ఏపీలో ప్రభుత్వ టీచర్ల బదిలీలు, ప్రమోషన్లకు గ్రీన్‌సిగ్నల్

ఏపీలో ప్రభుత్వ ఉపాధ్యాయులకు ముఖ్యగమనిక.. వేసవి సెలవుల్లో బదిలీలు చేపట్టనున్నారు. రాష్ట్ర ప్రభుత్వం టీచర్ల బదిలీలకు సంబంధించి ప్రత్యేకంగా చట్టాన్ని తీసుకొచ్చిన సంగతి తెలిసిందే. ప్రతి ఏటా వేసవి సెలవుల్లో టీచర్ల బదిలీలు చేపట్టేందుకు పాఠశాల విద్యాశాఖ చర్యలు చేపట్టింది. ఉపాధ్యాయుల బదిలీలు, ప్రమోషన్లు, పోస్టుల రేషనలైజేషన్‌కు సంబంధించి మార్గదర్శకాలు కూడా రూపొందించారు. ప్రభుత్వ టీచర్ల బదిలీలకు సంబంధించి ఉన్న సర్వీసును మే 30వ తేదీ వరకు పరిగణనలోకి తీసుకుంటారు. స్కూల్స్‌లో ఏప్రిల్‌ 30 వరకు ఉన్న విద్యార్థుల సంఖ్య ఆధారంగా పోస్టుల రేషనలైజేషన్ ఉంటుంది.

13 ఉమ్మడి జిల్లాల ప్రాతిపదికన బదిలీలు, ప్రమోషన్లు ఉంటాయి. యూ డైస్‌ లో రేషనలైజేషన్‌కు సంబంధించి వివరాల నమోదుకు ప్రభుత్వం మరోసారి అవకాశం కల్పించింది. ఈ బదిలీల్లో దివ్యాంగులకు సంబంధించి కోర్టులో కేసు పెండింగ్‌లో ఉంది.. ఈ క్రమంలో వారికి మినహాయింపు ఇస్తారని తెలుస్తోంది. అయితే ఎవరైనా ట్రాన్స్‌ఫర్‌లకు ఆప్షన్స్ నమోదు చేసుకునే అవకాశం కల్పించారు. మొత్తం మీద ఏపీ ప్రభుత్వం టీచర్లకు సంబంధించిన బదిలీలు, ప్రమోషన్లపై ఫోకస్ పెట్టింది.

మరికొన్ని అప్డేట్స్

మరోవైపు ఉపాధ్యాయుల సమ్యలపై ఏపీటీఎఫ్ రాష్ట్రస్థాయి ఆందోళనకు సిద్ధమవుతోంది. తమ సమస్యల్ని పరిష్కరించకపోతే ఆందోళనలు చేస్తామని.. తమ సమస్యలపై వినతిపత్రాలు సమర్పించినా అసెంబ్లీలో చర్చకు రాలేదన్నారు. ఈ సమస్యల్ని ముఖ్యమంత్రి చంద్రబాబు దృష్టికి సమస్య తీసుకెళ్లలేదు అన్నారు ఏపీటీఎఫ్ నేతలు. వెంటనే సమస్యల్ని పరిష్కరించాలని డిమాండ్ చేశారు. తాము అన్ని జిల్లా కేంద్రాల్లో మహాధర్నాలు నిర్వహించాల్సి వచ్చింది అన్నారు.

ఏపీలో పదో తరగతి పరీక్షలు రాసే విద్యార్థులకు ముఖ్యమైన గమనిక.. హాల్‌టికెట్లను ఈ వారంలోనే విడుదల చేయనున్నారు. టెన్త్ విద్యార్థులు హాల్‌టికెట్లను www.bse.ap.gov.in వెబ్‌సైట్, మన మిత్ర వాట్సాప్‌ నంబరు 9552300009, పాఠశాల విద్యాశాఖ లీప్‌ యాప్‌ నుంచి డౌన్‌లోడ్ చేసుకోవచ్చు. పదో తరగతి విద్యార్థులు హాల్‌టికెట్లు పంపిణీకి, డౌన్‌లోడ్‌కు సంబంధించి ప్రైవేట్‌ ఏజెన్సీకి, థర్డ్‌ పార్టీ వెబ్‌సైట్లకు అనుమతి ఇవ్వలేదని అధికారులు తెలిపారు. థర్డ్ పార్టీ వెబ్‌సైట్‌ల ద్వారా హాల్‌టికెట్లు డౌన్‌లోడ్‌ చెయ్యవద్దని విద్యార్థులకు సూచనలు చేశారు.