ట్రెండింగ్
మంగోలియా నూతన అధ్యక్ష పదవికి బట్టుల్గా ఎన్నిక
Andhra Pradesh Telugu | | Published : Sun, Jul 09, 2017, 10:17 AM
ఉలన్ బాటర్: మంగోలియా అధ్యక్ష పదవికి జరిగిన ఎన్నికల్లో యుద్ధ విద్యల నిపుణుడు ఖల్ట్మా బట్టుల్గా (54) ఎన్నిక అయ్యారు. సహజ వనరులు పుష్కలంగా ఉన్నా భారీగా అప్పుల ఊబిలో కూరుకున్న మంగోలియా అధ్యక్ష ఎన్నికల్లో పోటీ పడిన బట్టుల్గా ప్రత్యర్థి అధికార మంగోలియన్ పీపుల్స్ పార్టీ (ఎంపీపీ)కి చెందిన పార్లమెంట్ స్పీకర్ మైయగ్మోంబో ఎంక్బోల్డ్ ఓటమిని అంగీకరించారు. శనివారం జరిగిన పోలింగ్లో ఖల్ట్మా బట్టుల్గాకు 50.4 శాతం ఓట్లు లభించాయని ఎన్నికల సంఘం తెలిపింది. ఓటమిని అంగీకరించిన మైయంగ్మోంబో ఎంక్బోల్డ్.. తనకు మద్దతు పలికిన ఎంపీలకు కృతజ్ఞతలు చెప్పారు. ఉలన్ బాటర్ స్కైర్లో జరిగిన ర్యాలీని ఉద్దేశించి దేశాధ్యక్షుడిగా ఎన్నికైన బట్టుల్గా మాట్లాడుతూ ప్రభుత్వం తన పని తాను సజావుగా నిర్వహించుకునేందుకు సహకరిస్తానన్నారు.
|
|