బడ్జెట్లో దళితులకు తీవ్ర అన్యాయం: జవహర్
Andhra Pradesh Telugu | Suryaa Desk | Published : Fri, May 21, 2021, 10:57 AM
బడ్జెట్లో దళితులకు తీవ్ర అన్యాయం జరిగిందని, ఇది దళిత వ్యతిరేక బడ్జెట్ అని మాజీ మంత్రి జవహర్ విమర్శించారు. శుక్రవారం మీడియాతో మాట్లాడుతూ.. ఎస్సీ సబ్ ప్లాన్కు కేవలం రూ.17 వేల కోట్లే కేటాయించారన్నారు. అవి బడ్జెట్లో అంకెలుగా ఉపయోగపడతాయి తప్ప దళితులకు ఏ మాత్రం ఉపయోగపడవని మండిపడ్డారు. జగన్ రెడ్డి తన ప్రభుత్వ ప్రచార ఆర్భాటాలకు ఖర్చు పెట్టినన్ని డబ్బులు కూడా దళితులకు ఖర్చు చేయడం లేదన్నారు. జగన్ దళితులకు చేస్తున్న అన్యాయంపై వైసీపీలోని దళిత మంత్రులు, ఎమ్మెల్యేలు ఎందుకు మౌనంగా ఉన్నారని ప్రశ్నించారు. గత ఏడాది ఎస్సీ సబ్ ప్లాన్కు కేటాయించిన రూ.14 వేల కోట్లు ఏమయ్యాయని నిలదీశారు. 14 వేల కోట్లలో కనీసం 14 రూపాయలైనా దళితులు ఖర్చు చేసారా అని మండిపడ్డారు. రెండేళ్ల వైసీపీ పాలనలో కనీసం ఒక్కరికైనా ఎస్సీ కార్పొరేషన్ ద్వారా రుణాలు గానీ స్వయం ఉపాధి యూనిట్లు గాని ఇచ్చారా అని ప్రశ్నించారు. ఎన్నికలకు ముందు దళితులకు మేనమామలా ఉంటానన్న జగన్ అధికారంలోకి వచ్చాక దొంగ మామలా తయారయ్యారని జవహర్ దుయ్యబట్టారు.
|
|