కేంద్రం తాజా మార్గదర్శకాలు..పూర్తి వివరాలు ఇవే.!

భారత దేశంలో కరోనా వైరస్ ప్రభావం తగ్గింది. దీంతో కార్యాలయాలు నెమ్మదిగా తెరుచుకుంటున్నాయి. ఆఫీస్ లతోపాటు ఇతరత్రా పని చేసే ప్రాంతాలు ఎప్పుడూ రద్దీగా ఉంటాయన్న నేపథ్యంలో ఆయా ప్రాంతాల్లో కరోనా వ్యాప్తి నియంత్రణకు కేంద్ర ఆరోగ్య, కుటుంబ సంక్షేమ శాఖ తాజాగా మార్గదర్శకాలను విడుదల చేసింది. కారిడార్లు, ఎలివేటర్లు, స్టెయిర్‌కేస్, వాహనాలు నిలుపదల చేసే చోటు, క్యాంటీన్, కేఫటేరియా, సమావేశాల మందిరాలు తదితర ప్రాంతాల్లో కరోనా వ్యాప్తి చెందకుండా ప్రామాణిక నియమావళి పాటించాలని మంత్రిత్వశాఖ ఆదేశాల్లో పేర్కొంది.

తాజా మార్గదర్శకాలు ఇవే.!
► కరోనా వ్యాప్తి చెందకుండా జాగ్రత్త తీసుకోవాలి.
► కార్యాలయాల్లో ప్రతి ఒక్కరూ భౌతిక దూరం పాటించాలి.
► అన్నివేళలా మాస్కులు ధరించాలి.
► కార్యాలయంలోకి ప్రవేశించే ప్రాంతాల్లో థర్మల్‌ స్క్రీనింగ్, శానిటైజర్‌ వినియోగించాలి.
► కరోనా లక్షణాలు లేని వారినే కార్యాలయాల్లోకి అనుమతించాలి
► కంటైన్‌మెంట్‌ జోన్లలో నివశించే వారిని కార్యాలయానికి రానివ్వకూడదు.
► డ్రైవర్లు వారికి కేటాయించిన గదుల్లో సామాజిక దూరం పాటించాలి.
► వాహనం లోపలి భాగాన్ని రోజుకి రెండుసార్లు సోడియం హైపోక్లోరైట్‌ సొల్యూషన్‌ లేదా స్ప్రేతో శుభ్రం చేయాలి.
► డోర్‌ హ్యాండిళ్లు, తాళాలు ఎప్పటికప్పుడు శుభ్రం చేసుకోవాలి.
► వృద్ధులు, గర్భిణులు, వైద్య సేవలు పొందుతున్న వారు జాగ్రత్తలు తీసుకోవాలి.
► మాస్కు ధరించిన వారినే కార్యాలయాల్లోకి రానివ్వాలి.
► సందర్శకులను పూర్తిగా పరిశీలించిన అనంతరమే అనుమతించాలి.
► వీడియో కాన్ఫరెన్స్‌ ద్వారానే సమావేశాలు నిర్వహించాలి.
► వ్యాలెట్‌ పార్కింగ్‌ నిర్వహించే వారు గ్లౌజ్‌లు, మాస్కులు తప్పనిసరిగా ధరించాలి.
► కార్యాలయం లోపల , బయట ఉన్న దుకాణాలు, స్టాళ్లు, కేఫటేరియా, క్యాంటీన్లలో సామాజిక దూరం పాటించేలా చూడాలి.
► కనీసం రోజుకి రెండుసార్లు కార్యాలయాల ప్రాంగణం శానిటైజ్‌ చేయాలి.
► వాష్‌రూమ్‌ల్లో ఎళ్లవేళలా శానిటైజర్, సబ్బులు, నీటిప్రవాహం ఉండేలా చూసుకోవాలి.
► సీపీడబ్ల్యూడీ నిబంధనలు అనుసరించి ఏసీలు ఎప్పుడూ 24–30డిగ్రీలు, తేమ 40–70శాతం మధ్యలో ఉండేలా చూసుకోవాలి.

కరోనా కేసులు నమోదు అయితే..
► కార్యాలయాల్లో ఎవరికైనా కరోనా లక్షణాలు వస్తే వారిని గది లేదా అందరికీ దూరంగా ఉంచాలి.
► అనారోగ్యానికి గురైన వారిని వైద్యుడి వద్దకు తీసుకెళ్తే ఆ సమయంలో వారు మాస్కు లేదా ఫేస్‌ కవర్‌ ధరించేలా చూడాలి.
► వెంటనే దగ్గర్లోని వైద్య సదుపాయం ఉన్న ప్రాంతాలకు వారి సమాచారం చేరవేయాలి. వైద్యుల సలహాలు పాటించాలి.
► ఇప్పటికే ఉన్న నిబంధనల ప్రకారం కేసుల నిర్వహణ ఉండాలి