విశాఖ దక్షిణ కోస్తా రైల్వే జోన్ ప్రధాన కార్యాలయం ఏర్పాటు పై క్లారిటీ ఇచ్చిన మంత్రి
Andhra Pradesh Telugu | Suryaa Desk | Published : Fri, Dec 10, 2021, 09:12 PM
ఆంధ్రప్రదేశ్ పునర్వ్యవస్థీకరణ చట్టం 2014లోని అంశాల ప్రకారం.. విశాఖ పట్నం కేంద్రంగా సౌత్ కోస్ట్ జోన్ (ఎస్సీఓఆర్) పేరుతో కొత్త జోన్ ఏర్పాటుకు అంగీకారం తెలిపిన విషయం తెలిసిందే... అయితే ఈ విషయం పై నేడు వైఎస్సార్సీపీ పార్లమెంటరీ పార్టీ నాయకులు విజయసాయి రెడ్డి, పార్టీ లోక్సభాపక్ష నాయకులు మిధున్ రెడ్డి శుక్రవారం పార్లమెంట్లోని రైల్వే మంత్రి అశ్వినీ వైష్ణవ్ కార్యాలయంలో ఆయనతో భేటీ అయ్యారు. విశాఖపట్నం కేంద్రంగా దక్షిణ కోస్తా రైల్వే జోన్ ఏర్పాటు చేస్తున్నట్లు రైల్వే మంత్రి ప్రకటించి ఏళ్ళు గడుస్తున్నా కార్యకలాపాలను ప్రారంభించడంలో జరుగుతున్న అసాధారణ జాప్యాన్ని వారు వైష్ణవ్ దృష్టికి తీసుకువచ్చారు. దీనిపై స్పందించిన రైల్వే మంత్రి వెంటనే విశాఖ రైల్వే జోన్ కార్యకలాపాలు ప్రారంభిస్తామని తెలిపారు. దక్షిణ కోస్తా రైల్వే జోన్ ప్రధాన కార్యాలయం కార్యకలాపాలను వెంటనే ప్రారంభిస్తామని రైల్వే మంత్రి అశ్వినీ వైష్ణవ్ హామీ ఇచ్చారు. అయితే ప్రస్తుత దక్షిణ మధ్య రైల్వే హైదరాబాద్, సికింద్రాబాద్, నాందేడ్ డివిజన్లతో కొనసాగుతుందని చెప్పారు. ఈరోజు దీనిపై నిర్ణయం తీసుకున్నాం, దీనికి అవసరమైన తదుపరి చర్యలు కొనసాగుతాయి అని మంత్రి తెలిపారు.
|
|