11.01.2026 నుండీ 17.01.2026 వరకు ద్వాదశరాశి ఫలములు (వార ఫలాలు)

మేషరాశి.... (అశ్విని 1 2 3 4,భరణి 1 2 3 4,కృతిక 1వ పాదం) (నామ నక్షత్రములు: చూ, చే ,చొ, లా,లీ, లూ, లే, లో,ఆ)వారం ప్రారంభంలో సాంఘిక సంబంధాలు అనుకూలంగా ఉంటాయి, భాగస్వామ్య వ్యవహారాల గురించి శ్రద్ధ తీసుకుంటారు. సంఘాల్లో ఉన్నత స్థాయి పలుకుబడి కలిగిన వ్యక్తుల సహకారంతో కీర్తి ప్రతిష్టలు పెంపొందించుకుంటారు. విద్యార్థులకు విద్యాపరమైన వ్రాతల నైపుణ్యము పై, ముఖ్యంగా గణితము వై శ్రద్ధ వహించాలి. కమ్యూనికేషన్ విషయంలో తగిన శ్రద్ధ అవసరం. ఆర్థిక విషయాలను అనుకూలంగా ఉంటాయి. విందు వినోదాల్లో పాల్గొంటారు. వారము మధ్యలో ఆరోగ్య విషయంపై శ్రద్ధ తీసుకోవాలి ఉద్వేగాన్ని అధిగమించాలి. తండ్రితో అభిప్రాయ భేదాలకు దూరంగా ఉండాలి. ఉన్నత విద్య కొరకు ప్రయత్నం చేసేవారు అధిక శ్రమ తో అనుకున్న ఫలితాలు సాధిస్తారు. వారం చివరిలో వృత్తిలో శ్రమ, నైపుణ్యాలు, ఉత్సాహం, కమ్యూనికేషన అనుకూలతలు, ఆత్మవిశ్వాసం పెరుగుతాయి. కుటుంబంలోని పెద్దలు, గురువుల సహకారంతో మంచి నిర్ణయాలు తీసుకుంటారు. మహాలక్ష్మి ఆరాధన మంచి ఫలితాలు ఇస్తుంది.

వృషభరాశి...(కృతిక 2,3,4,రోహిణి 1 2 3 4,మృగశిర 1 2 పాదాలు) (నామ నక్షత్రములు:ఈ, ఊ, ఎ, ఓ, వా, వీ, వూ, వె, వో)  

వారం ప్రారంభంలో ఆరోగ్య విషయాల మీద శ్రద్ధ తీసుకుంటారు, పూర్వపు రుణాలను పూర్తి చేస్తారు, రోగనిరోధక శక్తిని పెంపొందించుకుంటూ, నిత్యజీవితంలో దినచర్యను మార్పులు చేసుకుంటారు. కొత్త హాబీలు మీద దృష్టి పెడతారు. కుటుంబ వ్యక్తులతో గృహ వాతావరణంలో అసౌకర్యాన్ని అధిగమించాలి, డ్రైవింగ్ చేసే సమయంలో తగిన జాగ్రత్తలతో ముందుకు వెళ్లాలి. సంతాన వర్గం యొక్క ఆరోగ్యం మీద శ్రద్ధ వహిస్తారు. వారం మధ్యలో దగ్గర ప్రయాణాలు మీద ఆసక్తి, ఆత్మవిశ్వాసం తగ్గడం. భాగస్వామ్య వ్యవహారాలలో అభిప్రాయ బేధాలుకు దూరంగా ఉండాలి. వారాంతంలో వృత్తిపరమైన విషయాలలో శ్రమ, నూతన ప్రదేశాలలో ఆహార స్వీకరణ వలన ఆరోగ్య విషయాలు, పని ఒత్తిడి ఇబ్బంది కలిగిస్తాయి. ఉన్నత విద్య కొరకు ప్రయత్నం చేసే విద్యార్థులు మంచి ఫలితాల కొరకు సరియైన ప్రణాళికా పరంగా ముందుకు వెళ్లాలి. కమ్యూనికేషన్ విషయంలో ముఖ్యముగా. తండ్రి, పెద్దలు, గురువులు మొదలైన వారిని సంప్రదించి వారి సలహాలతో ముందుకు వెళ్లేటప్పుడు అధిక ఉద్వేగాలను అధిగమించాలి. సూర్యనారాయణ స్వామి ఆరాధన మంచి ఫలితాలు ఇస్తుంది

