మటన్ లెగ్ సూప్.. ఎముకలకు, ఆరోగ్యానికి ఎంతవరకు మేలు?

మటన్ లెగ్ సూప్‌గా పిలిచే పాయా సూప్ అనారోగ్యం నుంచి కోలుకోవడంలో ఉపయుక్తమని పెద్దలు సూచిస్తారు. హార్వర్డ్ యూనీవర్సిటి నివేదిక ప్రకారం మేక, గొర్రె కాళ్లలో కాల్షియం, మెగ్నీషియం, ఫాస్ఫరస్, జింక్ సమృద్ధిగా ఉంటాయి.మరో పోషకాహార నిపుణులు మాట్లాడుతూ, గొర్రె కాళ్లలో కొలాజెన్, జెలటిన్ పుష్కలంగా ఉంటాయని తెలిపారు. ఇవి కీళ్ల ఆరోగ్యానికి, కీళ్ల నొప్పుల ఉపశమనానికి దోహదపడతాయని, చర్మ సౌందర్యానికి కూడా కొలాజెన్ మేలు చేస్తుందని ఆమె పేర్కొన్నారు. ఈ సూప్ ఎముకలు, చర్మానికి మాత్రమే కాకుండా, శరీరంలోని ఇతర అవయవాల పనితీరును కూడా మెరుగుపరుస్తుంది. ఇందులో ఉండే గ్లైసిన్, ప్రొలైన్ వంటి అమైనో ఆమ్లాలు పేగుల పనితీరును నియంత్రించడంలో సహాయపడతాయి. అలాగే, కాలేయ పనితీరును నియంత్రించడం ద్వారా శరీరంలోని డిటాక్సిఫికేషన్ ప్రక్రియను సరిగ్గా నిర్వర్తిస్తాయి. తమిళనాడు, ఆంధ్రప్రదేశ్, తెలంగాణ ప్రాంతాలలో పాతకాలం నుండి జ్వరం, ఎముకలు విరిగినప్పుడు మటన్ బోన్ సూప్ తాగమని చెబుతుంటారు, త్వరగా కోలుకోవడానికి ఇది అందించే పోషకాలు, బలం, శక్తే దీనికి కారణమని రమ్య తెలిపారు.ఈ సూప్ ఎవరు తాగొచ్చు, ఎవరు తాగకూడదు అనే అంశంపై స్పష్టమైన మార్గదర్శకాలు ఉన్నాయి. మటన్ లెగ్స్ లో కొవ్వు అధికంగా ఉంటుంది కాబట్టి, గుండె సంబంధిత జబ్బులు, ఊబకాయం, శరీరంలో అధిక కొవ్వుతో ఇబ్బంది పడుతున్నవారు దీనిని తీసుకోకపోవడం మంచిది. అలాగే, శరీరంలో యూరిక్ యాసిడ్ అత్యధికంగా ఉన్నవారు, రుమటాయిడ్ ఆర్థరైటిస్ తో బాధపడేవారు, కిడ్నీ సమస్యలు అప్పటికే ఉన్నవారు వైద్యుల సలహా తీసుకున్నాకే ఈ సూప్ తాగాలి.