ట్రెండింగ్
రాబోయే పుష్కరాల్లోగా పోలవరం ప్రాజెక్టు పూర్తిచేస్తాం
Andhra Pradesh Telugu | Suryaa Desk | Published : Mon, Jan 12, 2026, 01:23 PM
పోలవరం ప్రాజెక్టును రాబోయే పుష్కరాల్లోగా పూర్తిచేసి జాతికి అంకితం చేస్తామని ముఖ్యమంత్రి చంద్రబాబు స్పష్టం చేశారు. "పోలవరం పూర్తయితే దక్షిణ భారతదేశంలో ఏ రాష్ట్రం మనతో పోటీపడలేదు. ఏటా 3 వేల టీఎంసీల గోదావరి జలాలు సముద్రంలో వృథాగా కలుస్తున్నాయి. పట్టిసీమ ద్వారా కృష్ణా డెల్టాకు నీళ్లిచ్చి, శ్రీశైలంలో నీటిని ఆదా చేసి రాయలసీమకు అందిస్తున్నాం" అని వివరించారు. నల్లమల సాగర్ ప్రాజెక్టు ద్వారా రాయలసీమ, ప్రకాశం జిల్లాలకు నీరందించవచ్చని, పోలవరంలో మిగిలిన నీటిని తెలంగాణ కూడా వాడుకోవచ్చని సూచించారు. తాను తెలంగాణ ప్రాజెక్టులకు ఎప్పుడూ అడ్డు చెప్పలేదని, రెండు తెలుగు రాష్ట్రాలు గోదావరి జలాలను సమర్థంగా వాడుకోవాలని ఆకాంక్షించారు.
|
|