మిధున రాశి...(మృగశిర 3 4,ఆరుద్ర 1 2 3 4,పునర్వసు 1,2,3 పాదాలు) (నామ నక్షత్రములు: కా, కి, కూ, ఖం , జ్ఞ, చ్చ, కే, కో, హ, హి)  

వారం ప్రారంభంలో ఉపాసన బలాన్ని పెంపొందించుకోవడానికి ఆధ్యాత్మిక సందర్శనలు ఆనందాన్ని ఇస్తాయి. ప్రశాంతంగా నిర్ణయాలు తీసుకుంటారు. ప్రియమైన వ్యక్తులతో, బంధువులతో అభిప్రా బేధాలుకు దూరంగా ఉండాలి. ప్రత్యర్థుల మీద విజయం సాధించడానికి అధిక శ్రమతో విద్యార్థులు ముందుకు పెడతారు. వ్యాపార వ్యవహారాలలో తొందరపాటు నిర్ణయాలు తగవు సంఘంలో గుర్తింపు పలుకుబడి కలిగిన వ్యక్తులతో ముఖ్య వ్యవహారాలు కొరకు, సంతాన అభివృద్ధి విషయంలో సలహా సంప్రదింపులు చేస్తారు. జీవిత భాగస్వామి ఆరోగ్య విషయంలో తగిన శ్రద్ధ తీసుకుంటారు. కమ్యూనికేషన్ సరి చూసుకోవాలి. వారాంతంలో ఆర్థిక, కుటుంబ వ్యవహారాలు ఘర్షణాత్మకంగా ఉంటాయి. స్థిరాస్తులు కొనుగోలు మొదలైన విషయాలలో రుణముల కొరకు ప్రయత్నాలు చేస్తారు. ఉన్నత స్థాయి వ్యక్తులతో ఆచితూచి వ్యవహరించడం మంచిది. వృత్తిలో శ్రమ అధికం ఉంటుంది గౌరవం పెరుగుతుంది. సత్యనారాయణ స్వామి ఆరాధన మంచి ఫలితాలు ఇస్తుంది

కర్కాటక రాశి...(పునర్వసు 4, పుష్యమి 1 2 3 4, ఆశ్లేష 1 2 3 4 పాదాలు) (నామ నక్షత్రములు: హి, హూ, హే, హో, డా, డీ ,డూ, డే, డో)

వారం ప్రారంభంలో గృహ వాతావరణం ఘర్షణాత్మకంగా అ సౌకర్యంగా ఉంటుంది. కుటుంబ సభ్యులతో, ఆర్థిక విషయాలలో, మాట పట్టింపులు. ముఖ్యంగా సంతాన వర్గంతో, స్త్రీలతో వాదములకు దూరంగా ఉండాలి. ఆరోగ్య విషయములో తగినశ్రద్ధ తీసుకుంటారు. వారము మధ్యలో మానసిక ప్రశాంతతను పెంపొందించుకోవాలి, ఆధ్యాత్మిక విషయాలపై ఆసక్తి పెంచుకుంటారు. ఆధ్యాత్మిక సంబంధ ఖర్చులు అధికం చేస్తారు. ఆత్మ విశ్వాసాన్ని పెంపొందించుకోవాలి. సంతాన వర్గం అభివృద్ధి కొరకు, వృత్తిపరమైన విషయాలలోనూ ఘర్షణగా ఉంటుంది. వారం చివరిలో ముఖ్యమైన పనులు ఆలస్యాలు ఆటంకాలు ఇబ్బంది కలిగిస్తాయి. కోపాన్ని నియంత్రించుకోవాలి. దినచర్యలో మార్పులు చేసుకుంటారు. సాంఘిక సంబంధాల్లో, కుటుంబ అంశాలలో, భాగస్వామి ఆరోగ్య విషయంలో తగిన జాగ్రత్తలతో ముందుకెళ్లాలి. ఉన్నత విద్యా సంబంధమైన అంశాలలో మంచి గురువును సంప్రదిస్తారు. విద్యాపరంగా ప్రత్యర్ధుల మీద విజయాలు సాధిస్తారు. పట్టుదలతో ముందుకు వెళతారు. మరిన్ని మంచి ఫలితాల కొరకు సుబ్రహ్మణ్యేశ్వర స్వామి ఆరాధన మేలు.

