ట్రెండింగ్
9 మంది వైసీపీ నేతలకు షోకాజ్ నోటీసులు
Andhra Pradesh Telugu | Suryaa Desk | Published : Mon, Apr 26, 2021, 02:02 PM
ఇటీవల జరిగిన జీవీఎంసీ ఎన్నికల్లో పార్టీకి వ్యతిరేకంగా పనిచేశారన్న ఆరోపణలు ఎదుర్కొంటున్న తొమ్మిది మంది వైసీపీ నాయకులకు ఆ పార్టీ జాతీయ ప్రధాన కార్యదర్శి, రాజ్యసభ సభ్యుడు వి. విజయసాయిరెడ్డి ఆదేశాల మేరకు ఆదివారం పార్టీ నగరాధ్యక్షుడు వంశీకృష్ణ శ్రీనివాస్ షోకాజ్ నోటీసులు జారీ చేశారు. ఆయా వార్డుల్లో అభ్యర్థుల ఫిర్యాదు మేరకు వీటిని అందజేశామన్నారు. షోకాజ్ నోటీసులు అందుకున్న ఐదు రోజుల్లో వివరణ ఇవ్వాలని, లేని పక్షంలో పార్టీ నుంచి సస్పెండ్ చేస్తామని వంశీకృష్ణ స్పష్టం చేశారు. షోకాజ్ నోటీసులు అందుకున్న వారిలో దాడి రమణ చిట్టి, దగ్గు కృష్ణ భగవాన్, పీతల అప్పలరాజు, కొలుసు ఈశ్వర రావు, జీరు వెంకట రెడ్డి, కిరణ్ రెడ్డి, సుందరపు అప్పారావు, కర్రి అప్పలస్వామి, గోపి రాజులున్నారు.
|
|