ఏపీ సర్కార్ కు షాక్!
Andhra Pradesh Telugu | Suryaa Desk | Published : Sat, May 30, 2020, 05:21 PM
ఏపీ సర్కార్ కు మరోసారి ఎదురు దెబ్బ తగిలేలా ఉంది. ఏపీ ఎన్నికల కమిషనర్ గా నిమ్మగడ్డ రమేష్ కుమార్ ను కొనసాగించాలని ఏపీ హైకోర్టు తీర్పు వెలువరించిన విషయం తెలిసిందే. అయితే ఈ తీర్పు పై సుప్రీం కోర్టుకు వెళుతామని వైసీసీ ఎమ్మెల్యే అంబటి రాంబాబు ప్రకటించారు. ఈ కేసుకు సంబంధించి కాంగ్రెస్ నేత మస్తాన్ వలీ కేవియట్ పిటిషన్ దాఖలు చేశారు. కేవియట్ పిటిషన్ అంటే హైకోర్టు తీర్పు పై రాష్ట్ర ప్రభుత్వం స్టే పొందకుండా ముందస్తు చర్యగా వేసే పిటిషన్. మస్తాన్ వలీ తరపున న్యాయవాది నర్రా శ్రీనివాసరావు పిటిషన్ దాఖలు చేశారు. ఈ కేసు విచారణకు సంబంధించి సుప్రీం కోర్టు ఏవైనా ఉత్తర్వులు ఇవ్వాలంటే ముందుగా తనకు నోటిసులు ఇవ్వాల్సి ఉంటుందని ఆయన అన్నారు. హైకోర్టు తీర్పు పై సుప్రీం కోర్టు స్టే ఇచ్చే అవకాశాలు చాలా తక్కువని ఆయన ఆశాభావం వ్యక్తం చేశారు. సుప్రీం కోర్టులో ఏపీ సర్కార్ అసలు పిటిషన్ వేస్తుందా లేదా అనేది ప్రశ్నార్దకంగా మారింది.
|
|