సింహరాశి...(మఖ 1 2 3 4, పుబ్బ 1 2 3 4, ఉత్తర 1వ పాదం) (నామ నక్షత్రములు: మా, మీ, మూ, మే, మో, టా, టీ, టూ, టే)

వారం ప్రారంభంలో సహకారాన్ని కోరుకుంటారు, పట్టుదలతో అనుకున్న పనులు ప్రయత్నం తో సాధిస్తారు. నెట్వర్క్ పెంపొందించుకుంటారు. కమ్యూనికేషన్ విషయంలో తగిన జాగ్రత్తలతో వెళ్ళాలి. దగ్గర ప్రయాణాలకు అవకాశం. సంతాన వర్గ అభివృద్ధి కొరకు, నూతన పెట్టుబడుల కొరకు నిర్ణయాలు తీసుకుంటారు. వారం మధ్యలో తల్లి ఆరోగ్యం మీద శ్రద్ధ వారి కొరకు ధనాన్ని ఖర్చు చేస్తారు. గృహ వాహన విషయాలలో మార్పులు కొరకు ఆలోచన చేస్తారు. గృహ సౌఖ్యం తక్కువ. అయినప్పటికీ వారాంతంలో ఏర్పడే మార్పుల వల్ల గృహ వాహన విషయాలు, రుణముల కొరకు చేసే ప్రయత్నాలు, అనుకూలం. మానసిక ప్రశాంతత, ధైర్యం పెరుగుతుంది. సంతాన వర్గంతో, ప్రియమైన వ్యక్తులతో ముఖ్యంగా తోబుట్టువులతో వివాదాలకు దూరంగా ఉండాలి. వ్యక్తిగత ఆరోగ్యం మీద శ్రద్ధ తీసుకోవాలి. వృత్తిలో అధిక శ్రమ. సమయానికి ఆహార స్వీకరణ, కంటికి తగిన విశ్రాంతి అవసరం. మరిన్ని మంచి ఫలితాల కొరకు వెంకటేశ్వర స్వామి ఆరాధన మేలు.

కన్యా రాశి...(ఉత్తరఫల్గుణి 2 3 4,హస్త 4,చిత్త 1 2 పాదాలు) (నామ నక్షత్రములు: టో,పా,పి,పూ,షం,ణా,పే,పో)

వారం ప్రారంభంలో ఆర్థిక విషయాలు కుటుంబ అంశాలు అనుకూలంగా ఉంటాయి. ఎదురుచూస్తున్న వర్తమానాలు అందుకుంటారు. నెట్వర్క్ ను పెంపొందించుకుంటారు. కుటుంబానికి బంధువులు రాక. స్థిరాస్సులు కొనుగోలు కొరకు ప్రయత్నాలు చేస్తారు. గృహ వాహన విషయాలలో మార్పుల కొరకు కుటుంబములోని ముఖ్యులతో సంప్రదించి మంచి నిర్ణయాలు తీసుకుంటారు. వారం మధ్యలో వారసత్వపు ఆస్తులు విషయంలో తోబుట్టువులతో చర్చలకు అవకాశం, అభిప్రాయ బేధాల విషయంలో దూరంగా ఉండాలి. ప్రయాణాలకు అవకాశం మానసిక ప్రశాంతతను పెంపొందించుకోవాలి. గవర్నమెంట్ లోన్ కొరకు ప్రయత్నాలు చేస్తారు. వారం చివరిలో తల్లి ఆరోగ్యం అనుకూలంగా ఉంటుంది. విద్యార్థులకు అనుకూలమైన సమయం, సమయాన్ని సరియైన విధంగా సద్వినియోగపరచుకొని మంచి ప్రణాళికతో ముందుకు వెళితే అనుకున్న ఫలితాలు సాధించగలరు. గృహ వాతావరణం ఆనందంగా ఉంటుంది. విందు వినోదాల్లో పాల్గొంటారు. విద్యార్థులు కమ్యూనికేషన్ విషయంలో వారాంతంలో జాగ్రత్తలు తీసుకోవాలి. మంచి ఫలితాల కొరకు ఆదిత్య హృదయ పారాయణ మేలు

