యూనివర్సిటీలో గవర్నర్ను అడ్డుకున్న విద్యార్థులు
national | Suryaa Desk | Published : Tue, Jan 28, 2020, 06:45 PM
పశ్చిమ బెంగాల్ గవర్నర్ జగ్దీప్ ధన్కర్ను యూనిర్సిటీ ఆఫ్ కోల్కతా విద్యార్థులు విద్యార్థులు అడ్డుకున్నారు. యూనివర్సిటీలోకి ప్రవేశిస్తుండగా ఆయన కారుకు పెద్ద సంఖ్యలో అడ్డు పడ్డారు. అనంతరం గవర్నర్ వెనక్కి వెళ్లిపోవాలంటూ (గవర్నర్ గో బ్యాక్) నినాదాలు చేశారు. యూనిర్సిటీ క్యాంపస్లోకి ప్రవేశించేది లేదని డిమాండ్ చేశారు. గవర్నర్ హాజరు కావాల్సిన కార్యక్రమం అప్పటికే ఆలస్యం అయింది. దీనికి తోడు విద్యార్థులు అడ్డుపడడం వల్ల సదరు కార్యక్రమంలో గవర్నర్ పాలు పంచుకోలేకపోయారు. గవర్నర్ కారు చుట్టు ముట్టిన విద్యార్థులను తొలగించేందుకు భద్రతా సిబ్బంది చేసిన ప్రయత్నాలు సఫలం కాలేదు. విద్యార్థులు పెద్ద సంఖ్యలో ఉండడం వల్ల నిలువరించడం కష్టంగా మారింది. ఎస్కాట్ల సాయంతో యూనివర్సిటీలోని ఓ హాల్ వరకు గవర్నర్ వెళ్లారు. అయితే నిర్వాహకులు కార్యక్రమానికి సంబంధించిన ఏర్పట్లు చేయడంలో ఆలస్యం చేశారు. దీంతో కార్యక్రమంలో పాల్గొనకుండానే గవర్నర్ వెనుదిరిగారు.
|
|