అసెంబ్లీ సమావేశాలకు వారికి నో ఎంట్రీ
Andhra Pradesh Telugu | Suryaa Desk | Published : Sun, Jun 14, 2020, 04:48 PM
ఈ నెల 16 నుంచి ఆంధ్రప్రదేశ్ అసెంబ్లీ సమావేశాలు నిర్వహించేందుకు ప్రభుత్వం ఏర్పాట్లు చేస్తోంది. అసెంబ్లీ సమావేశాల్లో ప్రజా ప్రతినిధుల తర్వాత మీడియా కీలక పాత్ర పోషిస్తుంది. అసెంబ్లీ లోపల, బయట జరిగే ఘటనలను మీడియా ప్రతినిధులు ఎప్పటికప్పుడు ప్రజలకు చేరవేస్తారు. అయితే ఈ సారి మీడియా ప్రతినిధులకు అసెంబ్లీ మీడియా ప్రతినిధులకు అనుమతి లేదని ప్రభుత్వం నిర్ణయించింది. మీడియా పాయింట్ వద్ద మీడియా కార్యకలాపాలను నిషేధిస్తూ ప్రభుత్వం ఆదేశాలు జారీ చేసింది. అయితే కరోనా వైరస్ నేపథ్యంలో ప్రభుత్వం ఈ నిర్ణయం తీసుకుందని తెలుస్తోంది. అయితే, శాసనసభ, శాసనమండలిలో మీడియా గ్యాలరీకి మాత్రం ప్రతినిధులను అనుమతిస్తారు. కరోనా వ్యాప్తి నేపథ్యంలో ఈనెల 16న గవర్నర్ విశ్వభూషణ్ హరిచందన్ కూడా ఆన్లైన్ లోనే ఉభయసభలను ఉద్దేశించి ప్రసంగిస్తారని తెలుస్తోంది.
|
|