తులా రాశి...(చిత్త 3 4,స్వాతి 1 2 3 4, విశాఖ 1 2 3 పాదాలు) (నామ నక్షత్రములు: రా, రి, రూ, రె, రో, తా, తీ, తూ, తే)    

వారం ప్రారంభంలో వృత్తిపరమైన విషయంలో అధిక శ్రమ అలసట అధికంగా ఉంటాయి, అయినప్పటికీ నిర్ణయి సామర్థ్యం పెరుగుతుంది మానసిక ఉల్లాసం ఉత్సాహంగా నిర్ణయాలు తీసుకుంటారు. ప్రత్యర్థుల మీద విజయం సాధిస్తారు. వ్యక్తుల సహకారం అనుకూలంగా ఉంటుంది. ఆర్థికంగా, వృత్తిపరంగా ఉన్నత స్థాయి వ్యక్తుల యొక్క సహకారం అందుతుంది. సృజన త్మక నిర్ణయాలతో వృత్తిలో మీ క్రింది వ్యక్తుల సహకారంతో కొత్త మార్పులు చేస్తారు. ఆధ్యాత్మిక ఆలోచనలు అనుకూలంగా ఉంటాయి. మాటలు విషయంలో, కమ్యూనికేషన్ లోనూ తగిన జాగ్రత్తతో ముందుకు వెళ్లాలి. ఆర్థిక సంబంధమైన అంశాలలో భాగస్వామితో కలిపి నూతన నిర్ణయాలు, ఘర్షణకి అవకాశం ఇవ్వరాదు. వారం చివరిలో పట్టుదల, సామర్థ్యాలు పెరుగుతాయి. అనుకోని వ్యక్తుల సహకారం, రుణములు తీర్చగలుగుతారు. విద్యార్థులకు అనుకూలం. వ్రాత నేపుణ్యాల్ని పెంపొందించుకుంటూ, శ్రమతో ముందుకు వెళతారు. పెద్దలు గురువులకు ఆశీస్సులు అందుకుంటారు. గృహ వాతావరణం కొంతవరకు అసౌకర్యం. మరిన్ని మంచి ఫలితాల కొరకు దత్తాత్రేయుని ఆరాధన మేలు

వృశ్చిక రాశి...(విశాఖ 4,అనురాధ 1 2 3 4, జేష్ఠ 1 2 3 పాదాలు) (నామ నక్షత్రములు: తో, నా, నీ, నూ, నె, నో, యా, యీ, యు)   

