పొడవాటి జుట్టుకు గుడ్బై చెప్పేసింది
national | Suryaa Desk | Published : Fri, Apr 16, 2021, 08:39 AM
గుజరాత్ కి చెందిన నీలాంశీ పటేల్ ప్రపంచంలోనే అత్యంత పొడవైన కేశాలు గల టీనేజ్ యువతిగా ప్రపంచ రికార్డు సృష్టించింది. ఆరేళ్ల వయసులోనే ఆమె కటింగ్ చేయంచుకోకూడదని నిర్ణయించుకుంది. ప్రస్తుతం ఆమె వయసు 18 ఏళ్లు. అంటే 12 ఏళ్ల పాటు ఆమె తన జుట్టును కట్ చేయలేదు. దీంతో ఆమె జుట్టు అలా పెరుగుతూ పోయింది. 2020 జులైలో చివరిసారిగా 6 అడుగుల 6.7 అంగుళాల పొడవున్న జుట్టుతో ఆమె గిన్నిస్ రికార్డు సొంతం చేసుకుంది. 2018 నుంచి 2020 వరకూ వరుసగా మూడు సంవత్సరాలు ఈ రికార్డు ఆమె పేరే ఉంది. అయితే.. ఇటీవల ఆమె తన పొడవాటి జుట్టును మ్యూజియంకు ఇవ్వాలని నిర్ణయించింది. జుట్టును మ్యూజియంలో ఉంచడమే సబబని.. ఇటువంటి రికార్డులు మరిన్ని నెలకొల్పేలా ఇది ఎందరికో స్ఫూర్తినిస్తుందని ఆమె తల్లి వ్యాఖ్యానించారు. నిలాంశీ తల్లి కూడా తన కేశాలను కత్తిరించుకుని క్యాన్సర్ పేషెంట్లకు ఇచ్చేశారు. నిలాంశీ జుత్తు కత్తిరించుకుంటుండగా తీసిన వీడియోను గిన్నిస్ బుక్ ఆఫ్ వరల్డ్ రికార్డ్స్ తన యూట్యూబ్ ఛానల్ లో పోస్ట్ చేసింది.
|
|