక 60 ఏళ్లు దాటితే మన పరిస్థితి ఏంటి అని చాలామంది ఆలోచనలో పడుతూ ఉంటారు. ఎవరైనా 100 ఏళ్లు ఆరోగ్యంగా బతికితే అదో రికార్డు కింద భావిస్తాం.

అయితే జపాన్ ప్రజలు యాక్టివ్‌గా, యవ్వనంగా, ఉల్లాసంగా సెంచరీ కొట్టేస్తుంటారు. జపనీయులు ఇంత ఆరోగ్యంగా, చురుగ్గా ఉండటానికి కారణం లైఫ్‌స్టైల్‌, ఆహార విధానాల్లో ఫాలో అయ్యే వారి ఆచారాలు, ఆహార సూత్రాలు. వాటిలో ఒకటి 'హర హచి బు’.

దీని గురించి కాన్సర్ నిపుణులు, కేన్సర్ హీలర్ సెంటర్ మేనేజింగ్ డైరెక్టర్ డాక్టర్ తరంగ్ కృష్ణరాజ షమానీతో ఒక పోడ్‌కాస్ట్‌లో షేర్‌చేసుకున్నారు. ఈ అలవాటు మనం ఆరోగ్యంగా, ఉత్సాహంగా, ఫిట్‌గా ఉండేందుకు సహాయపడుతుందని డాక్టర్‌ తరంగ్ కృష్ణరాజ అన్నారు.

ఏమిటీ 'హర హచి బు'?

కొందరు ఒక ముద్దు ఎక్కువైనా పర్లేదు, కడుపు మాడ్చుకోకూడదనేది దానితో పొట్ట టైట్‌గా తినేస్తూ ఉంటారు. అయితే, జపనీయులు దీన్ని కంట్రోల్‌ ఉంచుతారు. 'హర హచి బు' సిద్ధాంతం ప్రకారం పూర్తిగా కడుపు నిండా తినేయడం కాకుండా 80 శాతం మాత్రమే ఆహారం తీసుకుని, 20 శాతం కడుపును ఖాళీగా ఉంచుకోవాలి. ఇలా నిర్ణీత మోతాదులో ఆహారం తీసుకునే అలవాటును చిన్నతనం నుంచే తమ పిల్లలకు నేర్పిస్తారు జపాన్‌ తల్లులు. ఈ అలవాటు వల్ల జీర్ణవ్యవస్థ చురుగ్గా పనిచేయడంతో పాటు పొట్ట ఆరోగ్యానికి కూడా మంచిదే.

'హర హచి బు'తో దీర్ఘాయుషు

'హర హచి బు' ఆహారపు అలవాటుతో ఆయుషు పెరుగుతుందని కొన్ని కేసులు నిరుపించాయి. వందేళ్లకు దాటి జీవించిన ఒకినావాన్లు తన దీర్ఘాయుషుకు 'హర హచి బు' ఓ కారణమని అన్నారు. అమెరికన్ జర్నల్ ఆఫ్ లైఫ్‌స్టైల్ మెడిసిన్‌లో ప్రచురించిన 2016 పరిశోధన ప్రకారం, అతి తిండి తగ్గిస్తే సెల్యులార్ ఆరోగ్యాన్ని కాపాడుతుంది, వృద్ధాప్య ప్రక్రియను నెమ్మదింపజేయడానికి సాయపడుతుంది.

బరువు తగ్గుతారు

‘హరా హచి బు’ లో మనం బుద్ధిపూర్వకంగా తింటాం, అతిగా తినడాన్ని నిరోధిస్తుంది. 2015లో ఈటింగ్ బిహేవియర్స్‌లో ప్రచురించిన పరిశోధన ప్రకారం, ఇది ఆహార కోరికల స్థాయిలను, ఎమోషనల్‌ఈటింగ్‌ను తగ్గిస్తుంది. కడుపను 20 శాతం ఖాళీగా ఉంచితే, బరువు పెరిగే ప్రమాదం తగ్గుతుంది. ఆకలిని తగ్గిస్తుంది, సంతృప్తిని పెంచుతంది.

ఈ ప్రయోజనాలు ఉంటాయి

జర్నల్ ఆఫ్ ఈటింగ్ డిజార్డర్స్‌లో ప్రచురించిన ఓ అధ్యయనం ప్రకారం ‘హరా హచి బు’ మీరు అతిగా ఆహారం తీసుకోకుండా కంట్రోల్‌లో ఉంచుతుంది. తద్వారా బ్లడ్‌షుగర్‌ లెవల్స్‌ను నియంత్రించడానికి సాయపడుతుంది. ఇది శరీరంలో ఇన్ఫ్లమేషన్‌ను అదుపులో ఉంచుతుంది. ఈ ఆహార విధానం ‘హరా హచి బు’ గుండె సమస్యల ప్రమాదాన్ని కూడా తగ్గిస్తుందని నిపుణులు చెబుతున్నారు.