వారం ప్రారంభంలో అధిక ఒత్తిడి శ్రమ, నిద్రలేమి అధికంగా ఉంటాయి. కుటుంబ విషయాలలో, సంతాన వర్గం యొక్క అభివృద్ధి విషయంలో మానసిక చికాకులు. ఆధ్యాత్మిక కార్యక్రమాల్లో పాల్గొంటారు. పుణ్య కార్యక్రమాలు కొరకు ధనాన్ని ఖర్చు చేస్తారు. ప్రశాంతత తక్కువగా ఉంటుంది. మధ్యలో ఆత్మవిశ్వాసం తగ్గుతుంది, అయినప్పటికీ వారాంతములో నూతన ఉత్సాహంతో, కొత్త నిర్ణయాలతో, ధైర్యంగా, ప్రత్యర్థుల మీద విజయం సాధిస్తూ, స్థిరాస్తులు విషయంలో మంచి ఆలోచనలు చేస్తూ ముందుకు వెళ్ళగలుగుతారు. కంటి ఆరోగ్య విషయంలో తగిన శ్రద్ధ అవసరం. వారాంతంలో కుటుంబ సంబంధమైన విషయాల కొరకు, భాగస్వామితో షాపింగులు, ప్రయాణాలు మొదలైన వాని కొరకు, విందు వినోదాలలో పాల్గొనుట కొరకు ధనాన్ని ఖర్చు చేస్తారు. కమ్యూనికేషన్ విషయంలో, స్థిర ఆస్తులు అంశాలలో తగిన జాగ్రత్తలతో ముందుకు వెళ్లాలి. మంచి ఫలితములు కొరకు విష్ణుమూర్తి ఆరాధన మేలు.

ధను రాశి...(మూల 1 2 3 4,పూర్వాషాఢ 1 2 3 4,ఉత్తరాషాఢ 1వ పాదం) (నామ నక్షత్రములు: యే, యో, భా,భీ, భూ, ధ, ఫ, డా, భే)

వారం ప్రారంభంలో ఆర్థిక సంబంధమైన విషయాలలో అనవసరమైన ఖర్చులను కొంతవరకు నియంత్రించడానికి ప్రయత్నం చేస్తారు. విద్యాసంబంధం గా రిసర్చ్ ఓరియెంటెడ్ విషయాల మీద ఆసక్తి చూపిస్తారు. దూర ప్రదేశాలలో ఉండే స్నేహితులతో మంచి చర్చలు, నెట్వర్క్ పెంపొందించుకుంటారు. చక్కని సమాచారం అందుకుంటారు. వ్యక్తిగత శ్రద్ధ గౌరవం పెరుగుతాయి. వారం మధ్యలో వృత్తిపరంగా అలసట పని ఒత్తిడి అధికంగా ఉండటం వల్ల ప్రశాంతత తక్కువ, నిద్రలేమి ఇబ్బంది పడతాయి. ప్రయాణాల కొరకు, వ్యక్తిగత విషయాల కొరకు అధిక ఖర్చులు చేస్తారు. వారము చివరిలో గృహ నిర్మాణ అంశాల మీద, ముఖ్యంగా స్థిరాస్తుల విషయంలో ఖర్చులు. విదేశీ వ్యవహారాలకు సంబంధించి, సంతాన వర్గ అభివృద్ధి కొరకు, పెట్టుబడుల కొరకు, రుణములు తీసుకునే నిర్ణయాలలో ఆలస్యాలు ఆటంకాలు ఇబ్బంది కలిగిస్తాయి. కమ్యూనికేషన్ అనుకూలంగా ఉన్నప్పటికీ కుటుంబ సభ్యులతో, ఉన్నతస్థాయి వ్యక్తులతో మాటల వల్ల అధిక ఘర్షణకు అవకాశం లేకుండా తగిన జాగ్రత్తలతో ముందుకు వెళ్లాలి. మరిన్ని మంచి ఫలితముల కొరకు సూర్యనారాయణ స్వామి ఆరాధన మేలు.

మకర రాశి...(ఉత్తరాషాఢ 2 3 4, శ్రవణం 1 2 3 4, ధనిష్ఠ 1 2 పాదాలు) (నామ నక్షత్రములు: భ,జా,జి,ఖి,ఖు,ఖే,ఖో,గా,గి)

