బలనిరూపణలో నెగ్గిన నాగాలాండ్ సీఎం
Andhra Pradesh Telugu | Suryaa Desk | Published : Fri, Jul 21, 2017, 05:54 PM
కోహిమా: బలనిరూపణ పరీక్షలో నాగాలాండ్ కొత్త సీఎం జెలియాంగ్ నెగ్గారు. గవర్నర్ ఆదేశాలతో శుక్రవారం శాసనసభలో బలనిరూపణ కోసం ఓటింగ్ నిర్వహించారు. 59 మంది ఎమ్మెల్యేలలో 47 మంది జెలియాంగ్కు మద్దతుగా ఓటేశారు. వీరిలో 36 మంది ఎన్పీఎఫ్ పార్టీకి చెందిన ఎమ్మెల్యేలు కాగా, నలుగురు భాజపా ఎమ్మెల్యేలు, ఏడుగురు స్వతంత్రులు ఉన్నట్లు నాగాలాండ్ స్పీకర్ వెల్లడించారు.
నాగాలాండ్లో గత కొన్ని రోజులుగా రాజకీయ సంక్షోభం నెలకొన్న విషయం తెలిసిందే. జులై 15లోపు అసెంబ్లీలో బలం నిరూపించుకోవాలని గవర్నర్ ఆచార్య మాజీ సీఎం లీజిత్సును సూచించారు. కానీ ఆయన బలపరీక్షకు హాజరుకాకపోవడంతో జెలియాంగ్ను ప్రభుత్వం ఏర్పాటు చేయాల్సిందిగా గవర్నరు కోరారు. అందుకు అంగీకరించిన జెలియాంగ్ శుక్రవారం అసెంబ్లీలో తన బలాన్ని నిరూపించుకున్నారు.
|
|