పేరుకుపోయిన కొలెస్ట్రాల్‌ని కరిగించి, మలబద్ధకాన్ని దూరం చేసే ఇసబ్‌గోల్

మనలో చాలా మంది ఎక్కువగా ఫేస్ చేసే ప్రాబ్లమ్స్‌లో కొలెస్ట్రాల్, మలబద్ధకం, గ్యాస్, షుగర్, అధిక బరువు ఇవే ఉంటాయి. ఇవన్నీ కూడా కామన్ ప్రాబ్లమ్స్‌గా మారిపోయాయి. వీటికి మనం రకరకాల మెడిసిన్స్ వాడుతుంటాం. అలా కాకుండా ఒకే ఒక్క పదార్థంతో సమస్యల్ని తగ్గించుకోవాలంటే దానికోసం మనం కొన్ని సరైన పదార్థాలు తీసుకోవడం ముఖ్యం. అలాంటి వాటిలో ఇసబ్‌గోల్ ఒకటి. దీనిని వాడడం వల్ల మలబద్ధకం తగ్గడమే కాకుండా పైన చెప్పిన సమస్యలన్నీ చాలా వరకూ తగ్గుతాయి. దానికోసం ఇసబ్‌గోల్‌ని ఎలా తీసుకోవాలంటే

ఇసబ్‌గోల్‌తో లాభాలు

ఇసబ్‌గోల్ అనేది మంచి సోల్యూబుల్ ఫైబర్. ఇది నీటిలో వేయగానే జెల్‌లా మారుతుంది. దీనిని తీసుకోవడం వల్ల అసిడిటీ, గ్యాస్, బ్లోటింగ్, డయేరియా, ఐబిఎస్ వంటి సమస్యల్ని తగ్గిస్తుంది. దీంతో పాటు, బరువుని తగ్గించడంలో హెల్ప్ చేస్తుంది.

రోజూ తీసుకోవాలా?

సీలియం హస్క్ తీసుకోవడం వల్ల ఇన్ని లాభాలున్నప్పటికీ రోజూ తీసుకోవాల్సిన అవసరం లేదు. ఇది ఎంత మంచి హెర్బల్ అయినా రోజూ కాకుండా సమస్య ఉన్నప్పుడు మాత్రమే తీసుకోవాలి. అవసరం ఉన్నప్పుడు మాత్రమే తీసుకోవాలి. అంతేకానీ, మంచిదని దీనినే తీసుకోవడం సరికాదు.

ఎప్పుడు, ఎలా తీసుకోవాలి

దీనిని గోరువెచ్చని నీటిలో అర టీస్పూన్ పరిమాణంలో కలిపి తీసుకోవచ్చు. లేదా పాలలో కలిపి తీసుకోవచ్చు. గోరువెచ్చని నీటిలో కలిపి కొద్దిగా నెయ్యి కూడా కలిపి తీసుకుంటే మంచి ఫలితం ఉంటుంది. దీనిని తీసుకున్నప్పుడు నీరు ఎక్కువగా తీసుకోవడం మంచిది. ఇది మంచి సొల్యూబుల్ ఫైబర్ కాబట్టి, తీసుకున్నప్పుడు వాటర్ ఎక్కువగా తీసుకుంటే చక్కగా పనిచేస్తుంది. భోజనం చేసినప్పుడు తీసుకోవాలి.

ఫైబర్ అందనప్పుడు

కొన్నిసార్లు మనం ఫైబర్ తీసుకోవాలనుకున్నా తీసుకోలేం. ట్రావెల్, ఇతర కారణాల వల్ల మనకి ఫైబర్ ఎక్కువగా అందకపోయినప్పుడు మనకి ఇసబ్‌గోల్ హెల్ప్ చేస్తుంది. ఇది ఎలాంటి సైడ్ ఎఫెక్ట్స్ లేకపోయినా రోజూ తీసుకోవడం అస్సలు మంచిది కాదు.

వీటితో పాటు

మన చుట్టూరా చాలా హెర్బ్స్ ఉన్నప్పటికీ కేవలం వాటి మీదే ఆధారపడకుండా మంచి లైఫ్‌స్టైల్ ఫాలో అవ్వాలి. ఎక్కువగా నీరు తాగాలి. ఆహారంలో ఫైబర్, ప్రోటీన్ ఉండేలా చూసుకోవాలి. ఎంతోకొంత వర్కౌట్స్ చేయాలి. ఒత్తిడి తగ్గించుకోవాలి. మంచి నిద్ర ఉండేలా చూసుకోవాలి. ఎప్పటికప్పుడు చెకప్స్ చేసుకుంటే మనకి ఉండే సమస్యల్ని ముందుగానే తెలుసుకుని వాటి నుంచి తప్పించుకోవచ్చు.