వారం ప్రారంభంలో వృత్తిపరంగా కొత్త వ్యక్తుల యొక్క పరిచయాలు, ప్రయాణాలు ఉంటాయి. జీవిత భాగస్వామికి వృత్తి, ఆరోగ్య సంబంధ అంశాలలో సలహా, సహకారాన్ని అందిస్తారు. ప్రత్యేక శ్రద్ధ తీసుకుంటారు. తోబుట్టులతో కలిపి చర్చలు చేస్తారు, వృత్తిపరమైన మార్పులు కొరకు ఆలోచిస్తారు, విదేశీ వ్యవహారాల మీద ముఖ్యంగా దూరప్రాంతాల్లో ఉండే తోబుట్టువుల కొరకు దృష్టి సారిస్తారు. వారం మధ్యలో ఆర్థిక విషయాలు అనుకూలంగా ఉంటాయి. వ్యాపార భాగస్వామి వ్యవహారాలు కొంతమేర అభివృద్ధి కరంగా ఉంటాయి. స్థిరాస్తులని పెంచుకోవడానికి, రుణముల కొరకు చేసే ప్రయత్నాలు అనుకూలిస్తాయి. తల్లి ఆరోగ్యం మీద శ్రద్ధ తీసుకుంటారు. ఆత్మీయులైన మిత్రులకి, వృత్తిపరమైన విషయాలలో సహకారాన్ని ఇస్తారు. సంతాన వర్గం అభివృద్ధి వృద్ధికరంగా ఉంటుంది. వారితో కలిపి విందు వినోదాల్లో పాల్గొంటారు. గృహసౌక్యం అనుకూలం. వారాంతంలో మిత్రులు, బంధువర్గంతో కలయికలు, విద్యార్థులు కమ్యూనికేషన్ విషయంలో జాగ్రత్తలు తీసుకోవాలి. విద్యాపరంగా మంచి ప్రణాళికతో ఆచితూచి వ్యవహరిస్తూ ముందుకు వెళ్లాలి. అధిక ఉద్వేగాలు నియంత్రించుకోవాలి. ఫలితాల కొరకు సుబ్రహ్మణ్యేశ్వర స్వామి ఆరాధన మేలు.

కుంభ రాశి...(ధనిష్ట 3 4, శతభిషం 1 2 3 4, పూర్వాభాద్ర 1 2 3 పాదాలు) (నామ నక్షత్రములు: గూ, గే, గో, సా, సి, సు, సే, సో, దా)    

వారం ప్రారంభంలో తండ్రి ఆరోగ్య విషయంలో శ్రద్ధ తీసుకుంటారు. అధిక శ్రమతో ప్రత్యర్థుల మీద విజయం సాధిస్తారు. పూర్వపు రుణములు పూర్తి చేస్తారు. ఆర్థిక విషయాలు, గృహ వాతావరణం అనుకూలంగా ఉంటాయి. తల్లితండ్రులతో మంచి అనుబంధాన్ని పెంపొందించుకుంటారు. నూతన వస్త్రాలు, షాపింగ్ లు ఆనందాన్ని స్థాయి. మధ్యలో వృత్తిపరమైన విషయాలలో ఉన్నతాధికారులు, మీ పై సిబ్బంది అనుకూలంగా ఉంటారు, సహకారం అందిస్తారు. సాంఘిక సంబంధాలు గౌరవం అనుకూలం. ఆత్మీయులైన మిత్రులతో, తోబుట్టువులతో కమ్యూనికేషన్ అనుకూలంగా ఉంటుంది, విద్యార్థులు మంచి ఫలితాలు పొందడానికి అవకాశం ఉంది, అయినప్పటికీ వారాంతంలో అన్ని విషయాలలో శ్రద్ధ అవసరం. ముఖ్యంగా డ్రైవింగ్ చేసేవారు జాగ్రత్తలతో ముందుకు వెళ్లాలి. మీరు వృత్తి చేసే ప్రదేశాలలో గాసిప్స్ కి దూరంగా ఉండటం అవసరం. వృత్తిపరంగా మార్పుల కొరకు తొందరపాటు నిర్ణయాలు పనికిరావు. స్త్రీలతో అపార్థాలకు దూరంగా ఉండాలి. వ్యాపార భాగస్వామ్య వ్యవహారాలలో, జీవిత భాగస్వామి ఆరోగ్య విషయంలో తగిన శ్రద్ధతో ముందుకెళ్లాలి. మరిన్ని మంచి ఫలితాల కొరకు నవగ్రహ ఆరాధన మేలు

మీన రాశి...(పూర్వాభాద్ర 4,ఉత్తరాభాద్ర 1 2 3 4,రేవతి 1 2 3 4 పాదాలు)(నామ నక్షత్రములు: దీ , దు, ఇ+, ఝ, ధా, దే, దో, చా, చి)

వారం ప్రారంభంలో మానసిక చికాకుల అధికంగా ఉంటాయి, తల్లి,సంతానం వారి ఆరోగ్యం అభివృద్ధి కొరకు దృష్టి సారిస్తారు. ఉపాసన బలాన్ని పెంపొందించుకోవాలి. వృత్తిపరమైన ప్రదేశాలలో అనవసరమైన వ్యక్తులతో ప్రశాంతత తక్కువ. వ్యక్తిగత ఆరోగ్య విషయంలో శ్రద్ధ తీసుకోవాలి. వారం మధ్యలో తండ్రి పెద్దలు మొదలైనవారి ఆశీస్సులు కోరుకుంటారు. ముఖ్యంగా వారితో అభిప్రాయ బేధాలకు దూరంగా ఉండాలి. ఉన్నత విద్య కొరకు ప్రయత్నం చేసే వారికి సరియైన ప్రణాళిక అవసరం. అయినప్పటికీ వారాంతంలో పెద్దల సహకారం, ఉన్నత విద్య, ఆర్థిక అంశాలు చాలా చక్కగా అను కూలిస్తాయి. తండ్రి ఆరోగ్యం, సహకారం వారితో మీ అనుబంధం అనుకూలం. వృత్తిపరంగా ఎదురవుతున్న చిక్కులను అధిగమించగలుగుతారు. కమ్యూనికేషన్ బాగుంటుంది. మిత్రులు, తోబుట్టువులు సహకరిస్తారు. వృత్తిలో అధిక శ్రమ ఉన్నప్పటికీ మీ గౌరవం పెరుగుతుంది. మంచి నిర్ణయాలు తీసుకుంటారు. ఆలోచనలు వికసిస్తాయి. ఆగుతూ వచ్చిన పనులు కొంతమేర ముందుకు వెళతాయి. గృహ వాతావరణం అనుకూలంగా ఉంటుంది. విద్యార్థులకు అనుకూలం. మంచి ఫలితాల కొరకు శ్రీకృష్ణ మందిరాలు దర్శనమేలు.

(గమనిక: గోచార రీత్యా చెప్తున్న రాశి ఫలితాలు జనరల్ వి, వ్యక్తిగతంగా ఉద్దేశించి చెబుతున్నవి కావు, వ్యక్తిగత జన్మజాతకంలో అనగా వ్యక్తి జన్మ కుండలి (జన్మించిన సమయం, తేదీ, ప్రదేశం ఆధారంగా నిర్మించేది) ప్రకారం నడిచే దశలు అంతర్దశలు ప్రధానంగా చూసుకుంటూ ఆ దశ అంతర్దశలకు సంబంధించిన దానికి తగిన పరిహారాలు పాటించుకుంటూ, దానితో పాటు ఈ గోచార ఫలితాలను చూసుకోవాలి. గోచార రీత్యా రాశి ఫలాలు అశుభము గా ఉండి దోషాలు ఉన్నప్పటికీ, జననకాల దశ ఫలములు శుభము గా ఉంటే రాశి ప్రస్తుత అశుభ ఫలితాలు స్వల్పంగానే ఉంటాయి. చిన్న చిన్న పరిహారాలు పాటించి శుభ ఫలితాలు పొందగలరు).

డా|| ఈడ్పుగంటి పద్మజారాణి / Dr Edupuganti Padmaja Rani

జ్యోతిష్యము & వాస్తు నిపుణురాలు / Astrology & Vaastu Consultant

email : padma.suryapaper@gmail.com

www.padmamukhi.com